Danieli 4:31 - Tshwa Bible

³¹ Na hosi ya ha wulawula, a gezu gi lo zwala hi le tilweni, giku: Hosi Nebukadnezzare, wa tivisiwa lezaku a wuhosi gi susilwe ka wena.

Danieli 4:31 Mawu Ofanana

Genesisi 14:18

Melkizedeki a hosi ya le Salema, i lo neha a kuga ni vinya, i wa hi mupristi wa Nungungulu wa le Hehlahehla. Tis. 110:4; Maheb. 7:1

Joba 20:23

Laha na a xurisa a rumbu gakwe, Nungungulu i ta veka zanga yakwe hehla kakwe, I ta yi nisa hehla kakwe yiva kuga kakwe.

Tisimu 145:13

A mufumu wa wena ngwa kala kupinzuka, Ni wuhosi ga wena gi simama zizukulwaneni zontlhe. Dan. 4:3; 4:34; 6:26; 7:14

Mavingu 29:23

A matshanza ya munhu ma ta mu tsongahata; anilezi loyi a nga ni moya wa kutikoramisa, i ta dzunziwa. Lu. 14:11; 1 Ped. 5:5

Isaya 14:27

Hakuva Jehova wa tiyimpi i zi xuvile, himani a ta nga zi thinda? Ni canja gakwe gi nawulutilwe, himani a ta nga gi tlhelisa? 2 Kro. 20:6; Dan. 4:32

Danieli 12:7

Nzi lozwa a munhu loyi a nga ambele a tinguwo ta wukene, a nga yimile hehla ka mati ya congo, laha a nga tlakusa canja gakwe ga xinene ni ga xibhabha, a hlambanya hi loyi a hanyako kala kupinzuka, aku: Ku tava a xikhati ni zikhati ni khihlanya ga xikhati, ni loku va mhhetile ku tshova a ntamu wa tiko ga kubasa, zonake ku tava magumo ya zontlhe lezi zilo. Deut. 32:40; Kuv. 10:5; 12:14

Danieli 4:24

A tlhamuselo wa kona hi lowu, wena hosi: I nyiwo ya Loyi a Hunzeleleko Kutlakuka, leyi yi ta nga tatiseka ka nwinyi wa mina, a hosi yanga:

Danieli 4:26

A xibho lexi va nga leletela lezaku xi tsikiwa ni mitsu ya xona, zi wula lezaku a wuhosi gi ta tlheliselwa ka wena, loku u zi tivile lezaku ku fuma a tilo.

Danieli 4:30

A hosi yi lo wulawula yiku: Hi gona a Babuloni ga hombe, nzi gi akileko hi ntamu wa mina wa hombe, kasi giva wuakelo ga hosi, gi kulisa a wukulu ga mina.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 5:20

Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Danieli 5:28

Peres, A mufumo wa wena wu avanyisilwe, wu nyikelwa ka maMedi ni maPersia.

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Luka 12:20

Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

Johani 12:28

Dadani, dumisa a vito ga wena! Kwalaho ku lota gezu hi le tilweni, giku: Nzi gi dumisile, nzi ta engeta nzi gi dumisa. Mat. 3:17

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

Kuvululelwa 16:7

Nzi lozwa alati gi wulawula, giku: Kunene, Hosi Nungungulu wa Ntamu-wontlhe, a kulamula ka wena ku nene, ku lulamile.

1 Samueli 13:14

Kanilezi makunu a mufumo wa wena cima wu nga ta simamisa, Jehova i ti lavele munwani munhu loyi yena a mu ranzako. I ta mu yimisa a kuva hosi hehla ka vanhu vakwe, hakuva wena a ku hlayisangi lezi Jehova a ku leleteleko zona. Tis. 89:20; Miti. 13:22

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.