Danieli 4:34 - Tshwa Bible

³⁴ A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 4:34 Mawu Ofanana

2 Samueli 22:31

A ndlela ya Nungungulu yi lulamile, A gezu ga Jehova gi basile; Yena xitlhangu xa vontlhe lava va tsutsumelako ka yena.

1 Kronekele 29:10

Hikwalaho i lo bonga Jehova mahlweni ka tlhangano wontihe, aku: A ku bongiwe Jehova Nungungulu wa ka Israeli, a dadani wa hina, kala kupinzuka ni kupinzuka!

1 Kronekele 29:13

Nungungulu wa hina, makunu ha ku bonga, hi dumisa a vito ga wena go basa.

Joba 1:21

Nzi lo huma nzi nga hi na nchumu hi lomu rumbyini ga mamani, nzi ta tlhelela kona nzi nga hi na nchumu. Jehova i nzi nyikile, Jehova i tlhelile a teka; a gi dumiswe a vito gakwe! Mutsa. 5:14; 1 Tim. 6:7

Tisimu 10:16

Jehova i Hosi kala kupinzuka ni kupinzuka; A vamatiko va lobyiswa tikweni gakwe.

Tisimu 102:24

Nziku: Nungungulu wa mina, U nga nzi susi na nzi hi xikari ka masiku ya mina; A malembe ya wena nja kala kupinzuka.

Tisimu 107:15

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 107:22

A va humese a miphahlo ya kubonga, Va tlhatlhambutela mitiro yakwe hi kutsaka.

Tisimu 107:31

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 107:8

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 111:7

A mitiro ya mandla yakwe nja kutsumbeka ni nongameto, A zileletelo zakwe zontlhe zi tiyile.

Tisimu 121:1

Nzi tlakusela mahlo ya mina zitsungeni, Kuta hi kwihi a kuvunetela ka mina ke?

Tisimu 123:1

Nza tlakusa mahlo ya mina ka wena, Wena loyi u tshamako matilweni.

Tisimu 145:13

A mufumu wa wena ngwa kala kupinzuka, Ni wuhosi ga wena gi simama zizukulwaneni zontlhe. Dan. 4:3; 4:34; 6:26; 7:14

Tisimu 146:10

Jehova i ta fuma kala kupinzuka, I Nungungulu wa wena, Zioni, ka zizukulwana zontlhe. Dumisani Jehova!

Tisimu 50:14

Nyikela ka Nungungulu a miphahlo ya kubonga; U rihela zifungo za wena ka Loyi a Hunzeleleko Kutlakuka. Maheb. 13:15

Tisimu 66:7

I fumela hi ntamu wakwe kala kupinzuka; A mahlo yakwe ma languta vamatiko. Lava va hluwukileko ngha va nga ti kulisi. (Sela.) 2 Kro. 16:9

Tisimu 7:17

Nzi ta dumisa Jehova hi kota ya kululama kakwe, Nzi ta yimbelela a kudumisa ka vito ga Jehova loyi a Hunzeleleko Kutlakuka.

Tisimu 9:2

Nzi ta tsaka, nzi nengela ha wena; Nzi ta dumisa a vito ga wena hi tisimu, Wena u Hunzeleleko Kutlakuka.

Tisimu 92:1

Zi sasekile ku khanela Jehova, Ni ku dumisa a vito ga wena, loyi u Hunzeleleko Kutlakuka;

Isaya 13:11

Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Isaya 24:15

Dumisani Jehova le Mutsuwuka-gambo, ni lomu kukomama ni bimbi, khesani a vito ga Jehova, Nungungulu wa ka Israeli.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Mikosi 3:38

A makatekwa ni makhombo hi wumbiri ga wona A ma rumiwangi hi nomu wa Loyi a nga Hehlahehla ke?

