Danieli 2:37 - Tshwa Bible

³⁷ Wena hosi u hosi ya tihosi, loyi a Nungungulu wa le tilweni a mu nyikileko a kufuma, a wukulu, ni ntamu, ni wudzunzo.

Danieli 2:37 Mawu Ofanana

1 Tihosi 4:24

Hakuva i wa fumele a tiko gontlhe ga leno Congweni, kusukela le Tifsa kala le Gaza, a tihosi leti ti wa hi leno tlhatuko wa congo, ti wa tshamile hi kurula wontihe matlhelo.

2 Tihosi 25:28

I lo wulawula kusasa ka yena, a mu tlakusa hehla ka tihosi leti ti nga wa hi zinwe naye le Babuloni.

2 Kronekele 36:23

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava; i nzi leletele a kuva nzi mu akela a yindlu le Jerusalema lomu tikweni ga ka Juda. Ni wihi xikari ka nwina loyi a nga wa vanhu vakwe, Jehova Nungungulu wakwe ave zinwe naye, ngha a kanziha a famba kona!

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Ezra 7:12

Artaxerxesi, a hosi ya tihosi, a ka Ezra, a mupristi ni mutsali a mbheleleko wa nayo wa Nungungulu wa le hehla;

Tisimu 62:11

Nungungulu i wulile kanwe. Nzi zi zwile kumbiri lezaku A ntamu ngwa Nungungulu.

Mavingu 8:15

Hi kota ya mina a tihosi ta fuma, i tihosana ta yimisa nongameto.

Isaya 10:8

Hakuva i ngalo: A tinduna tontlhe ta mina a hi tihosi ke?

Isaya 47:5

Tshama hasi u miyela, U enghena munyameni, nhwana wa maKaldea! Hakuva u nga ta ha vitanwa aku, U Muzinza wa matiko.

Jeremia 28:14

Hakuva Jehova wa tiyimpi, a Nungungulu wa Israeli i ngalo: Nzi khonekile a muyoko wa xiketse hehla ka tinhamu ta wontihe matiko lawa, lezaku ma tirela Nebukadnezzare, hosi ya Babuloni; va ta mu tirela. Nzi mu nyikile ni zihari za khwati.

Jeremia 34:1

A mhaka leyi yi tileko ka Jeremia hi ka Jehova, laha Nebukadnezzare hosi ya Babuloni ni yontlhe a yimpi yakwe, ni yontlhe a mifumo ya misava leyi yi nga fumiwa hi yena, ni matiko wontihe va ngalwa va vukela Jerusalema ni yontlhe a miti ya gona, 2 Tih. 25:1

Ezekieli 26:7

Hakuva Hosi Jehova i ngalo: Nzi ta neha Nebukadrezzare le Tire, a hosi ya le Babuloni, a hosi ya tihosi, na a suka hi le Nwalungu, ata ni mahaxi ni tikareta ta yimpi, ni vakhileli va mahaxi, ni xidlemo xa vanhu vo tala.

Danieli 1:2

A Hosi yi lo nyikela Jehoiakimu a hosi ya ka Juda mandleni yakwe, ni zibya zinwani za yindlu ya Nungungulu. Nebukadnezzare i lo famba nazo tikweni ga Xinari, a zi enghenisa ndlwini ya nungungulu wakwe, a zi veka lomu bakweni ga nungungulu wakwe.

Danieli 2:31

Wena hosi, u lo wona a xifananiso xa hombe na xi yimile mahlweni ka wena. A xifananiso lexi xi wa hi xa hombe nguvu, ku wa hunzeleta a kuhatima ka xona, ni dzumba ga xona gi wa chaviseka.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 4:22

ku wuliwa wena hosi, u kulileko uva ni ntamu; hakuva a wukulu ga wena gi tlakukile gi chikela tilweni, a kufuma ka wena ku navalata kala magemetamusi ya misava.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Hosea 8:10

Hambu loku va rumela a zinyikiwo ka manwani matiko, makunu nzi ta va tsombanyisa; va sangula ku mbheteka hi ku tikelwa hi nzhwalo wa hosi ya tihosana.

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Johani 19:11

Jesu i lo mu hlamula, aku: Ngha u nga hi na ntamu hehla ka mina, loku u nga nyikiwangi wona hi le hehla; hikwalaho loyi a nzi nyikeleko ka wena i na ni nanzu wa hombe. Lu. 22:53; Xip. 7:30

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12

Kuvululelwa 5:12

tiku hi gezu ga hombe: A Yivana leyi yinga tlhabyilwe, yi fanele ku kuma wuhosi, ni kufuma, hi wutlhari, ni ntamu, ni wudumo, ni kukhesiwa, ni kubongwa.