Danieli 8:3 - Tshwa Bible

³ Nzi lo tlakusa a mahlo ya mina, nzi wona a hamba yi nga hi ni timhonzo timbiri na yi yimile mahlweni ka congo. A timhonzo leti timbiri ti wa lehile, kanilezi a linwe li wa lehile ku hunza linwani, na li kulile nzhako ka leli lo koma.

Danieli 8:3 Mawu Ofanana

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Ezra 4:5

va lo xavelela a masingalakati lezaku va juwungela kuxuva kabye, va maha lezo wontihe masiku ya kuhanya ka Kurusi a hosi ya le Persia, kala masikwini ya kufuma ka Dariusi a hosi ya le Persia.

Estere 1:3

na ku hi lembe ga wunharu ga kufuma kakwe, i lo mahela tihosana ni malanza yakwe a mubuzo, ni tinduna ta mabutho ya le Persia ni ya le Media, a manghanakana ni tihosana ta matiko yakwe lava va nga wa tsombene mahlweni kakwe.

Isaya 13:17

Languta, nzi ta va vuxela a maMedi, Lava va nga khataleliko siliva, Hambu ku chela kota hi nzalama.

Isaya 21:2

Nzi wonisilwe a muwoniso wo tshisa nguvu; A mukanganyisi wa kanganyisa, ni muphangi wa phanga. Kanziha, O Elami; vimbezela, O Media; Nzi miyetile a miketo yontlhe.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Danieli 10:5

nzi lo tlakusa a mahlo ya mina, nzi wona a wanuna loye a nga ambele tinguwo ta wukene, na a bohile tinyonga takwe hi bhandi ga nzalama ya le Ufazi. Jer. 10:9; Kuv. 1:13

Danieli 2:39

Anzhako ka wena ku ta huma wunwani mufumo wa wutsongwani ka lowu wa wena, ni wunwani wa wunharu wa suku, lowu wu ta nga fumela misava yontlhe.

Danieli 5:31

Zonake Dariusi a muMedi i lo kuma xikhundla xa wuhosi, na hi ntangeni ya 62 wa malembe.

Danieli 6:28

Zinghaho Danieli i lo vuvuma a kufumeni ka Dariusi ni kufumeni ka Kurusi a muPersia.

Danieli 7:5

Nzi lo wona a xihari xa wumbiri xo fanana ni urso na xi yimile hi tlhelo ginwe, na xi hi ni timbambo tinharu nonwini wa xona xi ti lumile hi meno ya xona. Vaku ka xona: Suka u khadamula a nyama yo tala.

Danieli 8:2

A muwonisweni lowu nzi waku khwatsi nzi le Xuxani, xi nga xiluvelo xa hosi lomu tikweni ga Elami, nzi wona muwoniso na nzi hi laha Congweni wa Ulai.

Danieli 8:20

A hamba leyi u yi wonileko ya timhonzo timbiri, hi tihosi ta maMedi ni maPersia.

Zakaria 1:18

Nzi lo tlakusa a mahlo ya mina nzi si wona a mune wa timhonzo.

Zakaria 2:1

Nzi na su tlaku mahlo ya mina, nzi wona a wanuna na hi ni lingoti la lipimo canjeni gakwe.

Zakaria 5:1

Zonake nzi lo tlakusa a mahlo ya mina kambe, nzi wona a papilo gi nga haha.

Zakaria 5:5

Zonake a ngelosi leyi yi nga wulawula na mina yi lo tshinela, yiku ka mina: Tlakusa a mahlo ya wena, u wona a xilo xi humako lahaya lezaku xini.

Zakaria 5:9

Nzi lo tlakusa a mahlo ya mina, nzi wona na ku huma a vavasati vambiri, a mheho na yi tatisa tipapa tabye, hakuva va wa hi ni tipapa to fanana ni ta sekwa. Va lo tlakusa a efa xikari ka tilo ni misava.

Zakaria 6:1

Nzi lo tlakusa kambe a mahlo ya mina, nzi wona mune wa tikareta na tita hi xikari ka zitsunga zimbiri. A zitsunga za kona zi wa hi za suku.

Mitsengo 24:2

Zonake Balaami i lo tlakusa a mahlo yakwe a wona a va ka Israeli na va tshamile matendeni yabye hi tinyangwa tabye, zonake a Moya wa Nungungulu wu lota hehla kakwe.

Joxua 5:13

Ni laha Joxua a nga hi kusuhani ni Jeriko, i lo tlakusa a mahlo yakwe a cuwuka; languta, a wanuna a nga wa yimile mahlweni ka yena na a hi ni tlhari canjeni ga yena; na Joxua i loya ka yena aya ku ngalo: Wena u wa ka hina, kutani u nala wa hina ke? Ekso. 23:23

Kuvululelwa 13:11

Zonake nzi lo wona xinwani xihari xi huma misaveni; xi hi ni timhonzo timbiri to fanana ni ta yivana, xi lo wulawula khwatsi hi drako.

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29