Eksodusi 13:9 - Tshwa Bible

⁹ Lexi xi tava xikombiso a canjeni ga wena, ni xialakanyiso xikari ka mahlo ya wena. A nayo wa Jehova wu tava nonwini wa wena, hakuva Jehova i ku humesile le Gipite hi canja ga ntamu.

Eksodusi 13:9 Mawu Ofanana

Nehemia 1:10

Makunu tawa hi malanza ya wena, a vanhu va wena, lava u va tiruleko hi ntamu wa wena, hi canja ga wena ga ntamu.

Tisimu 136:11

A humesa Israeli xikari kabye, Hakuva a wuxinji gakwe ga kala kupinzuka.

Tisimu 136:12

Hi canja ga ntamu ni woko gi nawulutilweko, Hakuva a wuxinji gakwe ga kala kupinzuka. Deut. 4:34

Tisimu 89:13

U na ni woko gi tiyileko, A canja ga wena gi na ni ntamu; A canja ga wena ga xinene gi tlakukile.

Eksodusi 12:14

Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Eksodusi 12:41

Zonake a kugumeseni ka 430 wa malembe, hi siku lego a mabandla wontihe ya Jehova ma nga huma tikweni ga Gipite.

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 13:16

Xi tava xikombiso a canjeni ga wena, ni le ximombyeni xa wena; hakuva Jehova i hi humesile le Gipite hi canja ga ntamu.

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 3:20

Kanilezi nzi ta tlakusa a canja ga mina nziba vaGipite hi zihlamaliso zontlhe lezi nzi ta nga zi maha ka vona. Anzhako ka zona i ta mu tsika mu famba.

Eksodusi 7:4

Kanilezi Faro a nga ta ingisa. Zonake nzi ta veka a canja ga mina hehla ka Gipite, nzi humesa a zidlemo za mina ka lego tiko, vona a vanhu va mina, a vanana va ka Israeli, hi tsayiselelo wa hombe.

Mavingu 1:9

Hakuva lexo xi tava xidlodlo xo saseka hlokweni ya wena, i gobo nhanwini ya wena.

Mavingu 3:21

Nwananga, u nga vumeli lezi zilo zi nwalala mahlweni ya wena, layisa wutlhari gi tiyileko ni kupimisisa.

Mavingu 7:23

Kala ligalala li tlhava xivinzi xakwe, ukotisa xinyanyani xi tsutsumelako ku wela tlhanwini, a xi nga zi tivi lezaku wu ta lovisa wutomi ga xona.

Xizimba xa ka Solomoni 8:6

Nzi nameketa mbilwini ya wena kota xifungo, Khwatsi hi xifungo laha wokweni ga wena; Hakuva a liranzo li nani ntamu wo fanana ni wa kufa; Ni xiluse xi nonoha kukotisa Xeoli; A kuhisa ka xona ku khwatsi kuhisa ka nzilo, I langavi ga Jehova.

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 44:5

Munwe i taku: Mina nzi wa Jehova: A munwani i ta ti vitana hi vito ga Jakobe; A wa wunharu i ta tsala canjeni gakwe, aku: Nzi lumba Jehova, A ti vitana hi vito ga Israeli a kuva xibongo xakwe.

Isaya 49:16

Languta, nzi ku tsalile zipameni za mandla ya mina, A makhurisi ya wena xontlhe xikhati ma le mahlweni ka mina.

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Jeremia 22:24

Khwatsi hi lezi nzi hanyako, ku wula Jehova, loku ku wo khwatsi Koma a nʼwana Jehoiakimu, hosi ya ka Juda, a wa hi phera yi mehelweko canjeni ga mina ga xinene, hambu zi hi tano ngha nzi mu konole kwalaho. Xiz. 8:6; Hag. 2:24

Danieli 9:15

Hosi, Nungungulu wa hina, loyi u humesileko a vanhu va wena tikweni ga Gipite hi canja ga wena ga ntamu, u ti mahela a wudumo kala ni nyamutlha lezi, hina hi Onhile, hi mahile kubiha.

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Mitsengo 15:39

A machakafula lawa mu ta ma wona; ni loku mu ma cuwuka mu ta alakanya milayo yontlhe ya Jehova mu yi maha, kasi mu nga pengi hi ku lanzela a timbilu ta nwina ni mahlo ya nwina, a ziro lezi zi mu kokelako wubhayini.

Mateu 23:5

A mitiro yabye yontlhe va yi maha kasi ku woniwa hi vanhu; hakuva va anamisa a mafilakterio yabye, va lehisa a machakafula ya tinguwo tabye. Mitse. 15:38; Deut. 22:12

Va le Roma 10:8

Kasi kululama ku wula yini ke? Kuku: A mhaka yi le kusuhani na wena, yi le nonwini wa wena, ni le mbilwini ya wena: yona mhaka ya kukholwa leyi hina hi yi kanelako.

Deuteronome 30:14

Kanilezi a gezu gi kona kusuhani nguvu na wena, lomu nonwini wa wena, ni lomu mbilwini ya wena, kasi wena wa fela ku gi hlayisa.

Deuteronome 5:15

Hakuva u fela ku alakanya lezaku wenawu u wa hi xitiri le tikweni ga le Gipite, kanilezi Jehova Nungungulu wa wena i ku humesile hi canja ga ntamu gi tlakukileko, hikwalaho Jehova Nungungulu wa wena i ku leletele ku hlayisa a siku ga Sabado.

Deuteronome 6:21

Zonake u ta byela nʼwana wa wena ku ngalo: Hina hi wa hi tikhumbi ta Faro le tikweni ga Gipite, kanilezi Jehova i hi tlhatlhisile hi canja ga ntamu.

Deuteronome 6:6

A milayo leyi nzi ku layako ha yona nyamutlha yi tava mbilwini ya wena.

Deuteronome 6:8

U ta yi boha lomu wokweni ga wena, xiva xialakanyiso xa wena, ni xikombiso a xikari ka mahlo ya wena.

Kuvululelwa 18:8

Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. Isa. 47:9; Jer. 50:34

Valamuli 2:12

Va lo fularela Jehova, a Nungungulu wa vararu vabye, loyi a nga va humesa tikweni ga le Gipite, va lanzela vanwani vanungungulu va matiko lawa ma va ranzelekeleko, va va khizamela, va zangarisa Jehova.