Danieli 2:47 - Tshwa Bible

⁴⁷ A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Danieli 2:47 Mawu Ofanana

Genesisi 41:39

Zonake Faro aku ka Josefa: Kota lezi Nungungulu a ku kombileko a timhaka tontlhe leti, a nga kona munhu wo tlhariha ni wo pima kota wena.

2 Tihosi 5:15

Namani i lo tlhela ni vanhu vakwe aya ka munhu wa Nungungulu; laha na chikele i lo yima mahlweni kakwe, aku: Nza zi tiva lezaku a nga kona Nungungulu lomu misaveni yontlhe, saseka lomu tikweni ga ka Israeli. Makunu amukela a xinyikiwo lomu canjeni ga nanza ga wena.

Joba 12:19

Loyi a wutlako a tshomba ya vapristi ni ku va hlongola matikweni, A wisa lahasi a vahombe va tiko.

Tisimu 136:2

Dumisani a Nungungulu wa vanungungulu, Hakuva a wuxinji gakwe ga kala kupinzuka. Deut. 10:17; 1 Kor. 8:5

Tisimu 136:3

Dumisani a Hosi ya tihosi, Hakuva a wuxinji gakwe ga kala kupinzuka. 1 Tim. 6:13

Tisimu 72:11

Ina, tontlhe tihosi ti ta mu khizamela, A matiko wontihe ma ta mu tirela.

Tisimu 82:1

Nungungulu i yimile hlengeletanweni ya Nungungulu, Wa lamula xikari ka vanungungulu:

Tisimu 96:4

Hakuva Jehova ngwa hombe, i fanelwe hi ku dumiswa, Wa chaveka ku hunza vanungungulu vontlhe. Deut. 10:17

Ezekieli 26:7

Hakuva Hosi Jehova i ngalo: Nzi ta neha Nebukadrezzare le Tire, a hosi ya le Babuloni, a hosi ya tihosi, na a suka hi le Nwalungu, ata ni mahaxi ni tikareta ta yimpi, ni vakhileli va mahaxi, ni xidlemo xa vanhu vo tala.

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 2:19

Zonake a fihlakalo wu lo wonekeliswa ka Danieli hi muwoniso wa wusiku. Danieli-ke a khesa Nungungulu wa le tilweni,

Danieli 2:22

Wa dlunyatisa lezi zi etileko ni mifihlakalo; wa tiva leʼzi nga munyameni, ni kuwonekela ku zinwe naye. 1 Kor. 2:10

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Danieli 2:29

Na u hi sangweni ga wena hosi, u lo telwa hi maalakanyo ya lezi zi ta nga maheka xikhatini za ha tako. Loyi a tsetsulako mifihlakalo i ku kombisile lezi zi ta nga maheka.

Danieli 2:30

Kasike mina a hiku nzova ni wutlhari go hunza ga vontlhe lava va hanyako loku a fihlakalo lowu wu wonekelisilwe ka mina, kanilezi a xigelo hikuva a tlhamuselo wu tibyiwa hi hosi, kasi wa pimisisa a maalakanyo ya mbilu ya wena.

Danieli 2:37

Wena hosi u hosi ya tihosi, loyi a Nungungulu wa le tilweni a mu nyikileko a kufuma, a wukulu, ni ntamu, ni wudzunzo.

Danieli 3:15

Makunu loku mu longile aku ni xihi xikhati mu zwako a kuvuma ka paratana, ni ka mpunzu, ni ka xitende, ni ka khombela, ni ka ngoma, ni ka mihambi, ni ka tontlhe tixaka ta wucenje, muwa hasi mu khizamela a xifananiso lexi nzi nga xi maha, zi sasekile. Kanilezi loku mu nga xi khizamela mu ta hoxiwa zalezo xikari ka nzhimbo wa pingo ga nzilo. Hi wihi nungungulu a to zi kota ku mu tlhatlhisa mandleni ya mina ke?

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Danieli 3:29

Hikwalaho, nzaba nyiwo, lezaku ni wihi wa matiko wontihe, ni tixaka ni tirimi, loyi a wulawulako kubiha hi Nungungulu wa Xadrake na Mexake na Abed-nego, i ta phaphulelwa, a tiyindlu takwe ti ta mahiwa matala. Hakuva a nga kona munwani nungungulu loyi a nga ponisako hi ndlela leyi. Miti. 5:29

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 5:11

I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

Amosi 3:7

Futsi Hosi Jehova a nga zi koti ku maha nchumu na a nga se ku tivisa a malanza yakwe, va nga vaprofeti.

1 Va le Korinte 14:25

A zigungu za mbilu yakwe za tsetsulwa, zonake i tawa hasi hi nghohe yakwe a khizamela Nungungulu aku: Hizinene Nungungulu i kona xikari ka nwina. Isa. 45:14; Zak. 8:23

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

1 Timote 6:15

loku ku ta nga maheka hi xikhati xa yena, loyi a nga yece a Hosi ya ntamu yi bongekako, a Hosi ya tihosi, ni Mufumeli wa vafumeli; Xip. 1:11; Kuv. 17:14

Joxua 22:22

Nungungulu Nyamintamu, Nungungulu Jehova, wa zi tiva, na yenawu Israeli i ta zi tiva! Loku hina hi mahile lezo zilo hi kuhluwuka hi vukela Jehova ni ku mu onhela, u nga hi ponisi inyamutlha.

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4