Danieli 3:17 - Tshwa Bible

¹⁷ Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Danieli 3:17 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Joba 5:19

I ta ku hlanguta zikaratweni ntlhanu wa zikhati ni xinwe: Ina, ni ntlhanu wa zikhati ni zimbiri cima a kubiha ku nga ta ku khumba.

Tisimu 115:3

Nungungulu wa hina i le tilweni, Wa maha ni zihi a zi ranzako.

Tisimu 37:39

A kuhanyiswa ka valulamileko kuta hi ka Jehova, Hi yena khokhola gabye xikhatini xa zikarato.

Tisimu 37:40

Jehova wa va vuna, a va hlangu ta; I va hlanguta ka vakubiha, a va hanyisa, Hakuva va chavele kakwe. Dan. 6:23

Tisimu 73:20

Khwatsi i noro loku hi vukile, Wena Hosi, loku u vuka u ta tlangamela xiwumbeko xabye.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 54:14

U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

Jeremia 1:8

U nga va chavi, hakuva nzi na wena a ku ku ponisa, ku wula Jehova. Deut. 31:6; Jox. 1:5

Jeremia 15:20

Nzi ta ku maha uva khurisi ga suku a ka tiko legi; Va talwa na wena, kanilezi va nga ta ku hlula; Ihakuva mina nzi zinwe na wena, Kasi ku ku ponisa, ku wula Jehova.

Jeremia 15:21

Nzi ta ku ponisa canjeni ga vakubiha, Nzi ku tirula mandleni ya lava va tihanyi.

Danieli 3:26

Zonake Nebukadnezzare i lo tshinela laha nyangweni ya nzhimbo wa pingo ga nzilo, a taku: Xadrake, Mexake, na Abed-nego, nwina malanza ya Nungungulu a Hunzeleleko Kutlakuka, humani, tanani leno! Zonake Xadrake na Mexake na Abed-nego va lo huma hi lomu xikari ka nzilo.

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Danieli 6:16

A hosi yi lo rumisa lezaku Danieli a khomiwa a hoxwa nkeleni wa tinghala. A hosi yiku ka Danieli: A Nungungulu wa wena loyi u mu khozelako xontlhe xikhati ngha a ku ponisa!

Danieli 6:23

A hosi yi lo tsaka nguvu, yi rumisa lezaku va humesa Danieli nkeleni wa tinghala. Zinghaho Danieli i lo humeswa nkeleni, a ku na nga kumiwa ni sakaveti ginwe ka yena hakuva i wa tsumbile a Nungungulu wakwe.

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Luka 1:37

Hakuva a ku na xilo xi nga mu tsanzako Nungungulu. Gen. 18:14; Jer. 32:17; Rom. 4:21

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 21:13

Kanilezi Paule i lo hlamula aku: Hikuyini mu rilako mu panza a mbilu ya mina ke? Kasi mina a nzi longelangi ku bohiwa ntsena, kanilezi ni ku fela a vito ga Hosi Jesu le Jerusalema. Xip. 20:24

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

2 Va le Korinte 1:10

yena loyi a nga hi hlanguta a kufeni ko tshisa wa ha ta hi hlanguta. Hi mu tsumbile lezaku i ta engeta a hi hlanguta, 2 Ped. 2:9

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

1 Samueli 17:37

Davida a engeta aku: Jehova loyi a nga nzi ponisa canjeni ga nghala ni ga urso, hi yaloye a ta nga nzi ponisa canjeni ga loyi muFilistia. Zonake Saule i te ngalo ka Davida: Famba, Jehova ave na wena!

1 Samueli 17:46

Inyamutlha Jehova i ta ku nyikela canjeni ga mina. Nzi ta ku tlhava nzi tsema hloko ya wena. Inyamutlha nzi ta nyikela a zirumbi za tiyimpi ta vaFilistia ka tinyanyani ta tilo ni ka zivanza za misava, kasi a misava yontlhe yi ta zi tiva lezaku i kona Nungungulu wa ka Israeli.