Danieli 4:17 - Tshwa Bible

¹⁷ A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:17 Mawu Ofanana

1 Tihosi 21:25

Kunene, a ku na nga va kona a hosi yo kota Ahabi loyi a xavisileko wutsumbu gakwe hi ku maha lezi zi bihileko mahlweni ka Jehova, hi kota ya Jezebeli sati wakwe a nga mu kucetela.

2 Kronekele 28:22

Hambu lezo a nga wa hi khombyeni i lo simamisa a onhela Jehova.

Tisimu 103:19

Jehova i yimisile a xitshamu xakwe xa wuhosi le matilweni, Ni mufumo wakwe wu fumela zontlhe.

Tisimu 12:8

A vakubiha va ti fambela matshanwini wontihe, Loku a kukhohlakala ku su fenemete xikari ka vana va vanhu.

Tisimu 9:16

Jehova i ti tivekisile, i lamulile: Wa phasa muonhi hi mitiro ya mandla yakwe wutsumbu. (Higgaion. Sela.)

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Isaya 6:8

Zonake nzi lozwa a gezu ga Jehova, giku: Nzi ta ruma mani, himani a ta nga hi yela? Nziku: Hi mina, ruma mina.

Ezekieli 25:17

Nzi ta ti photela hi kutikisa, nzi va tsayisa hi zanga; va ta zi tiva lezaku hi mina Jehova laha nzi ta nga ti photela hehla kabye.

Ezekieli 7:24

Hikwalaho nzi ta va nehela a vamatiko vo biha nguvu, va ta ta teka tiyindlu tabye. Nzi ta bohlisa a matshanza ya laʼva ntamu, a matshamu yabye ma basileko ma ta nyenyeziswa.

Danieli 11:21

Wutshanwini gakwe ku ta huma a munhu wo soleka, loyi a nga hiko na fanelo akuva hosi; i tata laha va nga mu languteliko, a ta teka wuhosi hi mano.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 4:2

Nzi wona lezaku zi sasekile akuva nzi mu tivisa hi zikombiso ni zihlamaliso lezi Nungungulu loyi a Hunzeleleko Kutlakuka a zi tirileko ka mina.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Va le Roma 13:1

Ngha na munwe ni munwani a ingisa a mufumo; hakuva a ku na mufumo wu nga yimiswangiko hi Nungungulu; a wuhosi legi gi nga kona gi yimisilwe hi Nungungulu. Dan. 2:21; Joh. 19:11; 1 Kor. 7:21

1 Va le Korinte 1:28

ni zilo zi nga nyawuliko, a zilo zi nyenyekako, Nungungulu i lo zi hlawula, ina, ni lezi zi nga hiko nchumu, Nungungulu i lo zi hlawula lezaku a fela ku mbhetisa a zilo lezi zi nga kona; Rom. 4:17; Xip. 2:6

1 Timote 5:21

Nza ku laya mahlweni ka Nungungulu na Kristu Jesu, ni ka tingelosi leti ti hlawulilweko, lezaku u ingisa zileletelo lezi, kasi u nga lamuli mhaka hi kupima ka wena, hambu ku maha nchumu hi xihlawulela.

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.