Danieli 6:10 - Tshwa Bible

¹⁰ Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Danieli 6:10 Mawu Ofanana

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

1 Tihosi 8:38

ni loku a munwe, kutani vontlhe vanhu va wena va ka Israeli va kombela a mukhongelo, zonake a munwe ni munwani a wulela kubayiseka ka mbilu yakwe, a nawuluta a mandla yakwe a ka yindlu leyi;

1 Tihosi 8:44

Ni loku a vanhu va wena va hloma yimpi ya ku yalwa ni nala wabye, na va kari va famba hi ndlela leyi u ta nga va kombisa yona, va khongela Jehova, va cuwuka tlhelweni ga muti lowu wena u wu tengileko, ni tlhelo ga yindlu leyi nzi yi akeleko a vito ga wena;

1 Tihosi 8:54

Makunu laha Solomoni a nga wa mbhetile ku kombela ka Jehova wontihe mukhongelo lowu ni kukombela loku, i lo suka a yima mahlweni ka alati ga Jehova, laha a nga wa khizamile kona hi madzolo yakwe, na a tlakusile mandla yakwe te hehla,

2 Kronekele 6:13

hakuva Solomoni i wa mahile a wutshamu go yima ka gona hi suku lomu xikari ka hubye. A kuleha ka gona gi wa hi ntlhanu wa mikono, ni kuanama ka gona gi wa hi ntlhanu wa mikono, a kutlakuka ka gona gi wa hi mikono minharu. I lo kanziha ka gona; a khizama hi madzolo yakwe mahlweni ka tlhangano wontihe wa ka Israeli, a tlakusa a mandla yakwe,

2 Kronekele 6:38

loku va tlhelela ka wena hi timbilu tabye tontlhe, ni mihefemulo yabye yontlhe, na va hi kwaleyo tikweni ga wukhumbi gabye; loku va khongela na va cuwukile a tlhelo ga tiko legi u nyikileko vararu vabye, ni muti lowu u wu hlawuleko, ni tlhelo ga yindlu leyi nzi yi akeleko vito ga wena,

Ezra 9:5

Hi xikhati xa muphahlo wa laha gambyeni, nzi lo suka kutikoramiseni ka mina, a bhaji ga mina ni nguwo ya mina na zi hanzulwe, nzi khizama nzi tlakusa a mandla ya mina ka Jehova Nungungulu wa mina,

Nehemia 6:11

Mina nziku: A munhu wo kota mina a nga tsutsuma? I kona munhu wo kota mina a nga enghenako lomu tempeleni kasi ku ponisa wutomi gakwe? Cima nzi nga ta enghena kona.

Tisimu 34:1

Nzi ta dumisa Jehova wontihe masiku; Nzi ta mu bonga hi nomu wa mina xontlhe xikhati.

Tisimu 5:7

Kanilezi mina nzi enghena ndlwini ya wena hi kota ya wuxinji ga wena ga hombe; Nzi khizama hi xichawo ngomama ni tempeli ya wena yo basa.

Tisimu 55:17

Nzi ta kombela, nziba huwa laha gambyeni, ni mixo ni hlikanhi; Yena i tazwa a gezu ga mina. Dan. 6:10

Tisimu 86:3

Hosi, nzi zwele wuxinji, Hakuva nziba huwa ka wena gontlhe siku.

Tisimu 95:6

Tanani, a hi khizameni hi korama, A hi khizameleni Jehova, a mumahi wa hina. Isa. 43:7; Efe. 2:10

Danieli 6:13

Zonake vaku ka hosi: Kanilezi Danieli loyi a nga munwe wa tikhumbi ta ka Juda, a nga ku khataleli wena hosi, ge hambu a nayo lowu wena u wu yimisileko, o ti mahela mikhongelo yakwe makhati manharu hi siku.

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Jona 2:4

Mina nziku: Nzi hlongolwe mahlweni ka wena, Kanilezi nzi ta tlhela nzi cuwuka tempeleni ya wena yo basa.

Marku 3:3

Jesu i te ngalo ka munhu loyi a lameleko canja: Suka, u ta yima laha.

