Eksodusi 14:29 - Tshwa Bible

²⁹ Kanilezi a vanana va ka Israeli va lo famba xikari ka bimbi; laha misaveni yi womileko, ni mati ma wa yimile hi matlhelo mambiri.

Eksodusi 14:29 Mawu Ofanana

2 Tihosi 2:8

Zonake Elija i lo teka a nguwo yakwe a yi petsa, aba ha yona a mati ya congo, a mati ma avanyeka maya seno ni seno. Vona vambiri va lo tlhatuka muhanzeni wu womileko. Ekso. 14:21; Jox. 3:16

Nehemia 9:11

U lo va avanyisela a bimbi, kasi va fela ku famba muhanzeni wa lomu xikari ka gona, kanilezi lava va nga wa va hlongolisa u va hoxa lomu kueteni ka gona, khwatsi i ribye gi hoxilweko matini ya ntamu.

Tisimu 106:9

A kawuka a Bimbi go Pswhuka, gipswa, A va rangela lomu kueteni khwatsi hi lomu xiwuleni. Ekso. 14:21; Isa. 63:10-12

Tisimu 136:13

Loyi a nga avanyisa Bimbi go Pswhuka hi laha xikari, Hakuva a wuxinji gakwe ga kala kupinzuka.

Tisimu 78:13

I lo avanyisa bimbi, a va tlhatukisa, A maha mati ma yima khwatsi i nhulu.

Eksodusi 14:22

A vanana va ka Israeli va lo famba hi laha xikari ka bimbi misaveni yi womileko; ni mati ma lo yima hi matlhelo mambiri. 1 Kor. 10:1; Maheb. 11:29

Eksodusi 15:19

Hakuva laha a mahaxi ya Faro ni tikareta takwe, ni vakhileli va wona va jamile bimbini; Jehova i lo tlhelisela a mati ya bimbi hehla ka vona; kasi lezo a vanana va ka Israeli va lo famba misaveni yi womileko lomu xikari ka bimbi.

Eksodusi 15:8

Hi kuhefemula ka tinhovu ta wena, a mati ma lo tsemeka, A mati lawa ma khulungako ma yimisilwe ma maha nhulu; A mabyandlati ma 16 woma xikari ka bimbi.

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

1 Va le Korinte 10:1

Vamakabye, nza ranza lezaku mu zi tiva ku ngalo, a vakoko vontlhe va hina va wa hi lahasi ka refu, vontlhe va lo tsemakanya bimbi; Ekso. 13:21; 14:22; Isa. 63:11

Joxua 3:16

a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3