Danieli 5:19 - Tshwa Bible

¹⁹ Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.

Danieli 5:19 Mawu Ofanana

2 Tihosi 25:28

I lo wulawula kusasa ka yena, a mu tlakusa hehla ka tihosi leti ti nga wa hi zinwe naye le Babuloni.

Mavingu 16:14

A zanga ya hosi yi khwatsi i ntsumi wa lufo; anilezi a tlhari yi ta yi rengisa.

Mutshawuteli 8:3

U nga tsutsumeli ku suka mahlweni ka yona, U nga nonohisi mhakeni yo biha; Hakuva i maha lezi zi mu xalalisako.

Ezekieli 31:11

nzi ta yi nyikela mandleni ya loyi wa ntamu a ka matiko; i ta tira a ntiro wakwe ka yona, hakuva nzi yi tsikile hi kota ya kubiha ka yona.

Danieli 11:12

A xidlemo xi ta hlaselwa ku dawa mazana ya mazana; a mbilu ya hosi yi ta ti kukumukisa, kanilezi yena a nga ta hlula.

Danieli 11:16

Loyi a ta ngata ku talwa naye, i ta maha kota kuranza kakwe, a nga kona a to yima mahlweni kakwe. I ta yima lomu tikweni go saseka, i ta lovisa hi canja gakwe.

Danieli 11:3

Zonake ku ta huma a hosi ya wunhenha, yi ta nga fuma hi ntamu wa hombe, yi maha kuranza ka yona.

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 3:29

Hikwalaho, nzaba nyiwo, lezaku ni wihi wa matiko wontihe, ni tixaka ni tirimi, loyi a wulawulako kubiha hi Nungungulu wa Xadrake na Mexake na Abed-nego, i ta phaphulelwa, a tiyindlu takwe ti ta mahiwa matala. Hakuva a nga kona munwani nungungulu loyi a nga ponisako hi ndlela leyi. Miti. 5:29

Danieli 3:4

Zonake a mubi wa nyiwo a kanyuluka, aku: Mu layiwa nwina matiko, ni tixaka ni tirimi, lezaku:

Danieli 3:6

Ni wihi a to kala a ngawi hasi a xi khizamela, hi xwalexo xikhati i ta hoxiwa nzhimbyeni wa pingo ga nzilo. Jer. 29:22; Kuv. 13:15

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 4:22

ku wuliwa wena hosi, u kulileko uva ni ntamu; hakuva a wukulu ga wena gi tlakukile gi chikela tilweni, a kufuma ka wena ku navalata kala magemetamusi ya misava.

Habakuka 2:5

Tlhatakumbiri, a vinya gi khohlisa, a wamatshanza a nga na ku tshamiseka mutini. I ahlamisa a nomu wakwe khwatsi Xeole, i na ni mahlokoti khwatsi hi lufo, wa ti tsombanyisela wontihe matiko, a ti hlengeletela tixaka tontlhe.

Johani 19:11

Jesu i lo mu hlamula, aku: Ngha u nga hi na ntamu hehla ka mina, loku u nga nyikiwangi wona hi le hehla; hikwalaho loyi a nzi nyikeleko ka wena i na ni nanzu wa hombe. Lu. 22:53; Xip. 7:30

Va le Roma 13:1

Ngha na munwe ni munwani a ingisa a mufumo; hakuva a ku na mufumo wu nga yimiswangiko hi Nungungulu; a wuhosi legi gi nga kona gi yimisilwe hi Nungungulu. Dan. 2:21; Joh. 19:11; 1 Kor. 7:21

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24