Eksodusi 1:17 - Tshwa Bible

¹⁷ Kanilezi a masungukati ma lo chava Nungungulu; a ma mahangi kota lezi a hosi ya Gipite yi nga va leletele ku maha; kanilezi va lo ponisa vafana.

Eksodusi 1:17 Mawu Ofanana

Genesisi 20:11

Abrahama aku ngalo: Hakuva nzi waku ku hava kuchava Nungungulu ka legi wutshamu; nziku kutani va nga nzi daya hi ku fela a sati wa mina.

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

2 Samueli 24:4

Kanilezi a gezu ga hosi gi lo hlula Joabe ni tinduna ta yimpi, zonake Joabe ni tinduna ta yimpi va lo suka mahlweni ka hosi va ya hlaya vanhu va tiko ga ka Israeli.

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Estere 3:3

Zonake a malanza ya hosi lawa ma nga wa hi laha nyangweni, ma te ngalo ka Mordekai: Hi yini u tshovako a nayo wa hosi?

Tisimu 31:19

Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Eksodusi 1:18

Kanilezi a hosi ya vaGipite yi lo vitana masungukati, yiku ka wona: Hiyini mu ponisako vafana ke?

Eksodusi 1:21

Hikwalaho, hi kota ya lezi a masungukati ma nga chava Nungungulu, Nungungulu i lo katekisa a tiyindlu tabye.

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

Mavingu 8:13

A ku chava Jehova ku venga kubiha; ina nza venga matshanza, kutikulisa, ni mahanyela yo biha, i nomu wu khohlakalisako.

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Mutshawuteli 8:12

Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Danieli 6:13

Zonake vaku ka hosi: Kanilezi Danieli loyi a nga munwe wa tikhumbi ta ka Juda, a nga ku khataleli wena hosi, ge hambu a nayo lowu wena u wu yimisileko, o ti mahela mikhongelo yakwe makhati manharu hi siku.

Hosea 5:11

Efraime i tsimbeketilwe, i tshovekile kulamuleni; hakuva i wa lanzela a zileletelo lezi zi mu tsakisako.

Mika 6:16

Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Luka 12:5

Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.

Mitiro 5:29

Pedro ni vapostoli va lo hlamula vaku ngalo: Hi fanele ku ingisa Nungungulu ku hunza ku ingisa vanhu. Gal. 1:10

1 Samueli 22:17

A hosi yi te ka masochwa lawa ma yi yimeletelako: Hunzulukani mu daya vapristi va Jehova, hakuva vonawu va zwanana na Davida; va zi tivile khwatsi lezaku i lo tsutsuma, kanilezi a va nzi tivisangi nchumu. Kanilezi a masochwa yakwe ma lo ala ku daya vapristi va Jehova.