Danieli 6:4 - Tshwa Bible

⁴ Makunu a tinduna ni tihosana ti lo lava a xigelo xo bihisa Danieli ntirweni wa mufumo, kanilezi a va kumangi mhaka hambu ni nanzu; hakuva i wa tsumbekile, ku wa nga hi na xihoxo hambu xihoheto xi nga kumiwa kakwe.

Danieli 6:4 Mawu Ofanana

Genesisi 41:38

Zonake Faro i te ngalo ka malanza yakwe: Xana hi ta mu kuma a munhu wo kota loyi ke? Loyi a nga ni Moya wa Nungungulu ke?

Genesisi 43:18

Zonake va lo dzuka, hilezi va nga wa heleketwa ndlwini ya Josefa, vaku: Hi yiswa lomu ndlwini yakwe hi kota ya mali yi nga wa enghenisilwe lomu tisakweni ta hina xikhati lexiyani; kasi va kuma xigelo xo hi vukela ha xona, va wela hehla ka hina, va hi khoma ni timbongola ta hina, hi maha tikhumbi takwe.

Mavingu 29:27

A munhu a nga lulamangiko mayalataniso ka loyi a lulamileko, i loyi a tindlela takwe ti basileko manyalataniso ka wa kubiha. 1 Ped. 4:4

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 18:23

Kanilezi wena Jehova wa gi tiva A kungo gabye gontlhe go hlota ku nzi daya; U nga tsetseleli a kubiha kabye, Hambu a ku vinya a xionho xabye mahlweni ka wena; A va khunguvanyeka mahlweni ka wena, Va mahele lezi xikhatini xa zanga ya wena.

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Jeremia 29:7

Xuvani a makatekwa hehla ka muti lowu nzi mu yisileko ka wona kota vakhonwi, mu wu khongelela ka Jehova; hakuva loku wu humelela, mu ta humelela na nwinawu.

Danieli 3:8

A ka lexo xikhati a titlhari to kari ti lo tshinela ti ta kecara a vaJuda,

Danieli 5:12

A hosi yi lo mu chula a vito ga Beltaxazzare, hakuva Danieli i wa hi ni moya wu nene, ni wutivi, ni kupimisisa, ni ntamu wa ku tlhamusela miloro ni mifihlakalo, ni ku tlhamusela a timhaka to nonoha. Makunu vitanisa Danieli, i ta ta ku tlhamusela.

Danieli 6:22

A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Mateu 26:4

Va lo xuxa kungo kasi va fela ku khoma Jesu hi kukunguha, va mu daya;

Mateu 27:18

Hakuva i wa zi tivile lezaku va mu kecarile hi wukhuxu.

Luka 20:20

Va lo mu xiya, va ruma tihloli, leti ti nga ti mahisa ku khwatsi ti lulamile, lezaku ti fela a ku mu hika hi kuwulawula kakwe, kasi va fela ku mu nyikela wukosini ni ntanwini wa mufumeli. Mat. 22:15

Luka 20:26

Va wa nga zi koti ku mu hika kuwulawuleni kakwe mahlweni ka vanhu; va hlamala hi kuhlamula kakwe, va miyela.

Luka 22:2

A vapristi va hombe ni vatsali va lo lava lezaku va nga mu dayisa kuyini Jesu, hakuva va wa chava vanhu. Tis. 2:2; Joh. 11:47; Miti. 4:27

Johani 19:4

Pilatu i lo huma kambe, aku kabye: Langutani, nzi ta mu humesa ka nwina, kasi mu fela ku zi tiva lezaku a nzi kumi nanzu ka yena.

2 Va le Korinte 11:12

Lezi nzi zi mahako, nza ha ta zi maha, kasi nzi fela ku va thindekisa vona lava va lavako xikhati xa kuva va ti tlakusa va kumeka na va fana na hina. 1 Kor. 9:12

Va le Filipi 2:15

kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,

1 Timote 5:14

Hikwalaho nzi ranza lezaku a tinoni leʼta tiswa ti tekwa, ti beleka vana, va hlayisa tiyindlu tabye, va nga nyiki nala a xikhati xo hi rukatela. 1 Kor. 7:9; Tit. 2:8

Titusi 2:8

Ngha u nga soleki kuwulawuleni ka wena, kasi loyi a kanetako a fela ku koyo tingana, hi kuva a nga hi na zo biha a ku wula ha hina. Neh. 5:9; 1 Tim. 6:3

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

Valamuli 14:4

Kanilezi a raru ni nyine wakwe va wa nga zi tivi lezaku a mhaka leyo yita hi ka Jehova, lezaku kasi Samsoni a kuma ndlela yo vukela ha yona maFilistia; hakuva lexo xikhati a maFilistia ma wa fumela va ka Israeli.

1 Samueli 12:4

Vona va te ngalo: A ku gangi nchumu xa hina, a ku hi tsimbeketangi ni kambe a ku tekangi nchumu hambu ka munhu munwe.

1 Samueli 18:14

Davida i lo vuvuma mitirweni yakwe yontlhe, na Jehova i wa hi zinwe naye.

1 Samueli 22:14

Ahimeleki a hlamula, aku kakwe: Himani xikari ka wontihe malanza ya wena a tsumbekileko kota Davida mwane wa hosi, yi nga yona a nduna leyi yi ku ingisako lomu makungweni ya wena, ni loyi a dzunzekileko lomu ndlwini ya wena ke?