Danieli 5:2 - Tshwa Bible

² Laha Belxazzare a nga sangula ku popiwa hi vinya, i lo rumisa lezaku ku nehiwa a zibya za nzalama ni siliva lezi a raru wakwe Nebukadnezzare a nga zi tekile lomu tempeleni ya le Jerusalema; zi ta nwela a hosi ni tihosana ta yona, ni vasati va yona, ni mindlunkulu ya yona. 2 Tih. 25:15; 2 Kro. 36:18

Danieli 5:2 Mawu Ofanana

2 Samueli 9:7

Davida aku kakwe: U nga chavi, hakuva nzi lava ku ku mahela tipswalo hi kota ya raru wa wena Jonatani. Nzi ku tlhelisela a sava gontlhe ga Saule a raru wa wena; kasike masiku wontihe wena u taga laha mezeni na mina.

2 Tihosi 24:13

I lo teka xontlhe a xuma xa yindlu ya Jehova, ni xuma xa yindlu ya hosi, a tsemelela zontlhe zibya za nzalama lezi Solomoni a hosi ya ka Israeli a nga wa zi mahele yindlu ya Jehova, khwatsi hi kuwula ka Jehova. Jer. 20:5

2 Tihosi 25:15

A nduna ya varinzeli yi lo teka ni zimbitana za libani, ni zinamelo ni zontlhe lezi zi nga wa hi za nzalama ni siliva.

2 Kronekele 11:20

Anzhako ka yena i lo teka Maaka nʼwana Absalome; yena i lo mu belekela Abija, na Attai, na Ziza, na Xelomite.

2 Kronekele 15:16

Hambu nyine wakwe Maaka, i lo mu humesa wuzinzeni gakwe, hikuva a mahile a xifananiso xa Axtarte. Asa i lo khungumula a xifananiso xakwe a xi hisa le xicongwaneni xa Kidroni.

2 Kronekele 36:10

Lomu kusanguleni ka lembe gi gamelako, hosi Nebukadnezare i lo rumela vanhu va ya mu khoma va mu yisa Babuloni zinwe ni zibya lezo zo saseka za yindlu ya Jehova. I lo yimisa nakulobye Zedekia a kuva hosi ya ka Juda ni Jerusalema.

2 Kronekele 36:18

Zontlhe a zibya za yindlu ya Nungungulu, a za hombe ni zitsongwani, ni wukosi ga yindlu ya Jehova, ni ga hosi, ni ga tinduna takwe, Nebukadnezare i lo yisa zontlhe le Babuloni.

Ezra 5:14

A nzalama ni siliva ya yindlu ya Nungungulu, leyi yi nga wa tekilwe lomu tempeleni ya Jerusalema hi Nebukadnezare a famba nayo, a ya yi veka lomu tempeleni ya le Babuloni, i zi tlhelisile a zi hendleleta mandleni ya Xexbazare loyi a nga mu wumbela kuva hosi.

Jeremia 27:7

Wontihe matiko ma ta mu tirela, yena ni nʼwana wakwe ni zukulu wakwe, kala ku chikela a xikhati xa tiko gakwe, zonake yenawu i ta khoziswa hi matiko manyingi ni tihosi ta hombe.

Jeremia 50:35

A supado a yive hehla ka maKaldea, ku wula Jehova, ni le hehla ka vaaki va le Babuloni, ni hehla ka tihosana takwe, ni hehla ka titlhari takwe.

Jeremia 52:19

A nduna ya vanyakasani yi lo teka ni mingelo ya tibani, a timbita, ni timeza ta tikandiya, a mikombe, ni magombe: zontlhe lezi zi nga wa mahilwe hi nzalama ni siliva.

Danieli 1:2

A Hosi yi lo nyikela Jehoiakimu a hosi ya ka Juda mandleni yakwe, ni zibya zinwani za yindlu ya Nungungulu. Nebukadnezzare i lo famba nazo tikweni ga Xinari, a zi enghenisa ndlwini ya nungungulu wakwe, a zi veka lomu bakweni ga nungungulu wakwe.

Danieli 5:11

I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

Danieli 5:13

Zonake Danieli i lo nehwa mahlweni ka hosi. A hosi yiku ka Danieli: Hi wena Danieli, wa tikhumbi ta ka Juda leti hosi dadani a nga tisa leno.

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Danieli 5:3

Zonake va lo neha a zibya za nzalama lezi zi nga tekilwe tempeleni ya yindlu ya Nungungulu, leyi yi nga hi le Jerusalema. A hosi ni tihosana ta yona, ni vasati va yona ni mindlunkulu ya yona va lo nwela ka zona.

Danieli 5:30

A ka wusiku gwalego Belxazzare, a hosi ya maKaldea, i lo dawa.

Danieli 5:4

Va lonwa vinya va dumisa a vanungungulu va nzalama, ni va siliva, ni va suku, ni va xiketse, ni va tisinya, ni va maribye.

Mitsengo 7:79

Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;