Danieli 3:24 - Tshwa Bible

²⁴ Zonake Nebukadnezzare i lo dzuka, a suka hi kuhatlisa, a wutisa a masungukati yakwe, aku; A hi hoxangi a vavanuna vanharu xikari ka nzilo na va bohilwe ke? Vona va hlamula, vaku ka hosi: Zi tano, hosi!

Danieli 3:24 Mawu Ofanana

2 Kronekele 22:4

I lo maha kubiha mahlweni ka Jehova, a lanzela zimaho za yindlu ya ka Ahabi, hakuva hi vona va nga hi masungukati yakwe anzhako ka kufa ka raru wakwe, kala a lobyiswa.

Danieli 3:17

Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Danieli 3:23

laha a vavanuna lava vanharu, va Xadrake na Mexake na Abed-nego, va nga wela nzhimbyeni wa pingo ga nzilo na va bohilwe.

Danieli 3:25

I lo engeta aku: Langutani! nzi wona mune wa vanhu va tlhatlhilweko, na va fambafamba xikari ka nzilo, kanilezi a va bayiswi. A dzumba ga loyi wa wumune gi woneka kota ga nʼwana wa nungungulu.

Danieli 4:22

ku wuliwa wena hosi, u kulileko uva ni ntamu; hakuva a wukulu ga wena gi tlakukile gi chikela tilweni, a kufuma ka wena ku navalata kala magemetamusi ya misava.

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Danieli 5:6

Zonake a nghohe ya hosi yi lo hunzuka, yi xeveka maalakanyweni ya yona; a matlhangano ya tinyonga ta yona ma tlekatleka ni madzolo ya yona ma gumulana.

Danieli 6:22

A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Danieli 6:7

A tinduna tontlhe ta mufumo, a vatongi ni tihosana, a masungukati ni vamwamangulu, va tlhangene va boha xikungo xaku a hosi ngha yi yimisa a nayo wu tiyileko, waku ni wihi a ta nga kumiwa na a khongela ka nungungulu munwani, kutani ka munhu munwani xikari ka 30 wa masiku, ahandle ko khongela ka wena hosi, i ta hoxwa nkeleni wa tinghala.

Mitiro 12:13

Laha a nga gongonza livatini la nyangwa, ku lota a nhwana, a vito gakwe hi Roda, kasi ku ta tiva.

Mitiro 26:13

Nzi wa hi laha ndleleni ni hlikanhi, Hosi, nzi lo wona a kuhatima ka le tilweni, ko hunza a kungangamela ka gambo, ku nzi renzelekela ni lava va nga hi pfhumba ginwe na mina.

Mitiro 26:27

Hosi Agripa, wa kholwa vaprofeti ke? Nza zi tiva lezaku wa va kholwa.

Mitiro 9:6

Kanilezi suka, u enghena mutini, u ta byeliwa kona lezi u faneleko ku zi maha. Lu. 3:10; Xip. 2:37

1 Samueli 17:55

Makunu a xikhati Saule a nga wona Davida na ya vukela vaFilistia, i te ngalo ka Abneri a nduna ya yimpi: Abneri, a mufana loyi i nʼwana mani? Abneri i lo hlamula, aku: Khwatsi hi lezi a muhefemulo wa wena wu hanyako, O hosi, a nzi mu tivi.