Danieli 2:22 - Tshwa Bible

²² Wa dlunyatisa lezi zi etileko ni mifihlakalo; wa tiva leʼzi nga munyameni, ni kuwonekela ku zinwe naye. 1 Kor. 2:10

Danieli 2:22 Mawu Ofanana

Genesisi 41:16

Josefa i lo hlamula Faro, aku: A hi mina, Nungungulu hi yena a to hlamula khwatsi ka Faro.

Joba 12:22

Loyi a tsetsulako a zilo za kueta lomu munyameni, A nzhuti wa kufa a wu veka kuwonekeleni. Mat. 10:26; 2 Kor. 4:6

Joba 26:6

A Xeole xipangwa mahlweni ka Nungungulu, Ni Abaddoni a gi siretiwi ka yena. Mav. 15:11; Maheb. 4:13

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Tisimu 36:9

Hakuva a xibuka xa wutomi xi le ka wena, A kuwonekeleni ka wena hi ta wona kuwonekela. Jer. 2:13; 17:13

Mutshawuteli 8:1

Himani a fananako ni tlhari? Himani loye a zi kotako ku tlhamusela mhaka ke? A wutlhari ga munhu gi maha nghohe yakwe yi ngangamela, Ku zunya ka nghohe yakwe ku hunzulwa.

Isaya 41:22

A va gi humese, hi byeliwa leʼzi ta nga maheka. Hi kombiseni lezi mu nga vumba kale, kasi ha fela ku zi tiva, Hi wona loku zi mahekile. Kambe mu ta hi byela lezi zi ta nga humelela,

Isaya 41:26

Himani a nga zi kanela hi kusanguleni kasi hi fela ku zi tiva; Loye a nga zi wula kale, kasi hiku: U wulile zona! A ku na munhu a zi vumbileko, ge ni ku hi tivisa; I hava ni munwe a ngazwa a magezu ya nwina.

Isaya 42:9

Langutani, lezi nzi zi wulileko zi mahekile, Makunu nza mu tivisa lezi za ziswa; Nzi mu byela na zi nga se ku chikela. A lisimu tiswa.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Jeremia 23:24

Xana munhu a nga fihlala matshanwini ya zihundla lezaku nzi nga mu woni ke? ku wula Jehova. Xana a nzi tatisi a tilo ni misava ke? ku wula Jehova.

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Danieli 2:11

I mhaka yo tsanza leyi yi labyiwako hi hosi, a ku na munhu a nga yi hlawutelako ka hosi, ahandle ka vanungungulu lava va nga tshamiko xikari ka vanhu.

Danieli 2:19

Zonake a fihlakalo wu lo wonekeliswa ka Danieli hi muwoniso wa wusiku. Danieli-ke a khesa Nungungulu wa le tilweni,

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Danieli 5:11

I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

Danieli 5:14

Nzi zwile ha wena lezaku u na ni moya wa vanungungulu, ni lezaku u na ni kuwonekela ni kupimisisa ni wutlhari go eta.

Mateu 13:13

Hikwalaho nza kanela ka vona hi mifananiso, hakuva hambu va wona, a va wonisisi, hambu vazwa a va zwisisi, ge ni ku pima.

Johani 1:9

A kuwonekela ka zinene, loku ku woningako vanhu vontlhe, ku wa kari kuta misaveni. Isa. 49:6

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

Va le Efesusi 3:5

lowu wu nga kala ku tiviswa ka vanhu va zizukulwana zinwani, kota lezi ku vululelweko hi Moya ka vapostoli vakwe vo basa ni vaprofeti; Miti. 10:28

Deuteronome 29:28

Na Jehova i va tsuwule lomu tikweni gabye hi zanga, ni kuholova, ni kuhlamuka ka hombe, na yena i va hoxile ka ginwani tiko, khwatsi hi lezi hi zi wonako legi siku.

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

1 Johani 1:5

A mhaka leyi hi yi zwileko ka yena hi leyi, ha mu tivisa yona, lezaku Nungungulu kuwonekela, a ku na munyama ka yena, ne ni kutsongwanyani.