Danieli 2:48 - Tshwa Bible

⁴⁸ Zonake a hosi yi lo kulisa Danieli, yi mu nyika a zinyikiwo za hombe, yi mu maha mufumeli wa tiko gontlhe ga Babuloni, yi tlhela yi mu maha a nduna ya titlhari tontlhe ta Babuloni.

Danieli 2:48 Mawu Ofanana

2 Samueli 19:32

Makunu Barzillai i wa khosahele nguvu; i wa hi ni 80 wa malembe. I wa yisile timbuva ka hosi xikhati lexo a hosi yi nga ha hi le Mahanaime, hakuva i wa fumile nguvu.

2 Tihosi 5:1

Makunu Namani a nduna ya yimpi ya hosi ya le Siria i wa hi munhu wa hombe mahlweni ka hosi yakwe, a hi wo dzunzeka, hakuva Jehova i wa nyikile kuhlula ka maSiria ha yena. Na a ngha yena a hi wanuna wa nhenha, kanilezi na hi ni hlokonho.

Joba 1:3

Ni tshomba yakwe yi wa hi 7,000 wa tiyivu, ni 3,000 wa makameli, ni 500 wa mipatswa ya tikuzi, ni 500 va mapswele ya timbongola, ni maanza yo tala; hikwalaho a munhu oye i wa hi wa hombe ka vontlhe vanhu va le tikweni ga Mutsuwuka-gambo.

Jeremia 5:5

Nzi taya ka vahombe, nzi ta ya xuxa navo; Hakuva va tiva a ndlela ya Jehova, ni milayo ya Nungungulu wabye. Kanilezi vona vontlhe va wa panzile muyoko, ni ku phewula magota.

Danieli 2:6

Kanilezi loku mu nzi hlawutela a noro ni tlhamuselo wa kona, nzi ta mu nyika zinyikiwo ni nchachazelo ni wudzunzo ga hombe. Hikwalaho nzi hlawuteleni a noro lowo ni tlhamuselo wa kona.

Danieli 3:1

Hosi Nebukadnezzare i lo maha a xifananiso xa nzalama, a kutlakuka ka xona ku wa hi 60 wa mikono, ni 6 wa mikono a kuanama. I lo xi yimisa lomu nkoveni wa Dura, a tikweni ga Babuloni.

Danieli 3:12

Va kona vajuda vo kari lava u nga va yimisa a kuva varangeli va tiko ga Babuloni, a nga Xadrake, na Mexake, na Abed-nego; a vanhu lava a va ku khataleli wena hosi. A va khozeli a vanungungulu va wena, ge hambu ku khizamela a xifananiso xa nzalama lexi wena u nga xi yimisa.

Danieli 3:30

Zonake a hosi yi lo tlakusa Xadrake na Mexake na Abed-nego lomu tikweni ga Babuloni.

Danieli 4:6

Hikwalaho nzi lo vitanisa tontlhe titlhari ta Babuloni, kasi ti ta nzi tlhamusela a noro lowo.

Danieli 4:9

Wena Beltexazzare, nduna ya titlhari, khwatsi hilezi nzi zi tivako lezaku a moya wa vanungungulu va basileko wu ka wena, ni lezaku a ku hluliwi hi wihi fihlakalo, nzi byele a miwoniso ya noro wa mina leyi nzi yi wonileko, ni tlhamuselo wa yona.

Danieli 5:11

I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

Danieli 5:16

Kanilezi nzi zwile ha wena lezaku wa zi kota ku tlhamusela ni ku tsetsula a mifihlakalo. Loku wena u zi kota ku nzi gonzela lowu mutsalo ni ku nzi byela a tlhamuselo wa wona, u ta ambexwa a tinguwo to zirila, uva ni ketani ya nzalama nhanwini ya wena, u mahiwa mufumeli wa wunharu mufunweni wa mina.

Danieli 5:29

Zonake Belxazzare i lo rumisa lezaku Danieli a ambexwa a tinguwo to zirila, ava ni ketani ya nzalama nhanwini yakwe, ku biwa nyiwo ha yena lezaku i tava mufumeli wa wunharu lomu mufunweni.

Danieli 5:7

A hosi yi lo kanyuluka yi vitanisa a vangoma ni titlhari ni zitumbe. A hosi yiku ka titlhari ta Babuloni: Ni wihi munhu a ta nga gonza a mutsalo lowu, a nzi byela a tlhamuselo wa wona, i ta ambexiwa tinguwo to zirila, ava ni ketani ya nzalama nhanwini yakwe, a maha mufumeli wa wunharu lomu mufunweni wa mina.

Danieli 8:27

Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Mitsengo 24:11

Makunu famba ka nwina, nzi wa ku byelile lezaku nzi ta ku mahela wudumo ga hombe nguvu; kanilezi Jehova i ku tsonile wudumo lego.

1 Samueli 17:25

Zonake a vavanuna va ka Israeli va te ngalo: Ma mu wona a wanuna loyi a rangelwako mahlweni ke? I tela ku ta kanyisa Israeli. Loyi a ta nga mu daya a hosi yi ta mu nyika a tshomba ya hombe nguvu, a mu nyika ni nhwana wakwe kambe, ni ku maha a yindlu ya raru wakwe yi tlhatlheka lomu ka Israeli.

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.

1 Samueli 25:2

Le Maone ku wa hi ni munhu loyi a pfuno wakwe wu nga wa hi le Karmeli. A munhu loye i wa pfunile nguvu; i wa hi ni 3,000 wa tiyivu, ni 1,000 wa timbuti; i wa hi kwaleyo Karmeli a kaya tiyivu takwe.