Danieli 7:9 - Tshwa Bible

⁹ Na nzi kari nzi cuwuka ku lo vekiwa zitshamu za wuhosi, a wakale ka masiku i lo tshama. A tinguwo takwe ti wa basile ku fana ni gapongo, a misisi yakwe yi wa basile ku fana ni woya gi hlazilweko ga yivu. A xitshamu xakwe xa wuhosi xi wa fana ni malangavi ya nzilo, ni maranzani ya xona ma wa hi ya nzilo wu vurako. Kuv. 1:14; 4:2

Danieli 7:9 Mawu Ofanana

1 Tihosi 22:19

Kanilezi Mikaia i te ngalo: Wena ingisa a gezu ga Jehova. Mina nzi wonile Jehova na a tshamile xitshanwini xakwe xa wuhosi, zinwe ni wontihe mabandla na ma hi xineneni xakwe ni le xibhabheni xakwe.

2 Kronekele 18:18

Mikaia i te ngalo: Zwanani-ke a gezu ga Jehova! Mina nzi lo wona Jehova na a tshamile xitshanwini xakwe xa wuhosi, na a hi zinwe ni yimpi yontlhe ya le tilweni, na yi yimile canjeni gakwe ga xinene ni ga xibhabha.

Tisimu 45:8

Tontlhe a tinguwo ta wena ti nuhela a mure, ni mubandwa, ni mpepo; Va ku tsakisa hi zitende hi lomu tindlwini ti akilweko hi timhonzo ta tindlovu.

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Tisimu 93:2

A xitshamu xa wena xa wuhosi xi tiyile kusukela kaleloko, Wena u wa wupinzukelwa. Isa. 44:6

Isaya 6:1

A ka lembe lego a ngafa hesi Uzzia, nzi wonile Jehova na tshamile xitshanwini xa hombe xa wuhosi xi tlakukileko, ni nguwo yakwe yi wa tatile a tempeli. Dan. 7:9; Mat. 25:31; Joh. 12:41

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 49:38

Nzi ta yimisa a xitshamu xa mina xa wuhosi le Elami, nzi lovisa a tihosi ni tihosana ta kona, ku wula Jehova.

Ezekieli 1:26

Le hehla ka mpfuka wu nga hi hehla ka tihloko ta zona, ku wa hi ni xo fanana ni xitshamu xa wuhosi xi nga ku khwatsi hi ribye ga safira; ni hehla ka lexi xi nga fanana ni xitshamu xa wuhosi ku wa hi ni xe fanana ni munhu. Ekso. 24:10; Dan. 7:9; Kuv. 4:2

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Danieli 7:22

kala ata leyi wakale hi masiku, a ta lamulela a vobasa va Loyi a Hunzeleleko Kutlakuka; ku lo chikela a xikhati lexi a vobasa va nga hiwa mufumo.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Habakuka 1:12

Kasi a ku sukeli kupinzukeni, wena Jehova Nungungulu wa mina, Loyi a Basileko wa mina ke? Hi nga tafa! Jehova, wena u va vekele kulamulwa; wena u nga Ribye ga hina, u va yimisele a kutsayiswa.

Mateu 17:2

I lo hunzuka mahlweni kabye; a nghohe yakwe yi ngangamela kota gambo, ni tinguwo takwe ti basa kota kuwonekela.

Mateu 28:3

Yi lo woneka khwatsi kuhatima, a tinguwo ta yona ti wa basile kota gapongo. Dan. 10:6

Marku 9:3

a tinguwo takwe ti lo hunzuka ti hatima, ti basa ha hombe nguvu, hi lezaku a ku na muhlazi misaveni a zi kotako a ku ti basisa kota lezo. Dan. 7:9; Mat. 28:3

Mitiro 2:30

Makunu lezi a nga hi muprofeti, na a zi tiva lezaku Nungungulu i wa hlambanyile ka yena hi xifungo, lezaku i ta veka munwe wa lixaka lakwe laha xitshanwini xakwe xa wuhosi; 2 Sam. 7:13; Tis. 132:11; Lu. 1:32; Rom. 1:3

Mitiro 2:33

Na a tlakusilwe hi canja ga xinene ga Nungungulu, na a amukele ka Dadani a Moya wa ku Basa lowu wu tsumbisilweko, i chelile hehla ka hina lezi mu zi wonako ni lezi mu zi zwako. Fil. 2:9; Maheb. 10:12; Joh. 14:26; 15:26; Xip. 1:4; 10:45

Va le Filipi 3:9

nzi kumiwa ka yena, na nzi nga hi na kululama ka mina loku ku nga ka nayo, kanilezi loku ku nga ka kukholwa ka Kristu, a kululama loku ku tako hi ka Nungungulu hi kukholwa, Tis. 143:2; Isa. 64:6; Rom. 1:17; 10:3; Gal. 2:16; 2 Ped. 1:1

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

1 Johani 1:5

A mhaka leyi hi yi zwileko ka yena hi leyi, ha mu tivisa yona, lezaku Nungungulu kuwonekela, a ku na munyama ka yena, ne ni kutsongwanyani.

Kuvululelwa 1:14

A hloko yakwe ni misisi yakwe yi wa basile khwatsi hi woya go basa ga tiyivu, khwatsi hi gapongo; a mahlo yakwe a ma ku khwatsi malangavi ya nzilo; Dan. 7:9; 10:6

Kuvululelwa 19:18

Mu taga a nyama ya tihosi, ni nyama ya tinduna, ni nyama ya tinhenha, ni nyama ya mahaxi ni ya lava va khileleko ka wona, ni nyama ya vontlhe lava va tlhatlhekileko ni tikhumbi, a vatsongwani ni vahombe.

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Kuvululelwa 4:2

Zalezo nzi wa hi le moyeni, nzi wona a xitshamu xa wuhosi na xi vekilwe tilweni, ku wa tshamile munwe hehla ka xona. Isa. 6:1; Ezek. 1:26; Dan. 7:9