Eksodusi 1:14 - Tshwa Bible

¹⁴ Va lo va hlokisa kuhanya kabye hi mitiro yo binza ya zitini, ni mitiro yontlhe ya masimu; a mitiro yontlhe leyo va wo va tirisa hi timbiti.

Eksodusi 1:14 Mawu Ofanana

Genesisi 15:13

Na yena i te ngalo ka Abrama: Zi tive khwatsi lezaku a pswalo wa wena wu tava valuveli a tikweni legi gi nga hiko gabye, va ta ya khoza; va ta xaniswa 400 wa malembe;

1 Tihosi 12:14

Yi lo va byela a timhaka leti ti wulilweko hi majaha, yiku: A raru wa mina i tikisile muyoka wa nwina, kanilezi mina nzi ta hunzeleleta ku wu tikisa; a raru wa mina i wa mu tsayisa hi timhika, kanilezi mina nzi ta mu tsayisa hi tihume.

Tisimu 129:1

Va nzi hlokisile nguvu kusukela wusweni ga mina; Ngha Israeli a wula makunu, aku:

Tisimu 68:13

Hambu loku mu etlela marangeni ya nwina, A tipapa ta tuva ti pomelwe hi siliva, Ni mitsenga ya gona ya hatima khwatsi i nzalama.

Tisimu 81:6

Nzi susile a nzhwalo katleni gakwe, Ni mandla yakwe ma ruliwa xirunzwini. Ekso. 1:14; 6:6

Eksodusi 1:11

Zonake va lo yimisa a tinduna ta mitiro hehla kabye, va va xanisa hi mikhinyavezo. Va lo akela Faro a miti ya kuveketela ya Pitomi na Ramsesi.

Eksodusi 1:13

Zonake a vaGipite va lo tirisa a vanana va ka Israeli hi timbiti. Mitse. 20:15

Eksodusi 1:15

Zonake a hosi ya vaGipite yi lo byela a masungukati ya maHeberu (a vito ga munwani i wa hi Xifra, ni munwani i wa hi Pua), yiku:

Eksodusi 2:23

Makunu anzhako ka malembe yo tala, a hosi ya le Gipite yi lofa. A vanana va ka Israeli va wa hi hlomulweni hi kota ya wukhumbi gabye. Va lo rila hi kota ya wukhumbi; a kurila kabye ku lo tlakukela ka Nungungulu. Mitse. 20:16

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 6:9

Mosi i lo wula lezo ka vanana va ka Israeli; kanilezi a va mu ingisangi hi kota ya kuxaniseka kabye ni wukhumbi gabye.

Mavingu 28:15

Khwatsi hi nghala yi dzumako, ni urso legi gi nga ni ndlala, inghaho ni mufumeli wo biha loyi a fumelako zisiwana.

Isaya 10:24

Hikwalaho, a Hosi, Jehova wa tiyimpi, e ngalo: Nwina vanhu va mina mu akileko le Zioni, mu nga chavi Assiria; hambu loku a kuba hi nhonga, ni ku tlakusa a xigomba xakwe ka wena, kota lezi ku nga mahiwa le Gipite.

Isaya 14:6

Leyi yi ngaba vanhu yi nga va nyiki xikhati, A nhonga leyi yi nga fumela matiko hi zanga ni zixaniso, A nga hi kona loye a mu beletelako.

Isaya 51:23

Kanilezi nzi ta yi veka mandleni ya vaxanisi va wena, Lava va teku ka wena: Korama, hi hunza; Zonake a hlana wa wena u wu maha a kuva misava, U ku khwatsi u ndlela ka vahunzi.

Isaya 52:5

Makunu nzi ta maha yini, ku wula Jehova, lezi a vanhu va mina va khomilweko ahandle ka nanzu? lava va va fumelako vaba huwa, ku wula Jehova; a vito ga mina ga rukatelwa a siku ginwe ni ginwani. Mitse. 14:15; Rom. 2:24

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Levi 25:43

U nga mu fumeli hi timbiti; u ta chava Nungungulu wa wena.

Levi 25:46

Va tava tshomba leyi mu ta nga yi siya ka vana va nwina anzhako ka nwina, yiva tshomba yabye va va fumela; na nwina mu ta va tirisa wontihe masiku. Kanilezi loku va hi vamakabye va nwina a vanana va ka Israeli, mu nga va fumeli hi timbiti.

Levi 25:53

Yena i ta tshama naye kota xitiri lexi xi ti bohako ku tira hi lembe; ni nwinyi wakwe a nga dzuki a mu tirisa hi timbiti kuwoneni ka wena.

Mika 3:3

Kambe vaga a nyama ya vanhu va mina, va sunzuwula a dewu gabye, va tshova ni matambu yabye; ina, va va chupulela zipanzana khwatsi va laʼku chela mbiteni, khwatsi i nyama bhoteni.

Nahume 3:14

Ti khele mati, hakuva u ta vimbezelwa; tiyisa a makhokhola ya wena; enghena wumbeni u vuva nzhope, u aka a nhulu ya zitini za ku hiswa.

Mitsengo 20:15

A vararu va hina va wa luvela le Gipite, na hina hi tshamile a malembe ya kutala le Gipite; kanilezi a vaGipite va lo hi xanisa, hina ni vararu va hina.

Mitiro 7:19

Yona yi lo khoma a lixaka la hina hi mano, yi xanisa a vakoko va hina, lezaku va fela ku hoxa a zihlangana zabye, kasi va fela ku kala va nga hanyi.

Mitiro 7:34

Hakunene nzi wonile a kuxaniseka ka vanhu va mina lava va nga le Gipite, nzi zwile a kuketa kabye, nzi relele ku ta va ponisa. Ngone makunu, nzi ta ku rumela Gipite.

Deuteronome 26:6

Ni vaGipite va lo hi xanisa, va hi tsimbeketa, va hi rwexa mikhinyavezo.

Deuteronome 4:20

Nguvu nwina, Jehova i mu humesile khombarini ga nzilo wa le Gipite, kasi mu fela ku maha vanhu vakwe kota lezi mu zi wonako nyamutlha.

Rute 1:20

Yena i lo va hlamula, aku: Mu nga nzi vitani kambe ku Naomi, nzi vitaneni ku Mara; hakuva Nyamintamu i nzi tlulisile mihumbo ya hombe nguvu.