Eksodusi 10:7 - Tshwa Bible

⁷ Zonake a malanza ya Faro maku kakwe: Loyi munhu i tava ziyo xikari ka hina kala rini? Tlhatlha vanhu lava va ya khozela Jehova, Nungungulu wabye. A ku zi woni lezaku a Gipite ga lova ke?

Eksodusi 10:7 Mawu Ofanana

Tisimu 107:34

A misava yo nona a yi maha ya munyu, Hi kota ya kubiha ka vaaki va kona. Joeli 1:10

Eksodusi 12:33

Zonake a vaGipite va lo kurumeta vanhu ku hatlisa va huma lomu tikweni gabye; hakuva va waku: Hi tafa hontlhe.

Eksodusi 23:33

Vona va nga aki lomu tikweni ga wena, va nga dzuka va ku onhisa mahlweni ka mina; hakuva loku u khozela a vanungungulu vabye, zonake va tava phanya ka wena.

Eksodusi 7:5

Ni vaGipite va ta zi tiva lezaku hi mina Jehova, loku nzi nawuluta a canja ga mina hehla ka Gipite, nzi humesa a vanana va ka Israeli xikari kabye.

Eksodusi 8:19

Zonake a tinʼanga tiku ka Faro: Leli litiho la Nungungulu! Hambu lezo a mbilu ya Faro yi lo sihalala; a nga va ingisangi, khwatsi hi lezi Jehova a wulileko.

Mavingu 29:6

A kugoheni ka munhu wa kubiha ku na ni ziyo; anilezi loyi a lulamileko wa yimbelela a nengela.

Mutshawuteli 7:26

Nzi lo kuma lezaku a wasati loyi a mbilu yakwe yi nga minzhiyo ni zikhunguvanyiso, loyi a mawoko yakwe ma nga magota, wa bava ku hunza kufa. Loyi a xalalisako Nungungulu wa pona kakwe, kanilezi a muonhi i ta phasiwa hi yena.

Isaya 14:20

Wena u nga ta lahliwa zinwe na vona, Hakuva u hahlule tiko ga wena, u dele vanhu va wena. A pswalo wa vamahi va kubiha wu nga ta ha kumbukiwa.

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Jeremia 48:4

Moabi i lobyisilwe, Ka zwala a tihuwa ta vanana vakwe.

Jeremia 51:8

Babuloni i wile hi xitshuketi a lobyiswa. Mu: rileleni, mu mu nehela a muri wa kubayiseka kakwe, kutani i ta hanya. Isa. 21:9; Kuv. 14:8; 18:2

Zefania 1:18

A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.

1 Va le Korinte 7:35

Nza wula lezi a kuva mu vuneka, na ku nga hi a ku mu khunga hi gota, kanilezi kasi ma famba hi kufaneleko, mu namarela ka Hosi na mu nga tsopetiswi hi nchumu.

Joxua 23:13

zi tiveni futsi lezaku; Jehova Nungungulu wa nwina a nga ta ha hlongola lawa matiko mahlweni ka nwina; kanilezi va ta maha a phanya ni tlhamu ka nwina, ni limhika mareveni ya nwina ni mizwa mahlweni ya nwina, mu kala nwina mu lobyiswa ka legi tiko go saseka legi Jehova Nungungulu wa nwina a mu nyikileko gona. Ekso. 23:33; Vala. 2:3, 21

1 Samueli 18:21

Hakuva Saule i waku mbilwini yakwe: Nzi ta mu nyika yena kasi a fela ku maha ziyo ka yena lezaku a canja ga vaFilistia gi fela kuva hehla kakwe. Saule i lo engeta aku ka Davida: Inyamutlha wena u ta kuva mwane wa mina.

1 Samueli 5:11

Va lo rumela a vanhu ku ya tsombanyisa tihosi tontlhe ta vaFilistia, vaku ngalo: Tlhelisani a arke ga Nungungulu wa ka Israeli giya kaya ka gona, gi nga hi mbheta ni vanhu va hina. Hakuva ku wa hi ni nyenganyenga ka wontihe muti; hi lezi a canja ga Jehova gi nga tshingile nguvu.