Eksodusi 12:16 - Tshwa Bible

¹⁶ Hi siku go ranga mu tava ni ntlhangano wa kubasa; wu tava kona kambe hi siku ga wuntlhanu ni mambiri; ka lawo masiku mu nga tiri hambu ni ntiro munwe, sine a ntiro wo longisa a kuga ka vanhu basi.

Eksodusi 12:16 Mawu Ofanana

Eksodusi 16:23

Yena aku ka vona: Lezi hi lezi zi leletelweko hi Jehova; manziko i siku go humula, hi sabado go basa ga Jehova; bhikani lezi mu lavako ku bhika nyamutlha, mu katinga lezi mu lavako ku katinga nyamutlha; zonake zontlhe lezi zi salako, zi hlayiseni kala manziko.

Eksodusi 16:29

Tivani lezaku Jehova i mu nyikile sabado, hi zalezo a mu nyikako a zibaba za masiku mambiri ka siku ga wuntlhanu ni ginwe. Munwe ni munwani a tshame kaya, ngha a nga hi kona munhu a humako laha mutini hi siku ga wuntlhanu ni mambiri. Gen. 2:3; Ekso. 20:8

Eksodusi 16:5

Ku taku hi siku ga wuntlhanu ni ginwe, va longisela lezi va zi roleleko zi ringana masiku mambiri.

Eksodusi 20:10

kanilezi a siku ga wuntlhanu ni mambiri i sabado ga Jehova, Nungungulu wa wena. U nga tiri ntiro hi siku lego, wena ni mufana wa wena, ni nhanyana wa wena, ni xitiri xa wena xa wanuna ni xa wasati, ni homu ya wena, ni muluveli wa wena loyi a nga mutini wa wena.

Eksodusi 34:18

U ta hlayisa mubuzo wa zibaba zi nga comelwangiko. U taga zibaba zi nga comelwangiko lomu ka ntlhanu wa masiku ni mambiri, hi zikhati za kona kota lezi nzi ku leletelako lomu ka hweti ya Abiba, hakuva u humile Gipite hi hweti ya Abiba.

Isaya 1:13

Mu nga ha nzi neheli minyikelo yi nga nyawuliko; a libani li hi manyalataniso ka mina. Nzi nyenya a mibuzo ya hweti yiswa, ni ya masabado, ni tihlengeletano; nza venga ku wona kuonha tihlengeletanweni ti basileko.

Levi 23:21

Ka gwalego siku mu ta ramba mutlhangano lowu wu basileko; mu nga tiri hambu ni ntiro munwe wo tika. Lexi xi tava xileletelo xa kala kupinzuka ka zizukulwana za nwina, ka wontihe matlhelo lawo mu ta nga aka ka wona.

Levi 23:27

Hi siku ga 10 ka hweti leyi ya wuntlhanu ni timbiri ku tava a siku ga miphahlelo ya nzhiho; mu tava ni ntlhangano wa kubasa, muva ni hlomulo, mu nyikela ka Jehova a miphahlelo ya kuhiswa.

Levi 23:35

Hi siku go sangula ku tava ni mutlhangano wa kubasa; mu nga tiri ntiro wo tika ha gona.

Mitsengo 28:18

Hi siku go sangula ku tava ni mutlhangano wa kubasa; mu nga dzuki mu tira a ntiro wo binza ha gona.

Mitsengo 28:25

Hi siku ga wuntlhanu ni mambiri mu tava ni mutlhangano wa kubasa; mu nga dzuki mu tira ntiro yo binza ha gona.

Mitsengo 28:26

Ni kambe hi siku ga mihanzu yo ranga, laha mu nyikelako mavele maswa ka Jehova, laha mubuzweni wa nwina wa maviki, mu tava ni mutlhangano wa kubasa; mu nga dzuki mu tira ntiro wo binza ha gona.

Mitsengo 29:1

Hi hweti ya wuntlhanu ni timbiri ka siku go ranga ga hweti, mu tava ni mutlhangano wu basileko; mu nga tiri ntiro wo binza ha gona. Gi tava siku ga kuba mipunzu ya nwina. Levi 23:24

Mitsengo 29:12

Hi siku ga 15 ga hweti ya 7 mu tava ni mutlhangano wu basileko; mu nga tiri ntiro wo binza ha gona, kanilezi lomu ka 7 wa masiku mu ta mahela Jehova mubuzo. Levi 23:34

Johani 19:31

A vaJuda hi ku chava lezaku a zirumbi zi ta sala zihambanweni hi siku ga sabado, hakuva a sabado lego gi wa hi ga hombe, hi siku go Longisela, va lo kombela Pilatu lezaku yi tshobyiwa milenge yabye, kasi va fela ku susiwa. Deut. 21:23; Mar. 15:42

Deuteronome 16:8

Lomu ka ntlhanu wa masiku ni ginwe wena u taga zibaba zi nga hiko na comelo; hi siku ga wuntlhanu ni mambiri ku tava ni mutlhangano wa kubasa wa Jehova Nungungulu wa wena; u nga tiri ni ntiro munwe.