Danieli 4:37 - Tshwa Bible

³⁷ Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Danieli 4:37 Mawu Ofanana

2 Kronekele 33:19

A mukhongelo wakwe ni ku hlamuliwa ka wona, ni kuonha kakwe, ni kuhambuka kakwe, ni wutshamu legi a akileko ka gona a matshamu ma tlakukileko, ni laha a nga yimisa kona a zifananiso za Axtarte, ni zifananiso zi vatlilweko, na a nga se ti koramisa, zi tsalilwe lomu ka matimu ya vawoni.

Estere 6:10

Zonake a hosi yiku ka Hamani: Hatlisa u teka a tinguwo ni haxi, khwatsi hi kuwula ka wena, u maha lezo ka Mordekai, a muJuda loyi a tshamako laha nyangweni ya hosi! U nga tsiki ni xinwe xa lezi u zi wulileko!

Tisimu 119:75

Jehova, nza zi tiva lezaku a kulamula ka wena ku lulamile, Lezaku u nzi hlokisile hi kutsumbeka.

Tisimu 99:4

A hosi ya ranza nongameto ntanwini wa yona. Wena u tiyisa kululama, U tira nongameto ni kulongama ka Jakobe. Isa. 9:7

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Eksodusi 8:4

A makhele ma ta kanziha hehla ka wena, ni hehla ka tiko ga wena, ni hehla ka malanza ya wena wontihe.

Isaya 23:9

Hi Jehova wa tiyimpi a nga wula lezo, Lezaku a koramisa a matshanza wontihe ya wukosi; Ni ku tsongahata vontlhe va dzunzekileko va misava.

Isaya 5:16

Kanilezi Jehova wa tiyimpi i ta tlakuswa hi kulamula, Na Nungungulu wa ku Basa i ta woneka na basile kululameni.

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Ezekieli 16:56

Hakuva hi siku ga matshanza ya wena a ku kumbukangi Sodoma hi nomu wa wena,

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Danieli 4:26

A xibho lexi va nga leletela lezaku xi tsikiwa ni mitsu ya xona, zi wula lezaku a wuhosi gi ta tlheliselwa ka wena, loku u zi tivile lezaku ku fuma a tilo.

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 5:4

Va lonwa vinya va dumisa a vanungungulu va nzalama, ni va siliva, ni va suku, ni va xiketse, ni va tisinya, ni va maribye.

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mitiro 17:24

Nungungulu loyi a nga maha misava ni zontlhe zi nga ka yona, yena loyi a nga Hosi ya tilo ni misava, a nga tshami titempeleni leti ti akilweko hi mandla. Xip. 7:48; 14:15; Mat. 11:25

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Kuvululelwa 16:7

Nzi lozwa alati gi wulawula, giku: Kunene, Hosi Nungungulu wa Ntamu-wontlhe, a kulamula ka wena ku nene, ku lulamile.

1 Samueli 2:3

Mu nga ha engeti mu wulawula hi matshanza, Ni wuxezi gi nga ha humi nonwini wa nwina; Hakuva Jehova i Nungungulu loyi a tivako zontlhe. Hi yena loyi a ringanyisako zimaho za vanhu.