Luka 14:26

Loku a munhu ata ka mina, na a nga vengi a raru wakwe, ni nyine, ni sati, ni vana, ni vanakulobye, ni vamakabye, ina, hambu ni kuhanya kakwe, a nga zi koti ku maha mupizani wa mina. Xip. 16:13

Luka 22:41

I lo tsawuka ka vona a pfhukana wa ku hoxa ribye; i lo khizama, a khongela, Mat. 26:39; Mar. 14:35

Mitiro 10:9

Hi manziko wa kona, kota lezi va nga ha hi ndleleni, na va tshinela mutini, Pedro i lo kanziha hehla ka yindlu a ku ya khongela; ku wa hi hora ya wuntlhanu ni yinwe. Tis. 55:17; Xip. 11:5

Mitiro 2:15

A vanhu lava a va popiwangi kota lezi nwina mu alakanyako, hakuva ka ha hi 9 horas wa mixo ntsena.

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 20:36

Laha a nga wa kanele timhaka leti, i lo khizama a khongela navo vontlhe.

Mitiro 21:5

Laha na hi mbhetile a masiku lawo, hi lo suka hi famba; vontlhe va lo hi heleketa, zinwe ni vavasati ni vanana, hi kala hi huma lomu mutini; hi lo khizama laha fungwini, hi khongela,

Mitiro 3:1

Pedro na Johani a va kari va kanziha vaya tempeleni hi xikhati xa kukhongela, xi nga hi 3 horas wa gambo:

Mitiro 4:29

Makunu, Hosi, cuwuka a kuhonoka kabye, u nyika malanza ya wena a ku kanela a mhaka ya wena hi kutiya kontlhe, Isa. 58:1; Ezek. 2:6; Xip. 19:8; Efe. 6:19

Mitiro 5:20

Fambani, mu ya yima tempeleni, mu byela vanhu a timhaka tontlhe ta Wutomi legi. Joh. 6:68; 17:3; 1 Joh. 10:11

Mitiro 5:29

Pedro ni vapostoli va lo hlamula vaku ngalo: Hi fanele ku ingisa Nungungulu ku hunza ku ingisa vanhu. Gal. 1:10

Mitiro 7:60

Zonake i lo khizama, aba huwa hi gezu ga hombe, aku: Hosi, u nga va hlayeli a xionho lexi. Laha na a wulile lezo i lo etlela. Lu. 23:34

Mitiro 9:40

Kanilezi Pedro i lo va humesa vontlhe, a khizama a khongela; zonake na a hunzulukele xirumbini, i te ngalo: Tabita, vuka! Yena i lo hafula mahlo, ni laha a nga wona Pedro, i lo vuka a tshama. Mat. 9:25; 1 Tih. 17:19-23; Xip. 7:60

Va le Efesusi 3:14

Hi kota ya lezo nza khizama ka Dadani hi madzolo ya mina,

Va le Filipi 1:14

A linyingi la vamakabye le Hosini va tiyilehlana hi kota ya ziboho za mina, va tiyisa nguvu a ku kanela a mhaka ya Nungungulu na va nga chavi nchumu.

Va le Filipi 1:20

hi kulangutela ni kutsumba ka mina lezaku nzi nga ta chelwa tingana ha nchumu, kanilezi Kristu i ta dumisiwa mirini wa mina hi kutiya kontlhe, makunu khwatsi hi zikhati za kale, kutani hi kuhanya, kutani hi kufa. Rom. 5:5

Va le Filipi 4:6

Mu nga kanakaneli nchumu; kanilezi a timhakeni tontlhe tivisani a mixuvo ya nwina ka Nungungulu hi kukombela ni kukhongotela, na mu kari mu bonga. Tis. 55:2; Mav. 16:3; Mat. 6:25; Lu. 12:22

Va le Kolosi 3:17

Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena. Rom. 1:8; 1 Kor. 10:31; Efe. 5:20; Xip. 2:7

Maheberu 13:15

Hikwalaho a hi maheleni Nungungulu ha Jesu a muphahlo wa kubonga lowu wu simamisako, lezo hiku ngalo, a mbhanzo wa milomu leyi yi dumisako vito gakwe. Levi 7:12; Hos. 14:2; Efe. 5:20

Maheberu 4:16

Hikwalaho a hi tshineleni hi kutiya xitshanwini xa wuhosi xa tipswalo, kasi hi fela ku mahelwa wuxinji, hi kuma tipswalo ta ku hi vuna xikhatini xa kuvumala.

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.