Danieli 9:9 - Tshwa Bible

⁹ A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Danieli 9:9 Mawu Ofanana

2 Samueli 24:14

Davida i te ngalo ka Gadi: Nzi lomu hlomulweni wa hombe nguvu. A hi weleni canjeni ga Jehova, hakuva a wuxinji gakwe ga hombe nguvu; ngha nzi nga weli mandleni ya vanhu!

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

Nehemia 9:31

Ahembaloko, hi kota ya wuxinji ga wena go eta, cima a ku va mbhetangi, hambu ku va fularela, hakuva wena u Nungungulu wa tipswalo ni wuxinji.

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Tisimu 130:7

Israeli, tsumba Jehova, Hakuva Jehova i na ni wuxinji, Yena i na ni kutirula ku eneleko. 2 Sam. 24:14

Tisimu 62:12

Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 63:7

Nzi taba hungu hi mitiro ya Jehova ya wuxinji, Ni wudzunzo ga Jehova, Maringano ni zontlhe lezi Jehova a hi maheleko, Ni wunene gakwe ga hombe hehla ka yindlu ya ka Israeli, Legi a va maheleko hi wuxinji gakwe Ni liranzo lakwe la hombe.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Danieli 9:6

A hi ingisangi a vaprofeti ma nga malanza ya wena, lava va wulawulileko hi vito ga wena ka tihosi ni tihosana ta hina, ni ka vadadani va hina, ni ka vanhu vontlhe va tiko.

Danieli 9:7

Hosi, a kululama ku le ka wena, kanilezi hina hi na ni tingana a nyamutlha lezi; hina vavanuna va ka Juda, ni vaaki va Jerusalema, ni vaIsraeli vontlhe, lava va nga kusuhi ni va nga le kule, xikari ka wontihe matiko lawa u va hangalasileko ka wona, hi kota ya zihambunyeto lezi va ku maheleko.

Danieli 9:8

Hosi, hi na ni tingana, hina ni tihosi ni tihosana ta hina, ni vadadani va hina, hakuva hi ku onhele.

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17