Danieli 7:1 - Tshwa Bible

¹ Hi lembe go sangula ga kufuma ka Belxazzare a hosi ya Babuloni. Danieli na hi sangweni gakwe i lo lora na wona miwoniso. Zonake i lo tsala a noro wa kona, a hlawutela a tihloko ta wona.

Danieli 7:1 Mawu Ofanana

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 46:2

Nungungulu i lo wulawula na Israeli hi muwoniso wa wusiku, aku: Jakobe, Jakobe! Yena i lo hlamula aku: Hi mina loyi!

Joba 4:13

Lomu maalakanyweni ya miwoniso ya wusiku, A xikhati lexi a wurongo ga kueta gi khomako vanhu,

Isaya 30:8

Makunu, famba u ya zi tsala lomu ka bakwa mahlweni kabye, u zi tsala ni lomu bhukwini, kasi za hlayiselwa zikhati zi tako, xiva xikombiso xa pinzukelwa.

Isaya 8:1

Jehova i te ngalo ka mina: Teka a bakwa ya hombe u tsala ka yona hi maletela ma wonekako, uku: Va hatlisisa ku phanga, ku tsutsumelwa wuphango.

Jeremia 23:28

A muprofeti loyi a nga ni noro, a wu hlawute; kanilezi loyi a nga ni mhaka ya mina, ngha a kanela yona hi kutsumbeka. Hikuyini mu patsako a mungu ni mavele ke? ku wula Jehova.

Jeremia 27:7

Wontihe matiko ma ta mu tirela, yena ni nʼwana wakwe ni zukulu wakwe, kala ku chikela a xikhati xa tiko gakwe, zonake yenawu i ta khoziswa hi matiko manyingi ni tihosi ta hombe.

Jeremia 36:32

Zonake Jeremia i lo teka ginwani bhuku, a gi nyika ka Baruke nʼwana Neria, a mutsali; a wihi a nga tsala ka gona hi nomu wa Jeremia tontlhe a timhaka ta bhuku lego gi nga hisiwa hi Jehoiakimu hosi ya ka Juda; kambe ku lo engetelwa a timhaka tinyingi to fanana nato.

Jeremia 36:4

Zonake Jeremia i lo vitana Baruke nʼwana Neria, na Baruke i lo tsala bhukwini hi nomu wa Jeremia, a magezu wontihe ya Jehova lawo a nga ma wulile kakwe.

Ezekieli 1:1

Hi lembe ga 30, hi siku ga wuntlhanu ga hweti ya wumune, khwatsi hilezi nzi nga hi xikari ka lava va nga hi wukhumbini, le congweni wa Kebare, a matilo ma lo vululeka, nzi wona a miwoniso ya ka Nungungulu.

Ezekieli 40:2

Hi miwoniso ya Nungungulu i lo nzi yisa tikweni ga Israeli, a ya nzi yimisa hehla ka xitsunga xo leha, laho ku nga hi xo khwatsi i muti hi tlhelo ga Dzonga.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Danieli 2:1

Hi lembe ga wumbiri ga kufuma ka Nebukadnezzare, yena i lo lora miloro leyi a moya wakwe wu nga karateka ha wona, a vumala ni wurongo.

Danieli 2:26

A hosi yiku ka Danieli, loyi a nga chulilwe a vito ga Beltexazzare: Wa zi kota a ku nzi hlawutela a noro lowu nzi nga lora, ni tlhamuselo wa kona ke?

Danieli 4:13

A miwonisweni ya mina laha na nza hi sangweni ga mina, nzi lo wona a ngelosi yo basa na yi relela hi le tilweni.

Danieli 4:5

Nzi lo lora a noro lowu wu nga nzi chavisa; a maalakanyo ya mina laha nzi nga hi sangweni ga mina, ni miwoniso leyi nzi yi wonileko, zi lo nzi dzukisa.

Danieli 5:1

Hosi Belxazzare i lo mahela mubuzo wa hombe a 1,000 wa tihosana takwe, anwa vinya mahlweni ka vanhu lava va 1,000.

Danieli 5:22

Na wenawu Belxazzare nʼwana wakwe, a ku koramisangia mbilu ya wena, hambu lezi u nga tiva zontlhe lezo.

Danieli 5:30

A ka wusiku gwalego Belxazzare, a hosi ya maKaldea, i lo dawa.

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Danieli 7:15

Mina Danieli, a moya wa mina wu lo xaniseka xikari ka mina, nzi karateka hi kota ya miwoniso ya mina.

Danieli 7:7

Anzhako ka lezo nzi lo wona lomu miwonisweni ya wusiku a xihari xa wumune xo tshisa, xingonzomu xa ntamu wa hombe; xi wa hi ni meno ya xiketse. Xi wa khadamula xi phura, xi ganyetela a misalela hi mikonzo ya xona. Xi wa nga fanani ni zontlhe zihari leʼzo ranga; xi wa hi ni khume ga timhonzo.

Danieli 8:1

Hi lembe ga wunharu ga kufuma ka hosi Belxazzare, mina Danieli nzi lo wona muwoniso anzhako ka lowu wo ranga.

Joeli 2:28

Anzhako ka lezo nzi ta chulula a Moya wa mina hehla ka nyama yontlhe; a varisanyana va nwina ni vanhanyana va nwina va ta profeta, a zikhosana za nwina zi ta lora miloro, ni majaha ya nwina ma wona ziwoniso, Isa. 44:3; Miti. 2:17; Gal. 4:6

Amosi 3:7

Futsi Hosi Jehova a nga zi koti ku maha nchumu na a nga se ku tivisa a malanza yakwe, va nga vaprofeti.

Habakuka 2:2

Jehova i lo nzi hlamula, aku: Tsala a muwoniso, u wu dlunyatisa laha ka timbila, kasi loyi a wu gonzako a wu pima hi xihatla.

Mitsengo 12:6

Zonake aku ngalo: Zwanani timhaka ta mina! Loku ku hi kona muprofeti xikari ka nwina, mina Jehova nzi ti tivekisa ka yena hi miwoniso, nzi wulawula naye hi miloro.

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

2 Va le Korinte 12:1

Mina nzi yimelwe hi ku ti dzunza, hambu loku zi nga faneli; kanilezi nzi ta wulawula hi ziwoniso, ni kuvululelwa hi Hosi.

Kuvululelwa 1:19

Hikwalaho tsala lezi u zi wonileko, u tsala lezi zi nga kona makunu, ni lezi zi ta nga maheka anzhako ka lezi.

Kuvululelwa 10:4

Laha a ntlhanu wa kudzinza ni kumbiri na ku zwatile a magezu ya kona, mina nzi wa lava ku tsala. Kanilezi nzi lozwa a gezu ga le tilweni giku; Vala hi zifungo a timhaka leti ti kanelweko hi kudzinza ka ntlhanu ni kumbiri, u nga ti tsali. Dan. 8:26; 12:4, 9