Danieli 8:22 - Tshwa Bible

²² A mune wa timhonzo leti ti nga mila wutshanwini ga leli li tshovekileko, ti komba mune wa mifumo yi ta nga huma tikweni lego, kanilezi na yi nga hi na ntamu wa gona.

Danieli 8:22 Mawu Ofanana

Danieli 11:4

Loku a wumbelwe wuhosi, a mufumo wakwe wu ta tshobyiwa, wu avanyiselwa a mune wa matlhelo ya tilo; kanilezi wu nga nyikwi ka pswalo wakwe, ni ntamu wabye wu nga ta fana ni lowu a nga hi nawo yena; hakuva a mufumo wakwe wu ta tsuwulwa, wu avelwa vanwani va nga hiko va ka kabye.

Danieli 7:6

Anzhako ka lezo nzi lo wona xinwani xo fanana ni yingwe, xi nga hi ni mune wa tipapa laha hlanini wa xona, xi wa hi ni mune wa tinghohe kambe. Xi lo nyikwa wuhosi.

Danieli 7:7

Anzhako ka lezo nzi lo wona lomu miwonisweni ya wusiku a xihari xa wumune xo tshisa, xingonzomu xa ntamu wa hombe; xi wa hi ni meno ya xiketse. Xi wa khadamula xi phura, xi ganyetela a misalela hi mikonzo ya xona. Xi wa nga fanani ni zontlhe zihari leʼzo ranga; xi wa hi ni khume ga timhonzo.

Danieli 8:21

A mhongo hi hosi ya maGreki. A limhonzo leli li nga xikari ka mahlo ya yona hi hasi yo sangula.

Danieli 8:23

A xikhatini xo gumesa xa mifumo yabye, laha a vahambunyeti va ta nga tala, ku ta huma a hosi ya nghohe yo tshisa ni ya wutlhari go tlhamusela mifihlakalo.

Danieli 8:3

Nzi lo tlakusa a mahlo ya mina, nzi wona a hamba yi nga hi ni timhonzo timbiri na yi yimile mahlweni ka congo. A timhonzo leti timbiri ti wa lehile, kanilezi a linwe li wa lehile ku hunza linwani, na li kulile nzhako ka leli lo koma.

Danieli 8:8

A mhongo yi lo maha mitiro ya hombe, kanilezi laha yi nga kumile ntamu wa hombe, a limhonzo lelo la hombe li lo tshoveka. Wutshanwini ga lona ku lo mila mune wa timhonzo to leha, ti kula ti cuwukana ni mune wa matlhelo ya tilo.

Zakaria 6:1

Nzi lo tlakusa kambe a mahlo ya mina, nzi wona mune wa tikareta na tita hi xikari ka zitsunga zimbiri. A zitsunga za kona zi wa hi za suku.