Danieli 4:14 - Tshwa Bible

¹⁴ Yi lo kanyuluka aku: Singani a sinya, mu fungela a maravi ya yona, mu tlhatlha a matluka ya yona, mu hangalasa a mihanzu ya kona. A zihari a zi hume nzhutini wa yona, ni tinyanyani ti huma maravini ya yona. 1 Sam. 16:1, 12; 1 Tih. 22:19; Lu. 1:52

Danieli 4:14 Mawu Ofanana

Joba 24:20

A nyimba leyi yi mu belekileko yi ta mu rivala; A ziwungwani zi ta phangelana ha yena; Cima a nga ha ta alakanywa kambe, A wa kubiha i ta tshobyiwa khwatsi i sinya.

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Jeremia 51:6

Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6

Jeremia 51:9

Hi ringile ku chuma Babuloni, kanilezi a nga banyangi. A hi mu tsikeni, hi ti fambela munwe ni munwani aya tikweni ga ka kabye, hakuva a kutsayiswa kakwe ku chikele le tilweni, ku tlakukile ku chikela le marefini.

Ezekieli 31:10

Hikwalaho Hosi Jehova i ngalo: Hakuva u ti tlakusile hi wukulu, u lehisa a tichoka ta yona xikari ka marefu, u ti kukumukisa hi kota ya kuleha ka yona;

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 3:4

Zonake a mubi wa nyiwo a kanyuluka, aku: Mu layiwa nwina matiko, ni tixaka ni tirimi, lezaku:

Danieli 4:12

A matluka ya yona ma wa sasekile, a mihanzu ya yona na yi tele, na yi hi ni zakuga zo eneta vanhu vontlhe. A zihari za khwati zi wa zumba nzhutini wa yona, a tinyanyani ta tilo ti aka maravini ya yona, zontlhe zivangwa zi hanyako zi wa giswa hi yona.

Danieli 4:23

Lezi hosi yi wonileko a ngelosi yo basa, na yi relela hi le tilweni, yi taku: Singani a sinya, mu yi lovisa, mu siya ntsena a xibho ni mitsu ya xona lomu misaveni, xi bohiwa hi mangenje ya xiketse ni ya suku lomu byanyini ga khwati, xi tsakamisiwa hi mbhera ya le tilweni, ava ni xiavelo zinwe ni zihari za khwati kala a hunziwa hi ntlhanu wa zikhati ni zimbiri.

Danieli 4:29

Na ku mbhelile a 12 wa tihweti, i wa ti fambafambela hehla ka xiluvelo xa wuhosi xa Babuloni.

Danieli 5:20

Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Danieli 5:21

1 lo hlongolwa Xikari ka vana va vanhu, a mbilu yakwe yi hunzulwa yi fanana ni ya zihari, a tshama ni timbongola ta khwati; i lo hanya hi byanyi ku fanana ni tihomu, a miri wakwe wu tsakamiswa hi mbhera ya le tilweni; a kala a tiva lezaku Nungungulu a Hunzeleleko Kutlakuka wa fumela mifumo ya vanhu, a yimisa hehla ka yona ni wihi a mu ranzako.

Mateu 3:10

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi neno ti ta tsemiwa, ti hoxiwa nzilweni. Xip. 7:19; Lu. 13:7, 9; Joh. 15:6

Mateu 7:19

A sinya yinwe ni yinwani leyi yi nga pswaliko mihanzu yo nanziha, yi tsemiwa, yi hoxiwa nzilweni. Xip. 3:10; Lu. 3:9; Joh. 15:2, 6

Luka 3:9

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi nene ti ta tsemiwa, ti hoxiwa nzilweni. Mat. 7:19

Kuvululelwa 10:3

Yi lo kanyuluka hi gezu ga hombe, ku khwatsi hi kudzuma ka nghala; laha na yi kanyulukile, ku lo zwakala a magezu ya ntlhanu wa kudzinza ni kumbiri.

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39