Eksodusi 15:10 - Tshwa Bible

¹⁰ U lo pupuxa hi moya wa wena: A bimbi gi lo va khubunyeta; Va lo rikha kota xiketse, Lomu nonzweni wa mati yo eta.

Eksodusi 15:10 Mawu Ofanana

Genesisi 8:1

Na Nungungulu i lo alakanya Noa, ni zihari zontlhe, ni zifuyo zontlhe zi nga hi lomu tarwini; na Nungungulu i lo maha mheho yi pupuxa hehla ka misava, kasi a mati ma bohla.

2 Samueli 18:8

A yimpi yi lo fenengeta a tiko gontlhe, ni khwati gi lo hihirita a vanhu vo tala lego siku ku hunza lava va nga dawa hi tisupado.

Nehemia 9:11

U lo va avanyisela a bimbi, kasi va fela ku famba muhanzeni wa lomu xikari ka gona, kanilezi lava va nga wa va hlongolisa u va hoxa lomu kueteni ka gona, khwatsi i ribye gi hoxilweko matini ya ntamu.

Tisimu 135:7

Wa maha marefu ma tlakukela hehla hi le magunweni ya misava, A humesa zingwalangwanza, a nisa vula, Ni ku humesa mheho hi lomu mabakweni yakwe. Jer. 10:13; 51:16

Tisimu 147:18

A ruma gezu gakwe, zi nyunguluka; Wa maha mheho yakwe yi pupuxa, a mati ma khulunga.

Eksodusi 14:21

Zonake Mosi i lo nawuluta a canja gakwe hehla ka bimbi, Jehova a tlhelisa a bimbi hi mheho ya ntamu ya Mutsuwuka-gambo, yi nga wa pupuxa wusiku gontlhe a pswhisa bimbi, a mati ma avanyeka hi laha xikari. Jox. 4:23; Isa. 63:12

Eksodusi 15:5

A mabyandlati ma va fenengetile; Va rikhile lomu nonzweni kota maribye.

Mavingu 30:4

Himani a nga nga kanziha tilweni a tlhela a chika ke? Himani a nga khomako a moya hi canja gakwe ke? imani a nga hlengeletelako mati ngubyeni yakwe ke? imani a yimisileko wontihe magumo ya misava ke? imani vito gakwe? A vito ga nʼwana wakwe himani, loku u kari u gi tiva?

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Jeremia 10:13

Loku a tlakusa a gezu gakwe A mati ma dzuma le matilweni, A maha marefu mata hi le magunweni ya misava; I rumela zingwalangwanza zinwe ni vula, Ni ku humesa a mheho lomu mabakweni yakwe.

Jeremia 46:17

Laho vaba huwa, vaku: Faro a hosi ya Gipite i file, I hunzelwe hi xikhati xakwe.

Amosi 4:13

Hakuva, loyi a nga vanga zitsunga ni mheho, a tlhatlhambutela ka munhu lezi zi na nga maalakanyo yakwe, loyi a hunzulako mixo yi maha munyama, a fambako matshanwini ma tlakukileko ya misava, a vito gakwe hi Jehova, a Nungungulu wa tiyimpi.

Mateu 8:27

Ni vavanuna va lo hlamala, vaku: Munhu wa ku yini loyi, waku hambu mheho ni bimbi zi mu ingisa ke?

Deuteronome 11:4

ni lezi a zi mahileko ka yimpi ya vaGipite, ni mahaxi yabye, ni tikareta tabye, lezi a nga kukumukisa mati ya Bimbi go Pswhuka hehla kabye, laha va nga wa mu hlongolisa, zonake Jehova a va lovisa kala inyamutlha;