Eksodusi 1:7 - Tshwa Bible

⁷ A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17

Eksodusi 1:7 Mawu Ofanana

Genesisi 1:20

Nungungulu i te ngalo: A mati a ma phandlule a zivangwa lezi zi hanyako, ni tinyanyani a ti purume hehla ka misava, mbhinganweni wa tilo.

Genesisi 1:28

Nungungulu i lo va katekisa, ni ku va laya, aku: Pswalani, mu anza, mu tata misava, mu yi fumela; mu fumela ni zidluwani za bimbi, ni tinyanyani ta tilo, ni zontlhe zi hanyako, zi fambako misaveni.

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 15:5

Yena i lo mu humesa lahandle aku ngalo: Cuwuka le tilweni, u hlaya tinyeleti, loku u zi kota ku ti hlaya. Yena i te ngalo kakwe: Zi tava nghaho ni pswalo wa wena. Deut. 10:22; Maheb. 11:12

Genesisi 17:16

Nzi ta mu katekisa, hi ka yena nzi ta ku nyika a nisanyana; nzi ta mu katekisa, a maha mamani wa matiko, a tihosi ta vanhu ti ta huma hi ka yena.

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 26:22

Yena i lo suka leyo, i lo engeta a kela yinwani hlowo; leyoke a va kanetisanangi ha yona. I lo chula vito ga yona ku Rehoboti; na aku ngalo: Hakuva Jehova i hi nyikile wutshamu, hi ta pswalelana lomu tikweni.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 28:14

a pswalo wa wena wu ta kota a tshuri wa misava; wena u ta hangalaka le Mupela-gambo, ni Muhuma-gambo, ni Nwalungu, ni le Dzongeni; hi ka wena ni ka pswalo wa wena a matiko wontihe ma ta katekiswa.

Genesisi 35:11

Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena.

Genesisi 46:3

Aku: Hi mina Nungungulu, Nungungulu wa raru wa wena; u nga chavi ku rura uya Gipite, hakuva leyo nzi ta ya ku maha a tiko ga hombe.

Genesisi 47:27

A vaIsraeli va lo aka tikweni ga Gipite le tikweni ga Goxeni; laho va lo fuya, va tala, va enzelekelana nguvu.

Genesisi 48:16

ni ngelosi leyi yi nga nzi hlanguta kubiheni kontlhe, a yi katekise a vafana lava; a va vitanwe hi vito ga mina, hi mavito ya vakokwani, Abrahama na Isaka; a va anze va tala nguvu laha misaveni.

Genesisi 48:4

aku ka mina: Nzi ta ku nyika kubeleka nzi ku anzisa, nzi ta ku maha matiko manyingi, nzi ta ku nyika legi tiko, wena ni pswalo wa wena anzhako ka wena, yi tava a tshomba ya kala kupinzuka.

Genesisi 9:1

Na Nungungulu i lo katekisa Noa ni vana vakwe, aku ka vona: Pswalani mu anza, mu tata misava.

Nehemia 9:23

A vana vabye kambe u lo va anzisa va fana ni tinyeleti ta tite, u va neha tikweni legi u nga byela vararu vabye lezaku a vaye ya ya gi fumela.

Tisimu 105:24

Jehova i lo anzisa vanhu vakwe, A va nyika ntamu ku hunza valala vabye, Ekso. 1:7, 12

Tisimu 107:38

A va katekisa, va anza nguvu, A nga hunguli a tsengo wa zifuyo zabye. Deut. 30:9

Eksodusi 1:12

Kanilezi hambu lezo va nga wa xaniswa, hi laho va nga wa anza nguvu, va tala. Hi laho a vanana va ka Israeli va nga wa vengiwa ha kona.

Eksodusi 12:37

Zonake a vanana va ka Israeli va lo suka Ramsese, vaya Sukote, va wa hi 600,000 wa vavanuna, ku nga hlayiwi ni vanana.

Eksodusi 5:5

Faro a engeta aku: A vanhu va tele tikweni legi, nwina ma va hungatela mitirweni yabye.

Ezekieli 16:7

Nzi ku anzisile ku fanana ni byanyi ga khwati; kunene u lo kula u maha wa hombe, u maha lipswitla; a mavele ya wena ma wa tlekula ni misisi ya wena yi lo kula, kanilezi u wa hi ximbyiri u nga ambalangi nchumu.

Mitiro 13:17

Nungungulu wa lixaka leli la ka Israeli i lo hlawula a vakoko va hina, a va kulisa laha va nga luvele tikweni ga le Gipite, a va humesa ka gona hi canja gi tlakukileko,

Deuteronome 10:22

Vararu va wena va relele vaya Gipite na va hi 70, makunu lezi Jehova Nungungulu wa wena i ku anzisile khwatsi hi tinyeleti ta tilo. Gen. 15:5; 22:17; 46:27

Deuteronome 26:5

Zonake wena u ta wulawula mahlweni ka Jehova Nungungulu wa wena, uku: Dadani i wa hi muAramea loyi a nga lava kufa, kanilezi i loya Gipite ni tsengo wutsongwani wa vanhu, a tshama kona na hi muluveli; na yena i mahile a tiko ga hombe ga ntamu, ga vanhu vo tala. Gen. 11:31; 46:5