Danieli 6:12 - Tshwa Bible

¹² Zonake va lo enghena va wulawula ni hosi xungetano ni nayo lowu yi wu yimisileko, vaku: Kasi a ku yimisangi a nayo lowu wu nge ngalo: Ni wihi munhu loyi a ta nga kumiwa na a khongela ka nungungulu munwani, kutani ka munhu munwani xikari ka 30 wa masiku, ahandle ko khongela ka wena hosi, i ta hoxwa nkeleni wa tinghala ke? A hosi yi lo hlamula yiku: I mhaka yi tiyileko leyo, kukotisa hi nayo wa maMedi ni maPersia lowu wu nga zi kotiko ku hunzuluswa.

Danieli 6:12 Mawu Ofanana

Estere 1:19

Loku a hosi yi zi ranza, yi nga rumisa a nyivo ya wuhosi, lezaku ku tsaliwa milayweni ya maPersia ni maMedi, a mhaka yi nga hiko na kuhunzulwa, lezaku Vaxti a nga ha veki nkonzo wakwe mahlweni ka hosi Ahasuerusi, u wuya u nyikela a wuzinza gakwe ka munwani loyi a nga chukwana ku hunza yena.

Danieli 6:15

Zonake a vavanuna lavo va lo enghena le hosini, vaku ka yona: Zi tiveke wena hosi lezaku i nayo wa maMedi ni maPersia waku a nayo hambu zileletelo lezi zi vekelweko hi hosi a zi na ku hunzulwa.

Danieli 6:8

Makunu wena hosi, tiyisa nayo lowu hi vito ga wena, lezaku wu nga hunzuki, kukotisa a nayo wa maMedi ni maPersia lowu wu nga zi kotiko ku hunzuluswa.

Mitiro 16:19

Kanilezi laha a venyi vakwe va nga wona lezaku va nga ta ha bhinzula nchumu ha yena va lo khoma Paule na Silasi, va ya rorovisela le hubyeni mahlweni ka vafumeli.

Mitiro 16:24

Yena na a layisisilwe lezo, i lo va enghenisa paxweni ga lomo xikari, a va boha milenge yabye hi makhotso. Jer. 20:2