Danieli 12:7

Nzi lozwa a munhu loyi a nga ambele a tinguwo ta wukene, a nga yimile hehla ka mati ya congo, laha a nga tlakusa canja gakwe ga xinene ni ga xibhabha, a hlambanya hi loyi a hanyako kala kupinzuka, aku: Ku tava a xikhati ni zikhati ni khihlanya ga xikhati, ni loku va mhhetile ku tshova a ntamu wa tiko ga kubasa, zonake ku tava magumo ya zontlhe lezi zilo. Deut. 32:40; Kuv. 10:5; 12:14

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 4:2

Nzi wona lezaku zi sasekile akuva nzi mu tivisa hi zikombiso ni zihlamaliso lezi Nungungulu loyi a Hunzeleleko Kutlakuka a zi tirileko ka mina.

Danieli 4:26

A xibho lexi va nga leletela lezaku xi tsikiwa ni mitsu ya xona, zi wula lezaku a wuhosi gi ta tlheliselwa ka wena, loku u zi tivile lezaku ku fuma a tilo.

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:36

A xikhati lexo a kupima ka mina ku nga wuya, nzi lo tlheliselwa a wukosi ga mufumo wa mina, ni wukulu ni wudumo ga mina. A manghanakana ya mina ni tinduna ta mina va lo ta nzi lava; nzi tlhela nzi vekiwa wukosini ga mina, nzi engeteliwa ntamu wa hombe.

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Danieli 5:21

1 lo hlongolwa Xikari ka vana va vanhu, a mbilu yakwe yi hunzulwa yi fanana ni ya zihari, a tshama ni timbongola ta khwati; i lo hanya hi byanyi ku fanana ni tihomu, a miri wakwe wu tsakamiswa hi mbhera ya le tilweni; a kala a tiva lezaku Nungungulu a Hunzeleleko Kutlakuka wa fumela mifumo ya vanhu, a yimisa hehla ka yona ni wihi a mu ranzako.

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Danieli 9:14

Hikwalaho Jehova i rinzele a khombo legi, a gi wisa hehla ka hina; hakuva Jehova a Nungungulu wa hina i lulamile mitirweni yakwe yontlhe leyi a yi mahako, kanilezi a hi ingisangi a gezu gakwe.

Jona 1:14

Hikwalaho va lo rila ka Jehova, vaku: Jehova ha ku kombela lezaku u nga hi lovisi hi kota ya wutomi ga wanuna loyi, u nga hi rwexi a nkhata wu nga hiko na nanzu: hakuva wena Jehova u mahile a kuranza ka wena.

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Luka 1:33

I ta fumela yindlu ya Jakobe kala kupinzuka; a mufumo wakwe cima wu nga ta gumelwa. Dan. 2:44; Obad. 21; Mika 4:7

Luka 18:13

Kanilezi a muhlengisi i lo yima kule, a nga tiyangi ni ku tlakusa a mahlo yakwe le tilweni, kanilezi a tiba xifuva, aku: Nungungulu, ngha u hi ni wuxinji ka mina nzi nga muonhi.

Johani 5:26

Hakuva kota lezi Dadani a nga ni wutomi nzeni kakwe, hizalezo i nyikile Nʼwana a kuva ni wutomi nzeni kakwe.

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

Kuvululelwa 10:6

yi hlambanya hi loyi a hanyako kala kupinzuka ni kupinzuka, loyi a nga vanga tilo ni lezi zi nga ka gona, ni misava ni lezi zi nga ka yona, ni bimbi ni lezi zi nga ka gona, yiku: A xa ha hi kona xikhati kambe. Neh. 9:6; Dan. 12:7; Xip. 16:17

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 4:10

zonake a manghanakana ya 24 a mawa lahasi mahlweni ka loyi a tshamileko xitshanwini xa wuhosi, ma dumisa loyi a hanyako kala kupinzuka ni kupinzuka, ma rula a zidlodlo za wona mahlweni ka xitshamu xa wuhosi, maku: Xip. 5:8, 14

Kuvululelwa 4:9

Ni xihi xikhati a zimahwa zi hanyako zi nga wa khesa zi mu dumisa ni ku mu bonga loyi a tshamileko xitshanwini xa wuhosi, yena loyi a hanyako kala kupinzuka ni kupinzuka,