Eksodusi 12:21 - Tshwa Bible

²¹ Zonake Mosi i lo vitana masingalakati wontihe ya va ka Israeli, aku ka vona; Yanani mu ya hlawula a yivana khwatsi hi tsengo wa mingango ya nwina, mu tlhava Pasika.

Eksodusi 12:21 Mawu Ofanana

2 Tihosi 23:21

A hosi yi lo leletela vanhu vontlhe, yiku: Mahani a Pasika ya Jehova Nungungulu wa nwina, khwatsi hi lezi ku tsalilweko lomu bhukwini ga xivumelwano. Ekso. 12:3; Deut. 18:2

Ezra 6:20

Hakuva a vapristi ni vaLevi va wa ti basisile khatiginwe, vontlhe va wa hlazekile. Va lo tlhavela a Pasika lego vontlhe lava va wuyileko hi le wukhumbini, ni vanakulobye, a vapristi, ni wutsumbu gabye.

Eksodusi 12:11

Mu ta yiga kota lezi: Mu bohile ziwunu za nwina, na mu ambele a zilato mikonzweni ya nwina, mu khomile nhonga canjeni ga nwina; muga hi kuhatlisa. I Pasika ga Jehova.

Eksodusi 12:20

Mu nga dzuki muga lezi zi comelweko; lomu tindlwini ta nwina tontlhe mu taga lezi zi nga hiko na comelo.

Eksodusi 12:3

Byelani wontihe hlengeletano wa va ka Israeli, muku: Hi siku ga wukhume ga hweti leyi, munwe ni munwani a ti hlawulele a yivana kutani ximhutana kota mingango ya vararu vabye; a ngango ni ngango wu tava ni yivana ya wona kutani ximhutana xa wona.

Eksodusi 17:5

Jehova aku ka Mosi: Teka masingalakati ya va ka Israeli, ni nhonga ya wena leyi u ngaba bimbi ha yona, u rangela mahlweni ka vanhu.

Eksodusi 19:7

Zonake Mosi i lo vitana a masingalakati ya vanhu, a va tlhamusela tontlhe leti timhaka Jehova a mu leleteleko tona.

Eksodusi 3:16

Famba u ya tsombanyisa a masingalakati ya ka Israeli, uku ka wona: Jehova, Nungungulu wa vararu va nwina, Nungungulu wa Abrahama, ni Nungungulu wa Isaka, ni Nungungulu wa Jakobe, i wonekile ka mina, aku: Hakunene nzi mu enzele, nzi wonile lezi a vaGipite va zi mahako ka nwina.

Mitsengo 11:16

Zonake Jehova aku ka Mosi: Nzi vitanele 70 wa masingalakati ya va ka Israeli, lava u va tivako lezaku hi vona tihloko ta vanhu, ni kuva madota ya ku xuxa timhaka; u va neha lomu tendeni ga mutlhangano, va ta ta yima laho zinwe na wena. Ekso. 18:25

1 Va le Korinte 10:4

vontlhe va lonwa a kunwa kunwe ka moya; hakuva va lonwa ribyeni ga moya legi gi nga va pangalata; a ribye lego gi wa hi Kristu. Ekso. 17:6; Mitse. 20:11; Tis. 78:15; Joh. 4:10; Kuv. 22:17

Maheberu 11:28

Hi kukholwa i lo yimisa a pasika ni ku nwatsekelwa hi nkhata, lezaku kasi a mudayi wa matewula a nga henyi ya vaIsraeli. Ekso. 12:21

Joxua 5:10

Ni vanana va ka Israeli va lo gova le Gilgale, va maha Pasika laha gambyeni hi siku ga 14 ga hweti, le libaleni la Jeriko. Ekso. 12:2; Mitse. 9:5