Eksodusi 1:16 - Tshwa Bible

¹⁶ Loku mu tekela wasati wa muHeberu, cuwukani na ha ku beleka, loku a hi mufana dayani; loku a hi nhanyana, mu tsikeni a hanya.

Eksodusi 1:16 Mawu Ofanana

Tisimu 105:25

Lava a nga hunzula timbilu tabye lezaku va venga vanhu vakwe; Va maha wumbyori ka malanza yakwe.

Eksodusi 1:15

Zonake a hosi ya vaGipite yi lo byela a masungukati ya maHeberu (a vito ga munwani i wa hi Xifra, ni munwani i wa hi Pua), yiku:

Eksodusi 1:22

Zonake Faro i lo leletela a vanhu vakwe, aku: A vafana vontlhe lava va ta nga belekiwa, va hoxeni congweni; kanilezi a vanhanyana va tsikeni va hanya. Miti. 7:19

Mateu 21:38

Kanilezi a varimi, laha na va wonile a nʼwana wakwe, vaku xikari kabye: Hi yena mugi wa tshomba, ngonani, hi mu daya, higa tshomba yakwe. Tis. 2:2, 8; Joh. 11:53

Mitiro 7:19

Yona yi lo khoma a lixaka la hina hi mano, yi xanisa a vakoko va hina, lezaku va fela ku hoxa a zihlangana zabye, kasi va fela ku kala va nga hanyi.

Maheberu 11:23

Hi kukholwa Mosi na a belekilwe, i lo fihlwa tihweti tinharu hi vabeleki vakwe, hakuva va lo wona lezaku i nwanana a sasekileko; a va chavangi nchumu hi kulaya ka hosi. Ekso. 1:16; 2:2

Kuvululelwa 12:4

A nkila wakwe wu lo koka a xipanze xa wunharu xa tinyeleti ta tilo, a ti hoxa misaveni. A drako i lo yima mahlweni ka wasati loyi a nga lava ku beleka, kasi a fela ku khadamula nʼwana wakwe na a ha ku hefemula. Ekso. 1:16; Dan. 8:10; Xip. 17:18