Eksodusi 12:48 - Tshwa Bible

⁴⁸ Loku a wamatiko loyi a luvelako xikari ka nwina a lava ku maha Pasika ka Jehova, i fanele ku va maha mikwera vontlhe vavanuna va ngango wakwe, zonake i ta tshinela aga Pasika: hakuva i ta ku khwatsi hi loyi a belekilweko lomu lixakeni la nwina; kasike loyi a nga kala ku enghena wukwera, cima a nga taga Pasika.

Eksodusi 12:48 Mawu Ofanana

Genesisi 17:11

Mu tava mikwera, mu susa a dewu ga le magumo ka nyama ya nwina, ku tava xifungo xa xivumelwano xikari ka mina na nwina.

Genesisi 17:12

Loye a nga ni ntlhanu wa masiku ni manharu xikari ka nwina i tava kwera, vontlhelele vavanuna va zizukulwana za nwina, loyi a belekelweko lomu ndlwini, ni loyi a xabyilweko hi mali, ni ka valuveli vontlhe va nga hiko va pswalo wa wena.

Eksodusi 12:19

Lomu ka masiku ya ntlhanu ni mambiri ku nga dzuki ku kumiwa a comelo lomu tindlwini ta nwina, hakuva loyi a gako lezi zi comelweko, i ta tsemiwa lomu hlengeletanweni ya va ka Israeli, hambu loku a hi muluveli, kutani na nga xisumbulwa xa nwina.

Eksodusi 12:43

Zonake Jehova aku ka Mosi na Aroni: A xiyimiso xa Pasika hi lexi: Ngha ku nga hi kona muluveli xikari ka nwina a ta ngaga Pasika;

Ezekieli 14:7

Hakuva munhu ni munhu wa yindlu ya ka Israeli, hambu a muluveli a nga xikari ka Israeli, loyi a ti tsawukanisako na mina, a nyikela mbilu yakwe ka zifananiso, ni ku veka mahlweni kakwe a Zikhunguvanyiso xi mu yisako kubiheni, loku ata ka muprofeti lezaku yena a fela ku mu wutisela mahlweni ka mina, mina Jehova wutsumbu nzi ta mu hlamula. Levi 17:8

Ezekieli 44:9

Hosi Jehova i ngalo: A ku na wamatiko xikari ka vanana va ka Israeli, loyi a nga khuna mbilwini ni nyameni, a ta nga enghena wutshanwini ga mina ga kubasa.

Ezekieli 47:22

Mu ta gi avelana xikari ka nwina ni vamatiko lava va akileko zinwe na nwina hi ku gi hlahluva hi hlolo; a vamatiko va ta pswala vana xikari ka nwina, mu ta va hlaya kota zisumbulwa xikari ka vana va ka Israeli; va tava ni tshomba zinwe na nwina xikari ka tixaka ta ka Israeli. Levi 19:34

Levi 19:34

A muluveli loyi a akileko xikari ka nwina, i tava xisumbulwa, a maha munwe wa nwina; u ta mu ranza kota lezi u ti ranzako wena; hakuva nwinawu mu wa hi valuveli tikweni ga le Gipite. Hi mina Jehova, Nungungulu wa nwina.

Mitsengo 9:14

Loku a muluveli loyi a akileko na nwina a lava kuga Pasika ya Jehova, i ta yi maha hi nayo wa Pasika, kota zileletelo za yona. A nayo wa kona wu tava zinwe ni wa nwina; hi lezaku a muluveli ni xisumbulwa zi tava zinwe.

Va le Galatia 3:28

A ka hi kona muJuda hambu muGreki, a ka hi kona khumbi hambu a tlhatlhekileko, a ka hi kona wanuna hambu wasati; hakuva nwina nwentlhe mu munwe ka Kristu Jesu. Joh. 10:16; 17:21; Rom. 10:12

Va le Kolosi 3:11

Laho a ku na muGreki ni muJuda, ni xitshiva ni khuna, ni wamatiko ni muSkite, a khumbi ni loyi a tlhatlhekileko; kanilezi Kristu hi yena zontlhe, i kona ka vontlhe. Gal. 3:28