Danieli 9:26 - Tshwa Bible

²⁶ Anzhako ka 62 wa maviki, loyi a totilweko i ta dawa, na a nga hi na muvaleti. A vanhu va hosi leyi yi ta ngata va ta hahlula a muti, ni wutshamu ga kubasa. A kugumelwa ka yona ku tava ku khwatsi yi dawa hi ntalo; ku tava ni yimpi kala kugumeseni, ku layilwe lezaku kuva ni kuhahlulwa.

Danieli 9:26 Mawu Ofanana

2 Samueli 21:5

Vona va te ngalo ka hosi: A munhu loyi a nga hi hlasela, ni loyi a bohileko xikungo xa ku hi lovisa, kasi hi nga hanyi lomu matikweni wontihe ya va ka Israeli;

Tisimu 22:15

A ntamu wa mina wu womile khwatsi xirengele, A lirimi la mina li namarele tihlayeni ta mina; Wena u nzi nehele tshurini wa kufa.

Isaya 28:2

Langutani, a Hosi ya ruma a nala a nga ni ntamu, ni wa ku tiya; Wata khwatsi hi bhubhutsa ga vula ya maralala, Kukotisa a ntalo wa mati ya hombe, lawa ma phandlulako kontlhe, I ta zi hoxa misaveni hi ntamu. 2 Tih. 17:3, 6; 18:10

Isaya 28:22

Makunu hi nga tsikani ku tseketsela, Kasi ziboho za nwina zi nga engeti zi tiyisiwa; Hakuva nzi zwile hi ka Hosi Jehova wa tiyimpi Lezaku ku bilwe hungu hi kulobyiswa misaveni yontlhe.

Isaya 53:8

I susilwe hi kuxanisiwa ni kulamuliwa, Kanilezi a xikari ka vanhu va ka kabye himani a zi alakanyileko Lezaku i lo susiwa misaveni ya vahanyako, A biwa hi kota ya zionho za tiko ga mina?

Isaya 8:7

hikwalaho a Hosi yi ta tisa hehla kabye a mati ya ntamu ya congo, yi nga hosi ya le Assiria ni wukosi gakwe gontlhe, i tata hi milonga yakwe yontlhe, a khulungela lontlhe livuthi la yona.

Jeremia 46:7

Himani loyi a kukumako ku fanana ni Nilo, Loyi a mati yakwe ma khulungako kukotisa micongo?

Jeremia 51:42

A bimbi gi talele Babuloni, I khubhunyetilwe hi madla-mbyati ya gona yo tala.

Danieli 11:10

A vana Vakwe va talwa, va ha tsombanyisa a mabutho yo tala; a munwe wabye i ta gobhoza a fenengeta a hunza, a tlhela a wuya a ta vimbezela a khokhola ga hosi ya le Dzonga.

Danieli 11:17

I ta phikelela ku yalwa hi ntamu wa mufumo wakwe wontihe, kanilezi i ta maha kurula ni hosi ya le Dzongeni. I ta mu nyika a nhanyana wakwe akuva sati wakwe kasi ku mu lovisa ha yena, kanilezi a mano lawo ma nga ta maheka, zi nga ta mu vuna nchumu.

Danieli 11:22

A tiyimpi leʼtinyingi ti ta kukuletwa mahlweni kakwe, ti hangalaswa, zinwe ni hosana ya xivumelwano.

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Hosea 1:9

Jehova aku kakwe: Mu chule a vito ga Lo-ammi, hakuva nwina a mu vanhu va mina, mina nzi nga tava Nungungulu wa nwina.

Amosi 8:8

A misava yi nga ta tsekatseka hi kota ya lezo ke, ni vontlhe a vaaki va yona va nga ta maha hlomulo ke? Ina, a misava yontlhe yi ta kukumuka ku fanana ni congo wa Nilo; yi ta vindluka yi tlhela yi bohla kukotisa congo wa le Gipite.

Amosi 9:5

Hakuva a Hosi, a Jehova wa tiyimpi, loyi a khumbako misava yi nyeka, kasi vontlhe va tshamako ka yona vaba nkosi, yi kukumuka ku fanana ni congo wa Nilo, yi tlhela yi bohla kukotisa congo wa le Gipite; Vala. 5:4; Nab. 1:5

Nahume 1:8

Kanilezi i ta lovisa a muti wa kona hi congo wu hlatako, a valala vakwe i ta va; hlongola vaya munyameni,

Mateu 22:2

A mufumo wa tilo wu fanana ni hosi yo kari, leyi yi nga mahela a nʼwana wa yona a mubuzo wa muchado.

Mateu 22:7

Zonake a hosi yi lo zangara; yi lo rumela tiyimpi ta yona, ti ya lovisa vadayi lavo, ni ku hisa muti wabye. Dan. 9:26; Lu. 19:27

Mateu 23:38

Langutani, mu ta siyelwa a yindlu ya nwina, na yi hi rumbi.

Mateu 24:2

Kanilezi yena aku kabye: A mu zi woni zontlhe lezi ke? Hizinene nziku ka nwina: Laha ku nga ta siyiwa a ribye ginwe hehla ka ginwani, legi gi ta nga kala gi nga khungumulwa 1 Tih. 9:7; Jer. 26:18; Lu. 19:44

Marku 13:2

Jesu aku kakwe: Wa ti wona a tiyindlu leti ta hombe ke? Ku nga ta siyiwa laha ni ribye ginwe hehla ka ginwani, legi gi ta nga kala gi nga wiswi lahasi.

Marku 13:7

Laha mu ta ngazwa hi kulwa ni wudumo ga kulwa, mu nga karateki; lezi zi fanele a kuva zi humelela, kanilezi a hi kona kugumesa.

Marku 9:12

I lo hlamula, aku: Kunene, Elija i tata kuranga, a ta tlhelisela zilo zontlhe; kanilezi ku tsalilwe hikuyini hi Nʼwana wa munhu, lezaku i ta xaniseka nguvu, ni ku nyenyiwa ke? Tis. 22:6; Isa. 53:2

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Luka 21:6

Hi xungetano ni lezi mu zi wonako, a masiku ma tata lawa ku to kala ku nga siyiwi laha ni ribye ginwe hehla ka ginwani, legi gi ta nga kala ku khungumulwa.

Luka 24:26

Xana zi wa nga faneli lezaku Kristu a xaniseka kota lezi, a enghena kungangameleni kakwe ke? Miti. 17:3; 1 Ped. 1:1

Luka 24:46

aku ngalo kabye: Ku tsalilwe lezaku Kristu i ta xaniseka, a tlhela a vuka hi ka vafileko hi siku ga manharu; Tis. 22; Isa. 53:2; Miti. 17:3

Johani 14:30

Nzi nga ta ha wulawula nguvu na nwina, hakuva a hosana ya tiko yata; kanilezi a yi na nchumu ka mina, Xip. 12:31

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Galatia 3:13

Kristu i lo hi tirula ka nzhukano ya nayo, laha a nga mahiwa a nzhukano hi kota ya hina; hakuva ku tsalilwe ku ngalo: I rukatelwe mani na mani loyi a hayekilweko sinyeni, Deut. 21:23

1 Pedro 2:21

Hakuva hizalezo mu nga vitanelwa zona; hakuva na Kristu i lo xaniseka hi kota ya nwina, a mu siyela a xikombiso, kasi mu fela ku lanzela a nkonzo wakwe. Mat. 16:24; Joh. 13:11

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26