Danieli 5:20 - Tshwa Bible

²⁰ Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Danieli 5:20 Mawu Ofanana

2 Tihosi 17:14

Kanilezi a va ingisangi; va lo nonohisa a tinhamu tabye khwatsi hi vararu vabye, lava va nga kholwangiko ka Jehova Nungungulu wabye. Ekso. 34:9; Deut. 31:27; Mal. 3:6

2 Kronekele 32:25

Kanilezi Hezekia a nga tlheliselangi Nungungulu a wunene legi a mahelweko gona, hakuva a mbilu yakwe yi wa ti kukumukisa; hikwalaho a zanga ya Jehova yi wa hi hehla kakwe ni ka va ka Juda ni le Jerusalema.

2 Kronekele 36:13

Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Eksodusi 9:17

Loku wa ha ti kukumukisa hehla ka vanhu ya mina, u ala ku va tlhatlha va famba,

Eksodusi 9:7

Faro i lo wutisisa hi lezi zi mahekileko, kanilezi i lo kuma lezaku cima a ku fangi hambu ni xifuyo xinwe lomu mitlhambini ya vanana va ka Israeli. Hambu lezo a mbilu ya Faro yi lo nonoha, cima a nga va tlhatlhangi a vanana va ka Israeli va famba.

Mavingu 16:18

A matshanza ma rangela kulova; i kutikukumukisa ku rangela kuwa.

Mavingu 16:5

Vontlhe lava va nga ni mbilu ya ku ti kulisa va hi manyalataniso ka Jehova; ima va nga ta pona ku tsayiswa.

Isaya 47:1

Chika, u tshama tshurini, Wena nhwana, nʼwana Babuloni! Tshama lahasi, a ku na xitshamu xa wuhosi, Wena nhwana wa maKaldea; Hakuva u nga ta ha vitanwa aku u nene niku u sasekile.

Jeremia 13:18

Byela hosi ni mamani wa hosi, uku: Ti koramiseni, mu tshama hasi, Hakuva a mubhodi wa wukosi ga nwina wu wile, Xi nga xona xidlodlo xa nwina xa wuhosi.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 48:18

Wena nhwana u tshamako Diboni, Chika wukosini ga wena, u tshama toreni; Hakuva a muhlaseli wa Moabi i ku chikelele, I khungumule a makhokhola ya wena.

Ezekieli 30:6

Jehova i ngalo: Lava kambe va yimelako Gipite va tawa, ni matshanza ya ntamu wakwe ma ta mbhela. Kusukela Migdole kala Sevene a vanhu va ta dawa hi supado, ku wula Hosi Jehova.

Ezekieli 31:10

Hikwalaho Hosi Jehova i ngalo: Hakuva u ti tlakusile hi wukulu, u lehisa a tichoka ta yona xikari ka marefu, u ti kukumukisa hi kota ya kuleha ka yona;

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 4:26

A xibho lexi va nga leletela lezaku xi tsikiwa ni mitsu ya xona, zi wula lezaku a wuhosi gi ta tlheliselwa ka wena, loku u zi tivile lezaku ku fuma a tilo.

Danieli 4:28

Zontlhe lezi zi mahekile ka hosi Nebukadnezzare.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Danieli 8:8

A mhongo yi lo maha mitiro ya hombe, kanilezi laha yi nga kumile ntamu wa hombe, a limhonzo lelo la hombe li lo tshoveka. Wutshanwini ga lona ku lo mila mune wa timhonzo to leha, ti kula ti cuwukana ni mune wa matlhelo ya tilo.

Luka 18:14

Nziku ka nwina: Loyi munhu i lo tlhelela kaya na a hlayiwa loyi a lulamileko ku hunza loyi munwani; hakuva ni wihi a ti kulisako i ta koramiswa; kanilezi loyi a ti koramisako i ta kuliswa. Joba 22:29; Mat. 23:12; Jak. 4:6

Maheberu 3:13

Khongotelanani a masiku ni masiku, loku ka ha wuliwa ku ngalo: Nyamutlha; kasi ku nga nonohiswi ni munwe wa nwina hi kukhohlisa ka kuonha.

1 Samueli 6:6

Mu ta nonohisela yini a timbilu ta nwina, kota vaGipite na Faro, va nga nonohisa timbilu tabye ke? A zi mahisangi zalezo laha a nga maha zihlamaliso xikari kabye, kala va va tsika va famba ke? Ekso. 7:13, 22; 8:15