Danieli 2:25 - Tshwa Bible

²⁵ Arioki i lo yisa Danieli le hosini hi xihatla, a yaku ka yona: Xikari ka tikhumbi ta ka Juda nzi kumile munhu loyi a zi kotako ku byela hosi a tlhamuselo wa noro.

Danieli 2:25 Mawu Ofanana

Genesisi 41:14

Zonake Faro i lo rumela ku ya vitana Josefa; zalezo va hatlisa ku ya mu humesa paxweni. I lo ti cinga, a ambala tinguwo tinwani, a ya enghena ka Faro.

Nehemia 7:6

Lava hi vanana va tiko, lava va nga wuya hi le wukhumbini legi hosi Nebukadnezare a nga wa va khomile a va yisa Babuloni, va tlhela va wuya Jerusalema ni le Juda, munwe ni munwani a ti yela mutini wa ka kabye;

Mavingu 24:11

Tlhatlhisa lava va yisiwako kufeni; hlanguta lava va kokelwako kudaweni.

Mutshawuteli 9:10

Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

Danieli 1:6

Xikari ka vona ku wa hi Danieli na Hanania na Mixaeli na Azaria, va lixaka la ka Juda.

Danieli 5:13

Zonake Danieli i lo nehwa mahlweni ka hosi. A hosi yiku ka Danieli: Hi wena Danieli, wa tikhumbi ta ka Juda leti hosi dadani a nga tisa leno.

Danieli 6:13

Zonake vaku ka hosi: Kanilezi Danieli loyi a nga munwe wa tikhumbi ta ka Juda, a nga ku khataleli wena hosi, ge hambu a nayo lowu wena u wu yimisileko, o ti mahela mikhongelo yakwe makhati manharu hi siku.