Danieli 8:1 - Tshwa Bible

¹ Hi lembe ga wunharu ga kufuma ka hosi Belxazzare, mina Danieli nzi lo wona muwoniso anzhako ka lowu wo ranga.

Danieli 8:1 Mawu Ofanana

Ezekieli 1:1

Hi lembe ga 30, hi siku ga wuntlhanu ga hweti ya wumune, khwatsi hilezi nzi nga hi xikari ka lava va nga hi wukhumbini, le congweni wa Kebare, a matilo ma lo vululeka, nzi wona a miwoniso ya ka Nungungulu.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Danieli 10:2

A masikwini lawa mina Danieli nzi wa maha hlomulo maviki manharu.

Danieli 10:7

Hi mina Danieli nzoce nzi nga wona muwoniso lowu, hakuva a vavanuna lava nzi nga hi navo a va wu wonangi; va wa khomilwe hi kuchava ka hombe, va tsutsuma va ya fihlala. Miti. 9:7

Danieli 11:4

Loku a wumbelwe wuhosi, a mufumo wakwe wu ta tshobyiwa, wu avanyiselwa a mune wa matlhelo ya tilo; kanilezi wu nga nyikwi ka pswalo wakwe, ni ntamu wabye wu nga ta fana ni lowu a nga hi nawo yena; hakuva a mufumo wakwe wu ta tsuwulwa, wu avelwa vanwani va nga hiko va ka kabye.

Danieli 7:1

Hi lembe go sangula ga kufuma ka Belxazzare a hosi ya Babuloni. Danieli na hi sangweni gakwe i lo lora na wona miwoniso. Zonake i lo tsala a noro wa kona, a hlawutela a tihloko ta wona.

Danieli 7:15

Mina Danieli, a moya wa mina wu lo xaniseka xikari ka mina, nzi karateka hi kota ya miwoniso ya mina.

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 8:15

Laha mina Danieli na nzi wonile muwoniso lowu, na nzi hlota ku wu pimisisa, nzi lo wona munwe wo fanana ni munhu na a yimile mahlweni ka mina.

Danieli 8:2

A muwonisweni lowu nzi waku khwatsi nzi le Xuxani, xi nga xiluvelo xa hosi lomu tikweni ga Elami, nzi wona muwoniso na nzi hi laha Congweni wa Ulai.

Danieli 9:2

hi lembe go ranga ga kufuma kakwe, mina Danieli nzi lo tivisiwa hi mabhuku a tsengo wa malembe lawa Jehova a byelileko muprofeti Jeremia, lawa ma ta nga hunza Jerusalema na gi sele kuhahlulweni, ma nga 70 wa malembe.