Danieli 4:27 - Tshwa Bible

²⁷ Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Danieli 4:27 Mawu Ofanana

Genesisi 11:4

Vaku: A hi akeni a muti ni likhokhola, leli a xixungwa xa lona xi ta nga chikela tilweni; hi ti chula a vito kasi hi nga hangalaki misaveni yontlhe.

1 Tihosi 21:29

Xana u zi wonile lezi Ahabi a ti koramisisako zona mahlweni ka mina ke? Kota lezi a ti koramisileko mahlweni ka mina, nzi nga ta neha khombo masikwini yakwe; nzi ta neha khombo ka yindlu yakwe masikwini ya nʼwana wakwe.

Tisimu 119:46

Nzi ta hlawutela wumboni ga wena mahlweni ka tihosi, Cima nzi nga tava na tingana.

Mavingu 11:2

Loku a matshanza mata, ku huma ni tingana; anilezi a wutlhari gi na ni lava va ti tsongahatako.

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Isaya 10:13

Hakuva yi ngalo: Nzi mahile lezo hi ntamu wa canja ga mina Ni wutlhari ga mina, hakuva nzi na ni kupima. Nzi susile mimbhingano ya matiko, Nzi wutlile mabako ya wona, Khwatsi hi nhenha nzi wisile hasi lava va nga hi zitshanwini za wuhosi.

Isaya 47:10

Hakuva u ti tsumbile kubiheni ka wena, uku: A nga kona a nzi wonako! A wutlhari ga wena ni wutivi ga wena gi ku hambukisile. Ute mbilwini ya wena: Hi mina nzoce, a nga kona munwani.

Isaya 47:8

Hikwalaho zwana lezi, wena loyi u ranzako ku ti tsakisa; Wena loyi u tshamekileko: Wena loyi unge mbilwini ya wena: Hi mina nzoce, a ku na munwani, Cima nzi nga ta kuva noni, Hambu ku lahlekelwa hi vanana.

Jeremia 29:7

Xuvani a makatekwa hehla ka muti lowu nzi mu yisileko ka wona kota vakhonwi, mu wu khongelela ka Jehova; hakuva loku wu humelela, mu ta humelela na nwinawu.

Jeremia 38:20

Jeremia aku: Va nga ta ku nyikela. Hi nga ingisa a gezu ga Jehova, legi nzi ku byelako gona; u ta tshameka khwatsi u hanya.

Ezekieli 18:7

loyi a nga onhelangiko munhu, loyi a tlhelisileko a seve wa loyi a nga hi ni nanzu, loyi a nga wutliko nchumu, loyi a phamelako loyi a nga ni ndlala, a hanzulela loyi a nga ni wuna; Ekso. 22:26; Deut. 24:10; Mat. 25:35

Ezekieli 29:3

Kanela uku: Hosi Jehova i ngalo: Nzi yimekelene na wena Faro, hosi ya le Gipite, drako ga hombe gi etlelako lomu xikari ka micongo ya gona, gi nge ngalo: Lowu congo ngwa mina, nzi ti mahele wutsumbu ganga.

Ezekieli 29:9

A tiko ga Gipite gi ta hahluka gi maha marumbi; va ta zi tiva lezaku hi mina Jehova; hakuva yena a teku: A congo ngwa mina, hi mina nzi wu mahileko.

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Amosi 6:13

Nwina lava mu tsakelako za hava, muku: A hi ntamu wa hina wutsumbu lowu hi nga hlula ha wona ke? 1 Tih. 22:11; Mik. 4:13

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

Habakuka 1:11

Zonake va hunza kukotisa a mheho, va ti rwexa milanzu, hakuva a ntamu wabye wu mahile nungungulu wabye.

Zefania 2:15

Hi wona a muti wa litsako, lowu wu nga tshama hi ku nga khatali, na wuku mbilwini ya wona; Hi mina nzoce, a ku na munwani ahandle ka mina! Wu hunzulukisile kuyini wu maha marumbi, wu maha wutshamu go etlela kona zihari? Loyi ni loyi a hunzako mahlweni ka wona i ta wu bela noti, a ninginiza woko gakwe.

Mateu 3:8

Hikwalaho humesani mihanzu yi kombisako kuhunzuluka.

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

Mitiro 24:25

Kanilezi laha a nga kanela hi kululama, ni kutikhoma, ni kulamula ku tako, Felisi i lo chava, a hlamula, aku: Ti fambele makunu, nzi ta tlhela nzi ku vitana loku nzi kuma xikhati xi nene.

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

Mitiro 8:22

Hikwalaho hunzuluka kubiheni ka wena, u kombela ka Hosi, kutani u nga tsetselelwa a kualakanya ka mbilu ya wena.

2 Va le Korinte 5:11

Hikwalaho kota lezi hi tivako a kuchaveka ka Hosi, ha khongotela vanhu a ku kholwa, kanilezi Nungungulu wa zi tiva lezi hi nga zona; nza tsumba lezaku ha tibyiwa kambe livalweni la nwina.

Va le Galatia 5:13

Vamakabye, mu vitanelwe kutlhatlheka; kanilezi mu nga tirisi a kutlhatlheka ka nwina lezaku mu famba hi ka nyama, kanilezi tirelanani hi liranzo. 1 Ped. 2:16

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Va le Efesusi 4:28

Ngha loyi a nga hi khamba a nga ha yivi kambe; kanilezi a ti karate a tira lezi zi sasekileko hi mandla yakwe, kasi a fela kuva nazo zo nyika loyi a vumalako.

Deuteronome 24:13

Hakunene u ta mu tlhelisela a seve wakwe na gambo gi nga se pela; kasi yena wa fela ku etlela ka tinguwo takwe, a ku katekisa, zonake u tava u lulamileko mahlweni ka Jehova Nungungulu wa wena.

Deuteronome 32:27

Loku ku wa nga hi lezo nzi chavako a kutikulisa ka valala vabye; Lezaku a valala va ta kala va nga nzi pimi, Vaku: A mandla yahina ma tlakusilwe, A hi Jehova a nga maha lezi zilo zontlhe. Mitse. 14:15; Ezek. 20:14

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

1 Pedro 4:8

Nguvunguvu pinyameleni kuranzana, hakuva a liranzo li khubhunyeta zionho zinyingi. Kol. 3:14; Jak. 5:20