Danieli 3:26 - Tshwa Bible

²⁶ Zonake Nebukadnezzare i lo tshinela laha nyangweni ya nzhimbo wa pingo ga nzilo, a taku: Xadrake, Mexake, na Abed-nego, nwina malanza ya Nungungulu a Hunzeleleko Kutlakuka, humani, tanani leno! Zonake Xadrake na Mexake na Abed-nego va lo huma hi lomu xikari ka nzilo.

Danieli 3:26 Mawu Ofanana

Genesisi 14:18

Melkizedeki a hosi ya le Salema, i lo neha a kuga ni vinya, i wa hi mupristi wa Nungungulu wa le Hehlahehla. Tis. 110:4; Maheb. 7:1

1 Tihosi 8:51

hakuva mbanhu va wena ni tshomba ya wena leyi u yi humesileko te Gipite, xikari ka nzilo wa nyunzo. Ekso. 1:11, 14; Deut. 4:20

Ezra 5:11

Va lo hi hlamula, vaku: Hina hi malanza ya Nungungulu wa tilo ni misava; hi aketa a yindlu leyi yi nga wa akilwe kale ka matiko; leyi yi akilweko hi yinwani hosi ya hombe ya va ka Israeli, a yi mbhelelisa.

Tisimu 66:12

U kanzihisile vanhu tihlokweni ta hina, Hi lo hunza xikari ka nzilo, ni xikari ka mati, Kanilezi wena u hi humesile kasi ku hi nyika kutlhatlheka.

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 52:12

Hakuva mu nga ta famba hi ku hatlisa, Ge hambu ku suka hi ku tsutsuma; Hakuva Jehova i ta mu rangela, Na Nungungulu wa ka Israeli i ta mu vikela lenzhako. Ekso. 12:33; 13:21; Deut. 16:3

Jeremia 11:4

lexi nzi layeleko a vararu va nwina a siku lego nzi va humesileko a tikweni ga Gipite, a phingweni ga nyunzo ya xiketse, nziku: Ingisani a gezu ga mina, mu maha zontlhe lezi nzi mu rumako; zonake mu tava tiko ga mina, na mina nzi tava Nungungulu wa nwina, Ekso. 19:5; 1 Tih. 8:51

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Danieli 3:17

Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Danieli 4:2

Nzi wona lezaku zi sasekile akuva nzi mu tivisa hi zikombiso ni zihlamaliso lezi Nungungulu loyi a Hunzeleleko Kutlakuka a zi tirileko ka mina.

Danieli 6:20

Loku yi chikele nkeleni yi lo vitana Danieli hi gezu ga kukarateka, yi ku: Danieli, nanza ga Nungungulu a hanyako, a Nungungulu loyi u mu khozelako xontlhe xikhati i zi kotile ku ku ponisa tinghaleni ke?

Danieli 6:21

Danieli aku ka hosi: Hosi, hanya kala kupinzuka!

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Mitiro 16:17

Yena i lo lanzela Paule na hina, a kanyuluka aku: A vavanuna lava malanza ya Nungungulu a nga Hehlahehla, lava va bako hungu ka nwina hi ndlela ya kuhanyiswa.

Mitiro 16:37

Kanilezi Paule aku ngalo ka vona: Va hi bile kubaseni na hi nga lamuliwangi, hina vanhu hi nga vaRoma, va hi khotsela paxweni; makunu va lava ku hi humesa xihundleni ke? Kokwihi, kanilezi a vate vona wutsumbu, va ta hi humesa. Xip. 22:25

Mitiro 27:23

Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3

Va le Galatia 1:10

Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19

Deuteronome 4:20

Nguvu nwina, Jehova i mu humesile khombarini ga nzilo wa le Gipite, kasi mu fela ku maha vanhu vakwe kota lezi mu zi wonako nyamutlha.

Joxua 3:17

Ni vapristi lava va rwalako a nghaxa ya xivumelwano xa Jehova va lo yima vaku tseka hi mikonzo lomu ku omileko laha xikari ka Jordani, zonake vontlhe va ka Israeli va lo famba muhanzeni wu omileko, kala vontlhe vanhu va tlhatuka Jordani.

Joxua 4:10

Ni vapristi lava va rwalako a nghaxa va lo yima laha xikari ka Jordani kala ku mahiwa zontlhe lezi Jehova a leleteleko Joxua a ku byela vanhu khwatsi hi lezi Mosi a leleteleko zontlhe zilo ka Joxua, zonake a vanhu va lo hatlisa ku tlhatuka.

Kuvululelwa 19:5

A gezu gi lo huma xitshanwini xa wuhosi, giku: Khesani Nungungulu wa hina, nwina malanza yakwe nwentlhe, nwina lava mu mu chavako, a vatsongwani ni vahombe. Tis. 134:1; 135:1