Eksodusi 12:19 - Tshwa Bible

¹⁹ Lomu ka masiku ya ntlhanu ni mambiri ku nga dzuki ku kumiwa a comelo lomu tindlwini ta nwina, hakuva loyi a gako lezi zi comelweko, i ta tsemiwa lomu hlengeletanweni ya va ka Israeli, hambu loku a hi muluveli, kutani na nga xisumbulwa xa nwina.

Eksodusi 12:19 Mawu Ofanana

Eksodusi 12:15

Ntlhanu wa masiku hi mambiri mu taga zibaba zi nga hiko na comelo; hi siku go ranga mu ta humesa a comelo lomu tindlwini ta nwina; Hakuva loye a ta ngaga a zibaba zi comelweko, kusukela siku go sangula kala siku ga wuntlhanu ni mambiri, loye munhu i ta tsemiwa xikari ka vaIsraeli.

Eksodusi 12:20

Mu nga dzuki muga lezi zi comelweko; lomu tindlwini ta nwina tontlhe mu taga lezi zi nga hiko na comelo.

Eksodusi 12:43

Zonake Jehova aku ka Mosi na Aroni: A xiyimiso xa Pasika hi lexi: Ngha ku nga hi kona muluveli xikari ka nwina a ta ngaga Pasika;

Eksodusi 12:48

Loku a wamatiko loyi a luvelako xikari ka nwina a lava ku maha Pasika ka Jehova, i fanele ku va maha mikwera vontlhe vavanuna va ngango wakwe, zonake i ta tshinela aga Pasika: hakuva i ta ku khwatsi hi loyi a belekilweko lomu lixakeni la nwina; kasike loyi a nga kala ku enghena wukwera, cima a nga taga Pasika.

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 13:7

Ntlhanu wa masiku ni mambiri a ku giwe a zibaba zi nga hiko na comelo. Ku nga dzuki ku woniwa a zibaba zi comelweko; ni comelo gi nga dzuki gi woniwa lomu tikweni ga nwina gontlhe.

Eksodusi 23:15

U ta hlayisa a mutlhangano wa zibaba zi nga comelwangiko; ka masiku ya ntlhanu ni mambiri, hi hweti ya Abibi, u taga a zibaba zi nga comelwangiko khwatsi hilezi u leletelweko; hakuva hi yona a hweti leyi u nga huma ha yona le Gipite. Hikwalaho a vanhu va nga dzuki va woneka mahlweni ka mina na va nga hi na nchumu.

Eksodusi 30:33

Kani hi wihi a mahako yo fanana ni laya, kutani loyi a totako wamatiko ha wona, i ta humeswa xikari ka lixaka labye.

Eksodusi 34:18

U ta hlayisa mubuzo wa zibaba zi nga comelwangiko. U taga zibaba zi nga comelwangiko lomu ka ntlhanu wa masiku ni mambiri, hi zikhati za kona kota lezi nzi ku leletelako lomu ka hweti ya Abiba, hakuva u humile Gipite hi hweti ya Abiba.

Levi 23:5

Hi hweti yo sangula, ka siku ga 14, laha gambyeni i Pasika ya Jehova;

Mitsengo 9:13

Kanilezi loku munhu a hlazekile, ni loku a nga enzangi, a tsika kuga Pasika, loye munhu i ta tsemiwa ka va ka kabye, hakuva a nga humesangi a munyikelo wa Jehova hi xikhati xa wona; loye munhu i ta rwala a nanzu wakwe yena nwinyi.

Deuteronome 16:3

U ngagi a xibaba xi comelweko zinwe nago, u taga xibaba xi nga comelwangiko ntlhanu wa masiku ni mambiri, na xi hi xibaba xa kuxaniseka, hakuva wena u lo huma hi kuhatlisa le tikweni ga Gipite, u ta alakanya wontihe masiku ya wutomi ga wena a siku legi u humileko ha gona le tikweni ga le Gipite.