Eksodusi 15:11 - Tshwa Bible

¹¹ Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 15:11 Mawu Ofanana

2 Samueli 7:22

Hikwalaho u wa hombe, Jehova Nungungulu! Hakuva a nga kona munwani wa ku fanana na wena, a nga kona Nungungulu ahandle ka wena, kukotisa zontlhe hi zi zwileko hi tindleve ta hina. Deut. 3:24; Isa. 44:6; Mar. 12:29, 32

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

1 Kronekele 16:25

Hakuva Jehova ngwa hombe, i fanekelwe hi ku dumiswa. Yena wa chaveka ku hunza vanungungulu vontlhe.

2 Kronekele 2:5

A yindlu leyi nzi lavako ku aka nja hombe, hakuva Nungungulu wa hina ngwa hombe ku hunza vanungungulu vontlhe.

2 Kronekele 6:14

aku: Jehova Nungungulu wa ka Israeli, cima a ku na Nungungulu a fananako na wena, le tilweni ni laha misaveni; wena loyi u hlayisako a xivumelwano xa wena ni ku va mahela wuxinji a malanza ya wena lawa ma fambako mahlweni ka wena hi timbilu ta wona tontlhe; Ekso. 15:11; Deut. 4:39; 7:9

Tisimu 113:5

Himani a fananako na Jehova, Nungungulu wa hina, Loyi a tshamako le hehlahehla, Isa. 57:15

Tisimu 119:120

A miri wa mina wa rurumela hi ku chava wena, Nza chava ni kulamula ka wena.

Tisimu 136:4

Loyi a mahako zirewukiso za hombe a hi yece, Hakuva a wuxinji gakwe ga kala kupinzuka.

Tisimu 145:17

Jehova i lulamile tindleleni takwe tontlhe, I na ni tipswalo mitirweni yakwe yontlhe.

Tisimu 22:23

Nwina lava mu chavako Jehova, mu dumiseni; Mu kuliseni nwina nwentlhe vana va Jakobe; Rurumelani ha yena, nwina nwentlhe varisanyana va Israeli.

Tisimu 35:10

A marambu ya mina wontihe ma taku: Jehova, himani a fananako na wena, Loyi a tlhatlhisako a xisiwana ka loyi a mu tlulako hi ntamu, Ina, loyi a tsimbeketilweko ni muvumali a ka loyi a mu wutlelako ke?

Tisimu 60:2

U tsekatsekisile misava, yi khayeka; Holisa a tifa ta yona, hakuva ya dzudzumela.

Tisimu 66:5

Tanani, mu wona a mitiro ya Nungungulu; Za hlamalisa a zimaho zakwe ka vanana va vanhu.

Tisimu 77:11

Nzi ta zwata a mitiro ya Jehova; Ina, nzi ta alakanya a zirewukiso za wena za kaleloko.

Tisimu 77:14

Hi wena Nungungulu loyi a mahako zihlamaliso; U kombisile a ntamu wa wena xikari ka matiko.

Tisimu 77:19

A gonzo ga wena gi lo tsemakanya bimbi, Ni ndlela ya wena yi wa hi xikari ka mati yo eta; Ni mabatha ya mikonzo ya wena a ma kumekangi. Ekso. 14:22

Tisimu 86:10

Hakuva wena u wa hombe, u maha zirewukiso; Wena wece u Nungungulu.

Tisimu 86:8

Xikari ka vanungungulu a nga kona a fananako na wena, Hosi, A yi kona mitiro yi fananako ni ya wena. Ekso. 15:11; Deut. 3:24

Tisimu 89:18

Hakuva a xitlhangu xa hina xi lumba Jehova, A hosi ya hina nja Wakubasa wa Israeli.

Tisimu 90:11

Himani a tivako a ntamu wa zanga ya wena? Ni kuholova ka wena, lezaku kasi a chava wena kota lezi ku faneleko.

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Eksodusi 20:3

U nga ta kuva ni vanwani vanungungulu mahlweni ka mina.

Eksodusi 3:20

Kanilezi nzi ta tlakusa a canja ga mina nziba vaGipite hi zihlamaliso zontlhe lezi nzi ta nga zi maha ka vona. Anzhako ka zona i ta mu tsika mu famba.

Eksodusi 8:10

Faro aku: Manziko ni mixo. Mosi aku: A zive nghaho, kasi wena wa fela ku zi tiva lezaku a ku kona wo fanana na Jehova, Nungungulu wa hina.

Eksodusi 8:6

Aroni i lo tlakusa a canja gakwe hehla ka mati ya Gipite; a makhele ma lo huma, ma tata a tiko ga Gipite.

Eksodusi 9:14

Hakuva lezi makunu nzi ta rumela makhombo wontihe hehla ka wena, ni hehla ka malanza ya wena, ni tikweni ga wena, kasi wena wa fela ku zi tiva lezaku a nga kona munwani wo fanana na mina misaveni yontlhe.

Isaya 30:11

humani ndleleni, mu hambuka; susani a Wa ku Basa wa ka Israeli mahlweni ka hina!

Isaya 40:18

Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Isaya 40:25

Mu ta nzi fananisa na mani loyi nzi ta nga ringana naye ke? Ku wutisa Loyi a Basileko.

Isaya 46:9

Alakanyani a zilo zi mahekileko kaleloko, Hakuva hi mina Nungungulu, a nga kona munwani; Nzi Nungungulu, a nga kona a fananako na mina.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Levi 19:2

Byela a hlengeletano wontihe wa vanana va ka Israeli, uku ka vona; Basani, hakuva mina rizi basile, mina Jehova, Nungungulu wa nwina.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Luka 12:5

Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.

Deuteronome 1:30

Jehova Nungungulu wa nwina, loyi a fambako mahlweni ka nwina, i ta mu lwela kota lezi a nga mu mahela zontlhe mahlweni ka nwina le Gipite.

Deuteronome 3:24

Hosi Jehova, wena u sangule ku kombisa ka nanza ga wena a wukulu ga wena, ni ntamu wa canja ga wena, hakuva hi wihi nungungulu le tilweni ni laha misaveni a nga mahako mi-tiro yo kota ya wena ke?

Deuteronome 33:26

O Jexuruni! A nga kona wa ku fanana ni Nungungulu, Loyi a tako ku ta ku vuna na khilele matilo; A wukulu gakwe gi tlakusilwe le marefini,

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?

Kuvululelwa 13:4

Va lo khozela drako, hakuva i wa nyikile xihari a ntamu wa xona; va khozela ni xihari vaku: Himani a fananako ni xihari, himani a zi kotako kulwa naxo ke? Xip. 18:18

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.