Eksodusi 11:8 - Tshwa Bible

⁸ Ni malanza wontihe ya wena ma tata ka mina ma ta nzi khizamela, maku: Huma wena ni vanhu vontlhe va wena; lava va ku lanzelako. Zonake nzi ta huma. Zinghaho Mosi i lo suka mahlweni ka Faro, na a zangarile nguvu.

Eksodusi 11:8 Mawu Ofanana

1 Tihosi 20:10

Ben-Hadade i lo engeta a rumela mhaka ka Ahabi, aku: A vanungungulu a va nzihe hi ntamu ni ku engeta, loku a ntshuri wa Samaria wu enela ku tatisa a mandla ya vontlhe vanhu lava va nzi lanzelako.

2 Tihosi 3:9

Zinghaho a hosi ya ka Israeli yi lo suka ni hosi ya ka Juda, zinwe ni hosi ya ka Edomi. Makunu laha na va fambile 7 wa masiku, a yimpi ni zifuyo lezi va nga wa hi nazo zi lo vumala mati.

Nehemia 5:6

Nzi lo zangara nguvu laha nzi ngazwa a kurila kabye ni timhaka leto.

Tisimu 6:1

Jehova, u nga nzibi zangeni ya wena, U nga nzi tsayisi hi kota ya kutsanwa ka wena. Tis. 38:2; Jer. 10:24

Eksodusi 10:29

Mosi aku: U wula khwatsi, cima nzi nga ta ha wona a nghohe ya wena kambe.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Danieli 3:19

Zonake Nebukadnezzare i lo zangara nguvu, a nghohe yakwe yi visukela Xadrake na Mexake na Abed-nego. I lo rumisa lezaku a nzhimbo va wu hisisa ku hunza tolovelo ya wona hi ntlhanu wa zikhati ni zimbiri.

Mitsengo 12:3

Kanilezi inaloyi Mosi i wa hi munhu wo rula nguvu ku hunza vanhu vontlhe va nga laha misaveni.

Marku 3:5

Laha na a langutile ka vona hi kuzangara, na karateka hi kota ya kunonoha ka timbilu tabye, aku ngalo ka munhu loye: Nawuluta canja ga wena. I lo gi nawuluta, gi tlhela gi hanya.

Deuteronome 29:24

A vamatiko vontlhe va taku: Jehova i mahele yini lezi zilo ka legi tiko? Xana ka kuyini a kuvura ka zanga leyi ya hombe ya kunghahi ke?

Deuteronome 32:24

Va ta choma hi ndlala, va giwa hi kuhisa ka miri Ni ntungu lowu wo karata nguvu; Nzi ta va rumela a meno ya zivanza, Ni wuxungu ga zikokakoka za lomu tshurini.

Maheberu 11:27

Hi kukholwa i lo suka le Gipite, na a nga chavi a zanga ya hosi; hakuva i lo timisela aku khwatsi hi loku a mu wona loyi a nga woniwiko. Ekso. 10:28

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14

Valamuli 4:10

Barake i lo hlomisa va ka Zabuloni ni va ka Naftali vata le Kedexi. I lo kanziha ni 10,000 wa vavanuna, Debora a kanzihawu navo.

Valamuli 8:5

Aku ka vavanuna va ka Sukote: Va heni zibaba a vanhu lava nzi fambako navo, hakuva va karele; nzi ta hlongola Zeba na Zalmuna, a tihosi ta vaMidiani.