Eksodusi 12:22 - Tshwa Bible

²² Mu ta teka a musase wa hisope mu wu peta lomu nkhateni lowo wu ta ngava lomu ngelweni, mu tota timhanze ta laha nyangweni ya yindlu; ku nga dzuki ku huma munhu hi lomu ndlwini yakwe na gi nga seca.

Eksodusi 12:22 Mawu Ofanana

Tisimu 51:7

Nzi basise hi hisope lezaku nziva a hlazekileko; Nzi hlaze, nzi maha wo basa ku hunza gapongo. Levi 14:4, 6; Mitse. 19:18; Isa. 1:18

Eksodusi 12:7

A va teke a nkhata wa kona va tota a timhanze timbiri ta laha nyangweni ya yindlu leyo va gelako ka yona.

Isaya 26:20

Yana, tiko ganga, enghena ti ndlwini ta wena, u ti valela; Fihlala xikhatanyana, kala a zanga yi hunza.

Mitsengo 19:18

Zonake a munhu loyi a hlazekileko i ta teka hisope a yi peta lomu matini, a nwatsekela a tenda ni zibya zontlhe, ni vanhu yontlhe lava va nga kona, munhu loyi a khumbileko marambu, hambu munhu loyi a delweko, hambu xirumbi, hambu xilahla.

Mateu 26:30

Laha na va yimbelele lisimu, va lo huma vaya xitsungeni xa maOliva.

Maheberu 11:28

Hi kukholwa i lo yimisa a pasika ni ku nwatsekelwa hi nkhata, lezaku kasi a mudayi wa matewula a nga henyi ya vaIsraeli. Ekso. 12:21

Maheberu 12:24

ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Maheberu 9:1

Hakunene ni xivumelwano xo sangula xi wa hi ni mileletelo ya ku khozela Nungungulu, ni wutshamu go basa ga laha misaveni, Ekso. 25:8

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Maheberu 9:19

Hakuva laha Mosi a nga hlawutele yontlhe milayo ka vanhu vontlhe, yena i lo teka a nkhata wa marole ni timbuti, zinwe ni mati ni woya go pswhuka ni hisope, a nwatsekela a bhuku ga kona ni vanhu vontlhe, aku: Ekso. 24:5, 6, 8; Levi 14:4, 6, 7, 49

Joxua 2:19

Kani hi wihi loye a ta nga huma lahandle laha nyangweni ya yindlu ya wena, a nkhata wakwe wu tava hlokweni yakwe, hina hi nga tava ni nanzu. Kanilezi kani hi wihi a ta nga dawa na a hi lomu ndlwini ya wena, a nkhata wakwe wu tava hehla ka tihloko ta hina.

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22