Danieli 9:18 - Tshwa Bible

¹⁸ Nungungulu wa mina, demba ndleve ya wena uzwa; vulula a mahlo ya wena u wona a marumbi ya hina, ni muti lowu wu vitanwako hi vito ga wena. Hakuva a hi veki mikombelo ya hina mahlweni ka wena hi kota ya kululama ka hina, kanilezi hi kota ya wuxinji ga wena ga hombe. Isa. 37:17; Tit. 3:5

Danieli 9:18 Mawu Ofanana

1 Tihosi 8:29

A mahlo ya wena a ma cuwuke ka yindlu leyi wusiku ni hlikanhi, ni wutshamu legi u nga gi wula, uku; A vito ga mina gi tava kona, kasi ku ingisa a mukhongelo lowu a nanza ga wena gi wu khongelako wutshanwini legi. Ekso. 20:24; Deut. 12:11

2 Tihosi 19:16

Jehova, phuhunha a ndleve ya wena, uzwa! Jehova, vulula a mahlo ya wena u cuwuka; uzwa a timhaka ta Senakeribe, leti a ti rumeleko ku ta rukatela a Nungungulu loyi a hanyako.

Tisimu 116:1

Nzi ranza Jehova, hakuva i zwile A gezu ga mina ni mikhongelo ya mina.

Tisimu 25:6

Jehova, alakanya wuxinji ga wena ni wunene ga wena, Hakuva za hi kona hi kale ka matiko.

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Isaya 37:17

Jehova, kangatela a ndleve ya wena, u ingisa; Jehova, vulula mahlo ya wena u wona. Zwana timhaka tontlhe ta Sennakeribe leti a ti rumeleko ku ta rukatela ha tona a Nungungulu a hanyako.

Isaya 43:7

Vontlhe lava va vitanwako hi vito ga mina, Lava nzi va vengeleko wudzunzo ga mina, Lava nzi va wumbileko, nzi va maha.

Isaya 64:12

A ka zontlhe lezo u ta ti khoma ke, O Jehova? U ta miyela, u hi hlokisa ku hunza mpimo ke?

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Jeremia 15:16

A timhaka ta wena nzi ti kumile, Ti lo maha kuga ka mina; Tona ti wa hi litsako ni kunengela ka mbilu ya mina, Hakuva nzi vitanwa hi vito ga wena. O Jehova Nungungulu wa tiyimpi.

Jeremia 25:29

Hakuva, hi nga wonani a muti lowu wu vitiwako hi vito ga mina, nzi sangula ha wona nzi wu tsayisa; xana nwina mu ta tsikiwa mu nga tsayiswi ke? Mu nga ta tsetselelwa, hakuva nzi ta hloma supado, yiba a vaaki vontlhe va misava, ku wula Jehova wa tiyimpi. Ezek. 9:6; 1 Ped. 4:17

Jeremia 36:7

Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Jeremia 37:20

Makunu hosi, nwinyi wanga, ingisa mukombelo wa mina, u nga nzi tlheliseli a ndlwini ya Jonatani a mutsali, nzi nga fela kona.

Ezekieli 36:22

Hikwalaho wula ka yindlu ya ka Israeli, uku: Hosi Jehova i ngalo: A nzi mahi lezi hi kota ya nwina va yindlu ya ka Israeli, kanilezi hi kota ya vito ga mina go basa, legi mu gi nyenyezisileko xikari ka matiko lawa mu yileko ka wona.

Ezekieli 36:32

Zi tiveni lezaku a nzi mahi lezi hi kota ya nwina, ku wula Hosi Jehova. Ngha muva ni tingana, mu kanganyiseka hi kota ya tindlela ta nwina va yindlu ya ka Israeli.

Danieli 9:7

Hosi, a kululama ku le ka wena, kanilezi hina hi na ni tingana a nyamutlha lezi; hina vavanuna va ka Juda, ni vaaki va Jerusalema, ni vaIsraeli vontlhe, lava va nga kusuhi ni va nga le kule, xikari ka wontihe matiko lawa u va hangalasileko ka wona, hi kota ya zihambunyeto lezi va ku maheleko.

Mitsengo 6:27

Va ta vekisa lezo a vito ga mina hehla ka vanana va ka Israeli, zonake mina nzi ta va katekisa.

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9