Danieli 8:15 - Tshwa Bible

¹⁵ Laha mina Danieli na nzi wonile muwoniso lowu, na nzi hlota ku wu pimisisa, nzi lo wona munwe wo fanana ni munhu na a yimile mahlweni ka mina.

Danieli 8:15 Mawu Ofanana

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Danieli 10:16

Languta a wo kari a fananako ni vana va vanhu i lo khumba a milomu ya mina; zonake nzi lo vulula a nomu wa mina nzi wulawula ka loyi a nga yimile mahlweni ka mina, nziku: Hosi yanga, a muwoniso lowu wu nzi bayisile, laha kaku a nza ha hi na ntamu.

Danieli 10:18

Zonake nzi lo khumbiwa kambe hi loyi a fananako ni munhu, a nzi tiyiseta,

Danieli 10:5

nzi lo tlakusa a mahlo ya mina, nzi wona a wanuna loye a nga ambele tinguwo ta wukene, na a bohile tinyonga takwe hi bhandi ga nzalama ya le Ufazi. Jer. 10:9; Kuv. 1:13

Danieli 12:8

Nzi lo zizwa, kanilezi a nzi zi pimangi. Zonake nziku: Hosi yanga, a zilo lezi zi ta gumesisa kuyini?

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 8:1

Hi lembe ga wunharu ga kufuma ka hosi Belxazzare, mina Danieli nzi lo wona muwoniso anzhako ka lowu wo ranga.

Danieli 8:19

Aku: Nzi ta ku byela lezi zi ta nga humelela magumo ka xikhati xa zanga, hakuva a muwoniso wu xungeta a xikhati xa magumo.

Zakaria 1:9

Zonake mina nziku: Hosi yanga, mbamani lava? A ngelosi leyi yi nga wulawula na mina yiku: Nzi ta ku komba lezi vanga zona.

Mateu 13:36

Zonake i lo siya xidlemo, a enghena ndlwini; a vapizani vakwe va lota kakwe, va taku: Hi tlhamusele a mufananiso wa nyasavari lomu sinwini.

Mateu 24:15

Hikwalaho, loku mu wona a manyalataniso ya mbhangalakasa, lawa ma nga kanetwa hi muprofeti Danyeli, na ma yimile wutshanwini go basa (loyi a gonzako lezi ngha a pima), Dan. 9:27; Mar. 13:14; Lu. 21:20

Mateu 24:30

Zonake ku ta woneka le tilweni a xiwoniso xa Nʼwana wa munhu; kwalaho a tixaka tontlhe ta misava ti ta rila loku ti wona a Nʼwana wa munhu na ata hi marefu ya tilo ni ntamu ni kungangamela ka hombe. Dan. 7:13; Zak. 12:12; Kuv. 1:7

Marku 13:14

Kanilezi laha na mu wona a manyalataniso ya mbhangalakasa na ma yimile laha ku nga faneliko (ngha loyi a gonzako a pima), zonake lava va nga le Judia a va chavele zitsungeni; Dan. 9:27; Mat. 24:15; Lu. 21:21

Marku 4:12

kasi hi ku wona, va ta wona, kanilezi va nga wonisisi; hi kuzwa va tazwa, kanilezi va nga zi pimi; ku nga taku va hunzuluka va tsetselelwa kuonha kabye Isa. 6:9; Mat. 13:14; Rom. 11:8

Joxua 5:14

Na yena i lo hlamula aku ngalo: Eye, nza ha kuta lokuloku; nzi nduna ya yimpi ya Jehova. Zonake Joxua i lo khizama hi nghohe ya yena a korama, aku ka yena: Xana u yini hosi yanga ka nanza ga yona ke? Tis. 148:2

Kuvululelwa 1:13

Laha xikari ka timeza ta tikandiya nzi lo wona wo kari wo fanana ni nʼwana wa munhu, na ambele a nguwo yo leha, yi bohilwe laha xifuveni hi bhandi ga nzalama. Ezek. 1:26; Dan. 7:13; 10:5

Kuvululelwa 13:18

Laha ku laveka wutlhari! Loyi a nga ni kupima a hlaye a xihlayo xa xihari, hakuva xihlayo xa munhu; a xihlayo xa xona i 666. Xip. 17:9; 21:17