Danieli 8:27 - Tshwa Bible

²⁷ Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Danieli 8:27 Mawu Ofanana

Danieli 10:16

Languta a wo kari a fananako ni vana va vanhu i lo khumba a milomu ya mina; zonake nzi lo vulula a nomu wa mina nzi wulawula ka loyi a nga yimile mahlweni ka mina, nziku: Hosi yanga, a muwoniso lowu wu nzi bayisile, laha kaku a nza ha hi na ntamu.

Danieli 10:8

Nzi wa sele nzoce nzi wona a muwoniso lowu wa hombe, nzi lo mbhela ntamu, a nghohe ya mina yi lo hunzuka hi kudzuka, nzi nga ha hi na ntamu.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 5:14

Nzi zwile ha wena lezaku u na ni moya wa vanungungulu, ni lezaku u na ni kuwonekela ni kupimisisa ni wutlhari go eta.

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.

Danieli 8:2

A muwonisweni lowu nzi waku khwatsi nzi le Xuxani, xi nga xiluvelo xa hosi lomu tikweni ga Elami, nzi wona muwoniso na nzi hi laha Congweni wa Ulai.

Danieli 8:7

Nzi lo yi wona na yi tshinela ka hamba na yi zangarile nguvu, yi yi dlina, yi tshova a timhonzo ta yona ta timbiri, kasi a hamba yi nga hi na ntamu wo yimekelana nayo. Yi lo wisa a hamba lahasi yi yi kanzihelele; ku wa nga hi kona ni munwe a nga zi kota ku ponisa a hamba ntanwini wa yona.

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

1 Samueli 3:15

Samueli i lo etlela kala laha mixweni; zonake i lo vulula a tivati ta yindlu ya ka Jehova. Samueli i wa chava ku ya hlawutela Eli a muwoniso lowo.