Danieli 2:46 - Tshwa Bible

⁴⁶ Zonake hosi Nebukadnezzare i lowa hi nghohe yakwe, a khizamela Danieli, a leletela lezaku va mu phahlela ni ku mu hisela tibani. Miti. 14:11

Danieli 2:46 Mawu Ofanana

Ezra 6:10

kasi va fela ku nyikela ka Nungungulu wa le tilweni, a miphahlelo ya masema yo nanziha, ni ku kombelela a wutomi ga hosi ni vanana Va yona.

Danieli 3:5

A xikhati lexi mu zwako a kuvuma ka paratana, ni ka mpunzu, ni ka xitende, ni ka khombela, ni ka ngoma, ni ka mihambi, ni ka tontlhe tixaka ta wucenje, mu tawa hasi mu khizamela a xifananiso xa nzalama lexi hosi Nebukadnezzare a xi yimisileko.

Danieli 3:7

Hikwalaho laha vanhu vontlhe va ngazwa a kuvuma ka paratana, ni ka mpunzu, ni ka xitende, ni ka khombela, ni ka ngoma, ni ka mihambi, ni ka tontlhe tixaka ta wucenje, a matiko wontihe, a tixaka ni tirimi, va lowa hasi va khizamela a xifananiso xa nzalama lexi hosi Nebukadnezzare a nga xi yimisile.

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Luka 17:16

I lowa hi nghohe yakwe mikonzweni ya Jesu, a mu bonga; yena i wa hi muSamaria.

Mitiro 10:25

Laha Pedro a nga enghena, Korneliu i lo mu tlhangaveta, awa mikonzweni yakwe, a mu khizamela.

Mitiro 14:13

Zonake a mupristi wa tempeli ya Jupiteri, leyi yi nga mahlweni ka muti, i lo neha tinkavi ni tisimbo ta zitsangi le tinyangweni, na a lava ku va tlhavela mhamba zinwe ni xidlemo.

Mitiro 28:6

Vona va wa langutele lezaku i ta vimba, kutani awa hasi afa hi xitshuketi; kanilezi laha na va cuwukele a xikhati xa hombe, va wona lezaku a ku humi mhango ya nchumu, va lo hunzuluka, vaku: I Nungungulu. Xip. 14:11

Kuvululelwa 11:16

Zonake a 24 wa manghanakana, lawa ma tshamileko zitshanwini za wona za wuhosi mahlweni ka Nungungulu, ma lowa hi tinghohe ta wona, ma khozela Nungungulu,

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Kuvululelwa 22:8

Hi mina Johani nzi ngazwa ni ku wona lezi zilo. Laha nzi nga zizwa ni ku zi wona, nzi lowa hasi nzi khozela mikonzweni ya ngelosi leyi yi nga nzi kombeta zona.