Danieli 3:28 - Tshwa Bible

²⁸ Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Danieli 3:28 Mawu Ofanana

Genesisi 9:26

Kambe i te ngalo: I katekisilwe Jehova Nungungulu wa Xemi; Kanani i ta kuva nanza gabye.

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

2 Kronekele 32:21

Jehova i lo rumela a ngelosi leyi yi nga ya lovisa tontlhe tinhenha, ni varangeli, ni tinduna lomu wugovelweni ga hosi ya Asiria. Zinghaho Sennakeribe i lo tlhela hi tingana aya tikweni gakwe. Laha a nga enghena lomu ndlwini ya vanungungulu vakwe, a vanhu va ku huma hi lomu marumbyini yakwe va lo mu gwaza kwalomo hi tlhari.

Ezra 1:3

Ni wihi xikari ka nwina a nga wa vanhu vakwe, Nungungulu wakwe ave zinwe na yena, a kanziha aya Jerusalema a tikweni ga va ka Juda a ya vuxa a yindlu ya Jehova Nungungulu wa ka Israeli! Yena Nungungulu loyi a nga le Jerusalema!

Ezra 6:11

Mina nzi leletela, nziku: Loku a mhaka ya mina yi hambunyetwa hi munhu, ngha a mhanze yi susiwa lomu ndlwini yakwe yi kelelwa, zonake a belelwa ka yona; a yindlu yakwe yi hunzulwa yi maha tala hi kota ya lezo.

Tisimu 103:20

Khesani Jehova, nwina tingelosi takwe, Nwina tinhenha leʼta ntamu, mu mahako kulaya kakwe, Hi kuzwa a gezu ga mhaka yakwe.

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 33:18

A mahlo ya Jehova ma tsonometa lava va mu chavako, Ni lava va tsumbako a wuxinji gakwe,

Tisimu 33:21

Hakuva a timbilu ta hina ta mu tsakela, Hi tsumba a vito gakwe go basa.

Tisimu 34:22

Jehova wa tirula a mihefemulo ya malanza yakwe; Ku nga ta koneka ni munwe wa lava va chavelako ka yena.

Tisimu 62:8

Nwina vanhu, tsumbani yena masiku wontihe; Chululani timbilu ta nwina mahlweni kakwe: Nungungulu hi wuchavelo ga hina. (Sela.)

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 37:36

A ngelosi ya Jehova yi lo huma yiya wugovelweni ga maAssiria yi ya daya 185,000 wabye; laha vanhu va nga vuka ni mixo zi wa hi zirumbi ntsena.

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Danieli 3:25

I lo engeta aku: Langutani! nzi wona mune wa vanhu va tlhatlhilweko, na va fambafamba xikari ka nzilo, kanilezi a va bayiswi. A dzumba ga loyi wa wumune gi woneka kota ga nʼwana wa nungungulu.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 6:16

A hosi yi lo rumisa lezaku Danieli a khomiwa a hoxwa nkeleni wa tinghala. A hosi yiku ka Danieli: A Nungungulu wa wena loyi u mu khozelako xontlhe xikhati ngha a ku ponisa!

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Mitiro 4:19

Kanilezi Pedro na Johani, va lo va hlamula, vaku: Kutani zi sasekile mahlweni ka Nungungulu a ku ingisa nwina ku hunza ku ingisa Nungungulu, lamulani ha nwece; Xip. 5:29; Gal. 1:10

Mitiro 5:19

Kanilezi a ngelosi ya Hosi yi lo vulula a tivati ta paxo ni wusiku, yi va humesa, yiku: Tis. 34:7; Xip. 12:7; 16:26; Maheli. 1:14

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

1 Va le Korinte 13:3

Hambu nzi avela zontlhe nzi nga nazo ku gisa lava va vumalako, ni loku nzi nyika a miri wa mina a kuva wu hiswa, kanilezi na nzi nga hi na liranzo, nzi nga ta bhinzula nchumu. Mat. 6:1, 2

Va le Filipi 1:20

hi kulangutela ni kutsumba ka mina lezaku nzi nga ta chelwa tingana ha nchumu, kanilezi Kristu i ta dumisiwa mirini wa mina hi kutiya kontlhe, makunu khwatsi hi zikhati za kale, kutani hi kuhanya, kutani hi kufa. Rom. 5:5

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Maheberu 11:37

Va lo gandliwa hi maribye, va sahiwa hi tisaruti, va ringwa, va dawa hi supado; va lo nzulanzula na va ambele a mabhebhe ya tiyivu ni timbuti; va lo pswhelekelwa, va xaniseka, ni ku khomiwa hi kubiha, 1 Tih. 21:13; 2 Tih. 1:8

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37