Danieli 9:3 - Tshwa Bible

³ Nzi lo tlakusa a mahlo ya mina ka Hosi Nungungulu nzi maha mikhongelo, nzi kombela hi kuyila, nzi ambala tisakwa nzi ti chela khuma.

Danieli 9:3 Mawu Ofanana

2 Samueli 12:16

Kanilezi Davida i lo khongelela xinwanana ka Nungungulu, a yila a ngagi zakuga, a enghena lomu ndlwini yakwe a etlela lahasi wusiku gontlhe.

Ezra 10:6

Ezra i lo suka mahlweni ka yindlu ya Nungungulu a enghena lomu kwarutwini ya Jehohanani nʼwana Eliaxiba; kanilezi a nga gangi ge hambu kunwa lomo, hakuva i wa xaniseka hi kuhambuneta ka lava va nga wuya hi le wukhumbini.

Ezra 8:21

Na ha hi le Congweni wa Ahava, nzi lo tiyisa a siku ga kuyila, hi ti koramisa mahlweni ka Nungungulu wa hina, a ku kasi hi ti kombelela ka yena hi pfhumba ga hina go saseka, ni vanana va hina, ni zontlhe zilo za hina.

Ezra 9:5

Hi xikhati xa muphahlo wa laha gambyeni, nzi lo suka kutikoramiseni ka mina, a bhaji ga mina ni nguwo ya mina na zi hanzulwe, nzi khizama nzi tlakusa a mandla ya mina ka Jehova Nungungulu wa mina,

Nehemia 9:1

Makunu hi siku ga 24 ga hweti ywaleyi a vanana va ka Israeli va lo tsombana va yila, na va ambele tinguwo ta xirilo, va ti cheletela a tshuri.

Estere 4:16

Famba u ya tsombanyisa vontlhe vaJuda lava va nga le Xuxani mu nzi yilela, mu heta masiku manharu na mu ngagi ge hambu kunwa wusiku ni mumu. Minawu ni vanhanyana hi ta maha lezo, zonake nzi taya ka hosi, hambu lezi wu nga hiko nayo; loku nzifa, a nzife.

Joba 42:6

Hikwalaho nza ti sola, nzi hunzuluka, Na nzi hi tshurini ni le khumeni. Jona 3:6; 1 Kor. 11:31

Tisimu 35:13

Kasilezi laha va nga babya nzi wa ambala tinguwo ta xirilo; Na nzi hlokisa a muhefemulo wa mina hi kuyila, Nzi va kombelela a hloko ya mina na yi koramile.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

Danieli 6:10

Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Danieli 9:2

hi lembe go ranga ga kufuma kakwe, mina Danieli nzi lo tivisiwa hi mabhuku a tsengo wa malembe lawa Jehova a byelileko muprofeti Jeremia, lawa ma ta nga hunza Jerusalema na gi sele kuhahlulweni, ma nga 70 wa malembe.

Danieli 9:20

Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Joeli 2:12

Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.

Jona 3:5

A vaaki va le Niniva va lo kholwa ka Nungungulu, va yimisa a siku go yila ha gona, va ambala tinguwo ta xirilo, lava va hombe ni vatsongwani.

Mateu 17:21

Kanilezi a lixaka leli la madimoni a li humeswi, lokuku nga hi kukhongela ni ku yila.

Luka 2:37

zonake i wa tshamile a hi noni a 84 wa malembe. I wa nga suki le tempeleni, na a khozela hi ku yila ni mikhongelo a wusiku ni mumu. Miti. 26:7; 1 Tim. 5:5

Mitiro 10:30

Korneliu i te ngalo: Hi mune wa masiku ma hunzileko, hi hora yaleyi nzi wa khongela lomu ndlwini ya mina; zonake ku lo yima munhu mahlweni ka mina, na a ambele tinguwo to basa,