Eksodusi 11:4 - Tshwa Bible

⁴ Zonake Mosi aku: Jehova i ngalo: Laha xikari ka wusiku nzi ta hunza hi lomu xikari ka vaGipite.

Eksodusi 11:4 Mawu Ofanana

2 Samueli 5:24

Makunu laha u ta ngazwa a guwa ga kufamba le hehla ka tisinya ta timora, u ta huma hi ntamu, hakuva xikhatini xwalexo Jehova i mu rangele mahlweni ku ya hlasela tiyimpi ta vaFilistia.

Joba 34:20

Hi xikhatanyana vafa xikari ka wusiku, A tiko gi karateka, gi hunza; A tinhenha ti susiwa, na ku nga hi canja ga munhu. Ekso. 12:29; 2 Tih. 19:35

Tisimu 60:10

Wena Nungungulu, a ku hi hoxangi ke? Nungungulu, a ku humi ni tiyimpi ta hina ke?

Tisimu 81:5

A wu veka ka Josefa wuva wumboni, Laha na a hlasela tiko ga Gipite. Nzi lozwa a lirimi nzi nga li tiviko:

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Eksodusi 12:23

Hakuva Jehova i ta hunza kasi ku ya daya vaGipite; kasi loku a wona a nkhata lomu timhanzeni ta laha nyangweni ka tiyindlu ta nwina, i ta hunza basi hi lomu tinyangweni, na a nga vumeli mudayi ku enghena lomo a mu daya.

Eksodusi 12:29

Zonake hi laha xikari ka wusiku, Jehova i lo daya matewula wontihe ya tiko ga Gipite, kusukela ka matewula ya Faro, loyi a tshamako xitshanwini xakwe, ku kala ka matewula ya tiperesu leti ti nga lomu paxweni, ni matewula ya zifuyo zontlhe.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Amosi 4:10

Nzi mu rumele a ntungu wo fanana ni wa le Gipite, nzi daya ma jaha ya nwina hi tisupado, a mahaxi ya nwina ma phangiwa; a kunuha ka zirumbi za wugovelo ga nwina nzi ku mahile ku chikela tinhovini ta nwina; hambu zi hi tano, a mu hunzulukangi ka mina, ku wula Jehova. Ekso. 9:3; 12:29; 2 Tih. 13:3, 7

Amosi 5:17

Lomu masinwini wontlhe ya zivina ku tava ni mikosi, hakuva nzi ta hunza hi xikari ka wena, ku wula Jehova.

Mika 2:13

A mubhoxi wa ndlela i rangile mahlweni kabye; va bhoxile va chikela nyangweni, va andlamuka hi yona; a hosi yabye yi va rangela, yena Jehova a va rangela.

Mateu 25:6

Kanilezi xikari ka wusiku ku lo zwala a gezu giku; Langutani, wata muyeni! Humani muya mu khinga. Xip. 24:31; 1 Tes. 4:16