Danieli 6:22 - Tshwa Bible

²² A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Danieli 6:22 Mawu Ofanana

Genesisi 40:15

Hakuva nzi lo yibyiwa le tikweni ga maHeberu, ni kwalaha a nzi onhangi nchumu lexi va nzi khotselako ha xona.

2 Samueli 22:7

Lomu tikhuruxwini ta mina nzi lo vitana Jehova, Ina, nzi lo rilela ka Nungungulu wa mina; Na yena i zwile a gezu ga mina na hi lomu tempeleni yakwe; Ni kurila ka mina ku lo chikela tindleveni takwe. Tis. 3:5; Jona 2:3

1 Tihosi 13:28

Zonake i lo suka a famba, a ya kuma a xirumbi na xi te chanjala laha ndleleni, a mbongola ni nghala na zi yimile kusuhani ka xona. A nghala yi wa ngagi xirumbi hambu ku pfhemula a mbongola.

2 Kronekele 32:21

Jehova i lo rumela a ngelosi leyi yi nga ya lovisa tontlhe tinhenha, ni varangeli, ni tinduna lomu wugovelweni ga hosi ya Asiria. Zinghaho Sennakeribe i lo tlhela hi tingana aya tikweni gakwe. Laha a nga enghena lomu ndlwini ya vanungungulu vakwe, a vanhu va ku huma hi lomu marumbyini yakwe va lo mu gwaza kwalomo hi tlhari.

Tisimu 118:28

Wena u Nungungulu wa mina, nzi ta ku bonga; Wena u Nungungulu wa mina, nzi ta ku kulisa.

Tisimu 26:6

Nzi ta hlamba mandla ya mina kululameni, Nzi renzelekela a nganzelo ga wena, Jehova.

Tisimu 31:14

Kanilezi nzi ku tsumbile, Jehova, Nziku: Wena u Nungungulu wa mina.

Tisimu 34:7

A ngelosi ya Jehova yi gova yi ranzela lava va mu chavako, Yi va tlhatlhisa. Gen. 32:1; 2 Tih. 6:17

Tisimu 38:21

Jehova, u nga nzi tsiki; Nungungulu wa mina, u ngave kule na mina.

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Isaya 3:10

Wulani lezaku lava va lulamileko va katekile, hakuva va taga a mbhanzo wa zimaho zabye.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 37:18

Zonake Jeremia i lo wutisa hosi Zedekia, aku; Xana nzi ku onhele yini, ni malanza ya wena, ni lava vanhu, kala mu nzi khotsela lomu paxweni ke?

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Danieli 6:20

Loku yi chikele nkeleni yi lo vitana Danieli hi gezu ga kukarateka, yi ku: Danieli, nanza ga Nungungulu a hanyako, a Nungungulu loyi u mu khozelako xontlhe xikhati i zi kotile ku ku ponisa tinghaleni ke?

Danieli 6:23

A hosi yi lo tsaka nguvu, yi rumisa lezaku va humesa Danieli nkeleni wa tinghala. Zinghaho Danieli i lo humeswa nkeleni, a ku na nga kumiwa ni sakaveti ginwe ka yena hakuva i wa tsumbile a Nungungulu wakwe.

Danieli 6:4

Makunu a tinduna ni tihosana ti lo lava a xigelo xo bihisa Danieli ntirweni wa mufumo, kanilezi a va kumangi mhaka hambu ni nanzu; hakuva i wa tsumbekile, ku wa nga hi na xihoxo hambu xihoheto xi nga kumiwa kakwe.

Danieli 6:7

A tinduna tontlhe ta mufumo, a vatongi ni tihosana, a masungukati ni vamwamangulu, va tlhangene va boha xikungo xaku a hosi ngha yi yimisa a nayo wu tiyileko, waku ni wihi a ta nga kumiwa na a khongela ka nungungulu munwani, kutani ka munhu munwani xikari ka 30 wa masiku, ahandle ko khongela ka wena hosi, i ta hoxwa nkeleni wa tinghala.

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Mitsengo 20:16

Hi lo rila ka Jehova, zonake i lozwa magezu ya hina, a rumela a ngelosi yakwe, yi ta hi humesa le Gipite. Makunu hi kona lomu Kadexe, ka muti lowu wu nga laha mbhinganweni wa tiko ga wena. Ekso. 14:19; 23:20

Mateu 27:46

Hi hora ya wuntlhanu ni mune, Jesu i lo vitana hi gezu ga hombe, aku: Eli, Eli, lama sabaktani? Lezo hi ku ngalo: Nungungulu wa mina, Nungungulu wa mina, u nzi tsikele yini? Tis. 22:1; Maheb. 5:7

Mitiro 12:11

Laha Pedro na a tilimukile, aku ngalo: Makunu nza zi tiva hakunene, lezaku a Hosi yi rumile a ngelosi ya yona, yi ta nzi tlhatlhisa canjeni ga Herodi, ni ka zontlhe lezi va nga zi langutele a vaJuda. Tis. 34:7; 2 Ped. 2:9

Mitiro 24:16

Hilezo-ke na minawu nza pangama a kuva ni livalo li nga solekiko xikhati xontlhe mahlweni ka Nungungulu ni vanhu.

Mitiro 27:23

Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Maheberu 11:33

lava va nga hlula matiko hi kukholwa, va lamula hi kululama, va kuma lezi va tsumbisilweko zona, va vala milomu ya tinghala, Dan. 6:22

1 Samueli 17:37

Davida a engeta aku: Jehova loyi a nga nzi ponisa canjeni ga nghala ni ga urso, hi yaloye a ta nga nzi ponisa canjeni ga loyi muFilistia. Zonake Saule i te ngalo ka Davida: Famba, Jehova ave na wena!

1 Samueli 26:18

I lo wutisa aku: Hi kuyini a hosi ya mina yi hlongola a nanza gakwe? Xini nzi mahileko? Xionho muni xi nga mandleni ya mina?